Kwan 11:31 - MUMA MALER 2015

³¹ Ruoth Nyasaye notugo yamo, mokelo aluru koa yo podho chieng’, kendo alurugo ne huyo gi piny maromo mita achiel koa e lowo, e bath kambi koni gi koni, kuma bor ma dirom wuodh ndalo achiel koa e kambi.

Motingʼo Loko Manyien

³¹ Eka Jehova Nyasaye notugo yamo mokelo aluru koa e nam. Yamo nokelogi ma gichokore e alwora mar kambi madirom fut adek koa piny, kendo kama ne gichokoreno ne nyalo romo wuoth mar ndalo achiel.

Kwan 11:31 ပူးပေါင်းရင်းမြစ်များ

Zaburi 105:40

Ne gikwayo gima digicham, mi okelonigi aluru, kendo nomiyogi chiemo moa e polo mondo gicham giyieng’.

Zaburi 106:15

Kuom mano ne omiyogi, to kata kamano, ne okelonigi tho malich.

Zaburi 135:7

Okelo boche polo morweyo kaa e tung’ piny gi tung’ piny, kendo omiyo polo mil e sa ma koth chue.

Wuok 10:13

Omiyo Musa norieyo ludhe e piny Misri, mi Ruoth Nyasaye notugo yamb ugue mokudho e pinyno odiechieng’no duto gotienono duto. To kane piny oru, noyudo ka yamb ugue osekelo bonyo.

Wuok 10:19

Ruoth Nyasaye noloko yamono mi okudho matek kaa imbo, motero bonyo e Nam Makwar, ma kata achiel ne ok odong’ Misri.

Wuok 15:10

To in, a Ruoth Nyasaye, nikudho muya achiel kende, mi nam oimogi, Ne ginimo ka nyinyo e apaka madongo.

Wuok 16:13

Godhiambono aluru mang’eny nobiro moimo kama ne gibworoe, kendo gokinyi tho nomoko, molworo kambi duto.

Kwan 11:30

Bang’ mano Musa gi jodong Israel nodok e kambi.