Kwan 11:16 - MUMA MALER 2015

¹⁶ Ruoth Nyasaye nodwoko Musa niya, “Chok jodong Israel piero abiriyo ma ing’eyo ni jotend oganda. Kelgi e nyima e Hemb Romo kendo gichung’ kodi kanyo.

Motingʼo Loko Manyien

¹⁶ Omiyo Jehova Nyasaye nowacho ne Musa kama: “Kelna jodong Israel piero abiriyo ma ingʼeyo ni jotelo kendo ruodhi. Kelgi e Hemb Romo kendo gichungʼ kodi kanyo.

Kwan 11:16 ပူးပေါင်းရင်းမြစ်များ

Chakruok 46:27

To Josef nonywolo yawuowi ariyo Misri, omiyo joka Jakobo duto ma nodhi Misri noromo piero abiriyo.

Wuok 18:25

Noyiero joma riek kuom jo-Israel duto, moketogi jotelo mag ji alufu achiel achiel, gi mag ji mia mia, gi mag ji piero abich abich, kod mag ji apar apar.

Wuok 24:1

Noyudo ka Ruoth Nyasaye osewacho ni Musa niya, “Bi ira e got, kaachiel gi Harun gi Nadab gi Abihu kod jodong Israel piero abiriyo. To kapok uchopo machiegni, kulreuru mondo ulem.

Wuok 24:9

Musa gi Harun gi Nadab kod Abihu, kaachiel gi jodong Israel piero abiriyo nodhi e got, moneno Nyasach Israel.

Wuok 4:29

Eka Musa kod Harun ne jodhi, mochoko jodong Israel kanyakla.

Jeremia 19:1

Ruoth Nyasaye nonyisa mondo adhi ang’iew agulu. Bende nonyisa mondo akaw jodongo moko kod jodolo madongo,

Ezekiel 8:11

Jodong Israel piero abiriyo ne ni kanyo, ka Jaazania wuod Shafan nie diergi. Moro ka moro noting’o gima iwang’oe ubani, ka ubani dum iro.

Kwan 11:24

Musa nowuok oko, monyiso ji gima ne Ruoth Nyasaye owacho. Nochoko jodong oganda piero abiriyo, mi oketo e alwora mar Hema.

Kwan 16:25

Kamano Musa nodhi ir Dothan gi Abiram, kendo jodong Israel noluwo bang’e.

Luka 10:1

Bang’ mano, Ruoth Yesu noyiero ji piero abiriyo gariyo mamoko, moorogi ariyo ariyo, mondo gitel nyime e mier duto kod kuonde duto mane en owuon odwaro dhiye.

Luka 10:17

Jopuonjre piero abiriyo gariyogo noduogo gi mor, kawacho niya, “Ruoth, kata mana jochiende bende winjowa ka wakwerogi e nyingi!”

Rapar mar Chik 1:15

Omiyo nakawo ji man gi rieko kendo molony, maketo mondo oritu. Moko kuomgi naketo jotend ji gana, to moko jotend ji mia mia, to moko jotend ji piero abich abich, kod ji apar apar, kendo moko bende naketo jotelo mopogore opogore e dhoutu duto.

Rapar mar Chik 16:18

“Unuyier jang’ad bura kod jotend dhoutu e mier duto ma Ruoth Nyasaye ma Nyasachu biro miyou, kendo nyaka ging’ad ni ji bura kare.

Rapar mar Chik 31:28

Omiyo chokuru jodong dhoutu gi jotendu duto e nyima, mondo awachnigi wechegi, kendo aluong polo gi piny mondo obedna joneno.