Kwan 11:7 - MUMA MALER 2015

⁷ (Manna ne chalo gi kodhi matindotindo, ma kitgi chal gi dwogo.

Motingʼo Loko Manyien

⁷ Manna-no ne chalo gi kothe matindo tindo marachere kendo ma kitgi ne chalo gi duogo.

Kwan 11:7 ပူးပေါင်းရင်းမြစ်များ

Chakruok 2:12

kuma dhahabu maber kod dwogo miluongo ni bedelium, gi kite ma nengogi tek miluongo ni oniks, yudoree.

Wuok 16:23

mi nodwokogi niya, “Ruoth Nyasaye osechiko kama: ‘Kiny en chieng’ yueyo ma en Sabato mowal ni Ruoth Nyasaye. Kuom chiemo musechokogo, unyalo bulo mago mudwaro bulo, kendo boko mago mudwaro boko. To modong’ mondo oket tenge, okan nyaka kiny.’ ”

Wuok 16:31

Jo-Israel nochako chiemono ni, ‘Manna’. Nochalo gi kodhi matindotindo marachere, kendo nomit ka kek moted gi mor kich.

Kwan 11:8

Ji ne kwanyogi kendo regogi e pong’ lwedo, kata yokogi e pany, eka ne gitedogi e agulu, kendo gilosogo kek. Ka ichame, to ndhathe chalo gi ndhath kek moted gi mo.

Fweny 2:17

“ ‘Ng’at man gi it to mondo owinj gima Roho wacho ni kanyakla mag jo-Kristo. Ng’at molocho to anami chiemo moko mopandi miluongo ni Manna, kendo anamiye kidi marachar mondikie nying manyien, maonge ng’at mong’eyo, mak mana jal monwang’e.