Kwan 11:10 - MUMA MALER 2015

¹⁰ Musa nowinjo ka jo-Israel ywak, ka joot ka joot ochung’ e dho hembgi. Mano omiyo mirima mager nomako Ruoth Nyasaye, mi chuny Musa nochandore.

Motingʼo Loko Manyien

¹⁰ Musa nowinjo ji duto moa e anywola ka anywola kaywak, ka moro ka moro ochungʼ e dho hembe. Jehova Nyasaye iye nomedo owangʼ kendo kihondko nomako Musa.

Kwan 11:10 ပူးပေါင်းရင်းမြစ်များ

Zaburi 106:25

Ne gisiko mana e hembegi ka ging’ur ang’ura, kendo ne gitamore winjo wach Ruoth Nyasaye.

Zaburi 139:21

A Ruoth Nyasaye, mano kaka amon gi joma mon kodi, kendo mano kaka asin gi jogo mapiem kodi.

Zaburi 78:21

Kane Ruoth Nyasaye owinjo kamano, nokecho gi nyikwa Jakobo, mi omonjogi gi mach. Adier, mirima mager nomake gi jo-Israel,

Zaburi 78:59

Kane Nyasaye oneno kamano, nokecho, mi odagi jo-Israel chuth.

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Jeremia 17:4

Ubiro a e piny mane amiyou, kendo abiro miyo utiyo ni wasiku e piny ma ok ung’eyo, nimar mirimba chal gi mach, kendo biro liel nyaka chieng’.”

Kwan 11:1

E kinde moro jo-Israel noywak ni Ruoth Nyasaye kuom thagruokgi. Ruoth Nyasaye ne okecho kowinjo wechegigo, mi mach moa kuome nomuoch kuomgi, kendo oketho bath kambi konchiel.

Kwan 11:11

Nopenjo Ruoth Nyasaye niya, “Ang’o momiyo isekelo chandruok kuom jatichni? Ere ketho ma aseketho e nyimi momiyo iketo kuoma ting’ mapek mar rito jogi duto?

Kwan 11:9

Kane tho omoko gotieno, to manna bende ne lwar.)

Kwan 12:3

(To ka iwacho adier, Musa ne en ng’at mamuol ahinya moloyo ji duto manie piny.) Ruoth Nyasaye nowinjo kaka jogo kuodhe,

Kwan 12:9

Mirima nomako Ruoth Nyasaye kodgi mi oa,

Kwan 16:27

Kuom mano, oganda duto noa kama ne Korah gi Dothan kod Abiram nitie. Koro noyudo ka Dothan gi Abiram josewuok, mochung’ e dho hembegi, kaachiel gi mondgi gi nyithindgi kod jogi.

Kwan 21:5

To ne gichako ng’ur ka gin e yo, mi giywak ni Nyasaye kod Musa, ka giwacho niya, “Ere gimomiyo usegolowa e piny Misri mondo watho e thimni, kama onge chiemo kata pi? Chiemo marachni ojogowa!”

Mariko 10:14

Kane Yesu oneno ka jopuonjrene kwero jogo kamano, nosin, mi owacho ni jopuonjrene niya, “Weuru nyithindo obi ira! Kik utamgi, nikech joma kamagi ema yudo gweth mar Loch Nyasaye!

Mariko 3:5

Kane Yesu oneno ka chunygi tek, chunye nodoko malit, mi orangogi gi mirima. Eka nowacho ni ng’atno niya, “Rie lweti.” Ng’atno norieyo lwete, mi lwete ochango.

Rapar mar Chik 32:22

Mirimba osemoko mach! Mawang’o piny kaachiel gi gik manyakie, kendo owang’o mise mag gode, bende ochopo kata kar joma otho e liel piny.