Kwan 11:13 - MUMA MALER 2015

¹³ Ere kuma anyalo yudonigie ring’o giduto? Gichando chunya ka giywakna ni mondo amigi ring’o gicham.

Motingʼo Loko Manyien

¹³ Dayud ringʼo madirom jogi kanye? Gisiko ka giywakna ni, ‘Miwa ringʼo mondo wacham!’

Kwan 11:13 ပူးပေါင်းရင်းမြစ်များ

2 Ruodhi 4:43

To jatichne nokone ni, “Ere kaka anyalo miyo ji mia achiel chiemo matin ni?” Elisha nomedo wacho ni, “Migi amiya, nikech Ruoth Nyasaye owacho ni ginichiem, mi chiemo moko nodong’.”

2 Ruodhi 7:2

Jaduong’ lweny ma nyagach ruoth nowacho ni ng’at Nyasaye niya, “Bende gini ditimre adier, kata da Ruoth Nyasaye yaw dirise polo?” To nodwoke niya, “Ibiro nene gi wang’i, to ok nichame!”

Kwan 11:20

to unuchame kuom due ngima, nyaka chop othing’u, mi ung’ogi, nikech usedagi Ruoth Nyasaye modak e kindu, kendo useywakne kuwacho niya, “Ang’o momiyo ne wawuok e piny Misri?” ’ ”

Kwan 11:21

Musa nodwoko Ruoth Nyasaye niya, “An gi jolweny alufu mia auchiel, to in iwacho ni ibiro miyogi ring’o ma gichamo kuom due achiel ngima!

Kwan 11:22

Ere kaka rombe gi ruedhi diyang’ mi romgi? Kata mana ka omak rech duto mae nam, to mago bende ok diromgi!”

Mathayo 15:33

To jopuonjrene nopenje ni, “Ere kama dwayudie chiemo e thim ka, ma dirom oganda maduong’ni?”

Mariko 8:4

To jopuonjrene nopenje niya, “Ere kama ng’ato diyudie chiemo e thim kaeri ma dirom jogo duto?”

Mariko 9:23

Yesu nodwoke ni, “Ere gima omiyo iwacho ni, ‘Kinyalo’? Gik moko duto nyalore ni ng’ama oyie!”