Kwan 11:20 - MUMA MALER 2015

²⁰ to unuchame kuom due ngima, nyaka chop othing’u, mi ung’ogi, nikech usedagi Ruoth Nyasaye modak e kindu, kendo useywakne kuwacho niya, “Ang’o momiyo ne wawuok e piny Misri?” ’ ”

Motingʼo Loko Manyien

²⁰ to unuchame kuom dwe achiel, manyaka othingʼu mi ungʼogi nikech usedagi Jehova Nyasaye modak e kindu kendo useywak e nyima, kuwacho niya, “Angʼo momiyo ne waa Misri?” ’ ”

Kwan 11:20 ပူးပေါင်းရင်းမြစ်များ

2 Samuel 12:10

Emomiyo koro lweny ok norum e dhoodi, nikech isechaya, kendo isekawo chi Uria ja-Hiti obedo chiegi.’

Zaburi 106:15

Kuom mano ne omiyogi, to kata kamano, ne okelonigi tho malich.

Wuok 16:13

Godhiambono aluru mang’eny nobiro moimo kama ne gibworoe, kendo gokinyi tho nomoko, molworo kambi duto.

Wuok 16:3

ka giwacho niya, “Mad ne Ruoth Nyasaye negwa e piny Misri, kuma ne wanyalo betie piny gi tap ring’o e nyimwa, mwachiem mana kaka wadwaro. To koro usekelowa e thimni mondo kech onegwa waduto!”

Wuok 16:8

Eka Musa nomedo wacho niya, “Ruoth Nyasaye ema biro miyou kuon mang’eny mondo ucham gokinyi, nimar osewinjo kaka uywakne. Wan ok uywagnwa, to Ruoth Nyasaye ema uywakne, nikech wan ok wan gimoro.”

Ngeche 27:7

Ka ng’ato oyieng’ to kata mana mor kich ok odwar. Ka odenyo to kata mana chiemo makech mitne amita!

Malaki 1:6

Ruoth Nyasaye Manyalo Gik Moko Duto owacho ni jodolo niya, “Wuowi nyaka mi wuon luor, kendo jatich bende nyaka luor ng’at ma otiyone. To an dak umiya duong’, to an wuonu? Koso dak umiya luor, to an ema utiyona? Usejara, to eka upenja ni, ‘Ere kaka wasejari?’

Kwan 11:13

Ere kuma anyalo yudonigie ring’o giduto? Gichando chunya ka giywakna ni mondo amigi ring’o gicham.

Kwan 11:19

To ok nuchame kuom ndalo achiel kata kuom ndalo ariyo kata abich kata apar kata mana ndalo piero ariyo,

Kwan 11:21

Musa nodwoko Ruoth Nyasaye niya, “An gi jolweny alufu mia auchiel, to in iwacho ni ibiro miyogi ring’o ma gichamo kuom due achiel ngima!

Kwan 14:3

Ere gima omiyo Ruoth Nyasaye okelowa e pinyni mondo watho e lweny, kendo omak mondwa gi nyithindwa? Donge diber ka wadok Misri?”

Kwan 14:4

Eka ne gimedo wacho niya, “Wayier ng’ato mondo odwokwa Misri.”

Kwan 16:13

Iparo ni gol mane igolowago e piny maber kendo momew mondo watho e thim ka, en gima tin koso, ma pod idwaroe mana ni nyaka ibed jatendwa?

Kwan 20:4

Ere gima omiyo isekelo oganda mar Ruoth Nyasaye e thimni mondo wathoe kaachiel gi jambwa?

Kwan 21:5

To ne gichako ng’ur ka gin e yo, mi giywak ni Nyasaye kod Musa, ka giwacho niya, “Ere gimomiyo usegolowa e piny Misri mondo watho e thimni, kama onge chiemo kata pi? Chiemo marachni ojogowa!”

Tich Joote 13:41

‘Neuru, un joma ochayo jigi! Humuru, kendo laluru nono, nikech tich ma atiyo e ndalou en gima ok unyal yie, kata da bed ni ng’ato hulnu tiende!’ ”

1 Jo-Thesalonika 4:8

Emomiyo ng’at modagi puonjni ok odagi winjo dhano, to odagi winjo mana Nyasaye, mamiyou Roho mare Maler.

Joshua 24:27

Eka nowacho ni ji duto niya, “Uneno kidini? Nobednwa janeno, nikech osewinjo weche duto ma Ruoth Nyasaye owachonwa. Kuom mano, nobednu janeno mondo kik uwe luwo Ruoth Nyasaye.”

1 Samuel 10:19

To un koro usedagi Nyasachu, ma noresou e masicheu, kod chandruoku duto, kendo usekwaye mondo oketnu ruoth. Emomiyo koro chung’uru e nyim Ruoth Nyasaye, kuchanoru e libembni mau, kendo e dhoutu.”

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.