Kwan 11:23 - MUMA MALER 2015

²³ Eka Ruoth Nyasaye nopenjo Musa niya, “Bende nitie gimoro manyalo tamo Ruoth Nyasaye? Kawuono ibiro ng’eyo ka wechena gin adier, kata ka ok gin adier.”

Motingʼo Loko Manyien

²³ Jehova Nyasaye nopenjo Musa niya, “Bende nitie gima nyalo tamo Jehova Nyasaye? Kawuononi ibiro ngʼeyo ka wechena gin adier kata ok adier.”

Kwan 11:23 ပူးပေါင်းရင်းမြစ်များ

Chakruok 18:14

Ruoth Nyasaye nomedo penje niya, “Bende nitie gimoro manyalo tama? Abiro duogo iri e kinde makama higa mabiro, kendo nanwang’ ka Sara osenywolo nyathi ma wuowi kaka asewacho.”

2 Ruodhi 4:43

To jatichne nokone ni, “Ere kaka anyalo miyo ji mia achiel chiemo matin ni?” Elisha nomedo wacho ni, “Migi amiya, nikech Ruoth Nyasaye owacho ni ginichiem, mi chiemo moko nodong’.”

2 Ruodhi 7:2

Jaduong’ lweny ma nyagach ruoth nowacho ni ng’at Nyasaye niya, “Bende gini ditimre adier, kata da Ruoth Nyasaye yaw dirise polo?” To nodwoke niya, “Ibiro nene gi wang’i, to ok nichame!”

Zaburi 78:41

Adier, ne gitemo Nyasaye kinde mang’eny, nyaka ne gimiyo Ng’ama Ler mar Israel okecho.

Wuok 6:1

Ruoth Nyasaye nowacho ni Musa niya, “Koro ibiro neno gima abiro timo ni Farao. Abiro chune mondo owe jo-Israel odhi. Adier abiro chune ni nyaka oriembgi e pinye.”

Isaya 50:2

Kuom mano, ere gima omiyo ne ok ayudo ng’ato, kane abiro iru? Koso kane aluongo, to ere gima omiyo ng’ato ne ok odwoka? Uparo ni bada chiek ma ok nyal warou, kata ni aonge gi teko ma daresugo? Ooyo, ka akok, to nam duono, bende aore lokore piny motwo, mi rech manie igi tho kendo dum marach nikech pi onge.

Isaya 59:1

Bad Ruoth Nyasaye ok chiek, ma ok nyal reso ji, bende ite ok odino, ma ok onyal winjo wach,

Jeremia 14:9

Ere gima omiyo ichalo gi ng’at mobwok kata ka jalweny ma onge gi teko ma dokonygo ng’ato? Adier, in Ruoth Nyasaye in kodwa, kendo wan jogi, omiyo kik iwitwa.’ ”

Jeremia 32:17

“A Ruoth Nyasaye! Ne ichueyo polo gi piny kod riekoni gi tekoni maduong’. Onge gima nyalo tami timo.

Jeremia 32:27

“An e Ruoth Nyasaye ma Nyasach ji duto, kendo onge gima nyalo tama timo.

Ezekiel 12:25

nimar an Ruoth Nyasaye anawuo kodgi, kendo gima awacho notimre ma ok odeko ngang’. Un joma jopiemgi, unune gi wang’u ka pod ungima, ka atimo gima nasesiemou ni natim. An Ruoth Nyasaye ema awacho kamano.”

Ezekiel 24:14

An Ruoth Nyasaye ema awacho kamano, kendo gima asewacho biro timore mak orem! Ok nakech ng’ato, kendo ok nang’won ni ng’ato, bende ok nalokra. Anakumi mana maromre gi timbeni duto. An Ruoth Nyasaye ema awacho kamano.”

Daniel 6:20

kendo kane ochopo machiegni, ne okok ka chunye parore, kowacho niya, “Daniel, jatich Nyasaye mangima! Donge Nyasaye ma itiyone gi adiera duto oseresi e dho sibuoche?”

Mika 2:7

Iparo ni okwong’ jo-Israel koso? Bende Ruoth Nyasaye dikechi, mi tim gik ma kamago adier? Donge en ema owuoyo maber gi joma timbegi ni kare?”

Kwan 11:22

Ere kaka rombe gi ruedhi diyang’ mi romgi? Kata mana ka omak rech duto mae nam, to mago bende ok diromgi!”

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Mathayo 19:26

Yesu nong’iyo wang’gi tir, mowachonigi niya, “Dhano ok nyal warore kende, to Nyasaye ema nyalo gik moko duto.”

Mathayo 24:35

Polo gi piny norum. Wechena to ok norum ngang’.

Luka 1:37

nikech onge gima nyalo tamo Nyasaye.”