Kwan 1:50 - MUMA MALER 2015

⁵⁰ to iketgi e tich rito Hema Maler gi gige duto. Gin kende ema ginibed jorit Hema Maler, kendo ginigur hembegi molwore koni gi koni.

Motingʼo Loko Manyien

⁵⁰ Kuom mano, yier jo-Lawi mondo obed jorit Hemb Romo mar Rapar kaachiel gi gik moko duto manie iye. Gin ema nyaka gitingʼ Hemb Romo gi gige; kendo girite maber ka gilwore kod hembegi koni gi koni.

Kwan 1:50 ပူးပေါင်းရင်းမြစ်များ

2 Weche mag Ndalo 24:6

Omiyo Ruoth noluongo Jehoyada jadolo maduong’, mopenje niya, “Ang’o momiyo ok ijiw jo-Lawi mondo osol osuru kuom jo-Juda gi jo-Jerusalem? En osuru mane Musa jatich Ruoth Nyasaye oketo kuom jo-Israel mondo olosgo Hemb-Romo.

Nehemia 12:22

Nying jodong dhout jodolo noyudi kosendiki, chakre ndalo mag Eliashib gi mag Joyada gi mag Johanan kod mag Jadua, nyaka chop ndalo loch Darius ruodh Persia.

Nehemia 12:47

Kendo e ndalo Zerubabel gi ndalo Nehemia, jo-Israel duto nochiwo pok ni jower kendo ni jorit dhorangeye kaka ne dwarore pile. Bende ne gipogo ni jo-Lawi gik moketnigi, mi jo-Lawi bende nopogo ni joka Harun pokgi.

Nehemia 12:8

Jo-lawi ne gin: Jeshua gi Binui gi Kadmiel gi Sherebia gi Juda kod Matania. Matania nogono kaachiel gi jowetene, ema ne telo ni wer sa lemo.

Nehemia 13:22

Bende nachiko jo-Lawi mane onego opwodhre mondo okaw tich mar rito dhorangeye ni nyaka gine ni chieng’ Sabato orit maler. A Nyasaye, par gima natimono bende, kendo iguedha, mi ikecha kuom herani maduong’ mosiko.

Nehemia 13:5

Odno ema yandi ikanoe chiwo mag cham gi ubani gi gik lemo mitiyogo e Hekalu, gi achiel kuom apar mag cham gi divai manyien gi modhi, mane ochiw ni jo-Lawi gi jower gi jorit dhorangeye kaka chik dwaro, kaachiel gi chiwo mane opog ni jodolo.

Zaburi 122:4

Dhout Israel biroe, ee, jo-Ruoth Nyasaye biroe, mondo ogone erokamano kaka nochikogi.

Wuok 31:18

Kane Ruoth Nyasaye osetieko wuoyo gi Musa e got Sinai, nomiye kite mopamore ariyo mag rapar. Gin e kite ariyo mane Nyasaye ondikoe gi lith lwete.

Wuok 38:21

Magi e kar romb gik mane Musa oketo e lwet jo-Lawi mane tiyo e bwo Ithamar wuod Harun jadolo, mondo olosgo Hema Maler, ma nyinge moro en Hemb Rapar.

Kwan 1:53

To jo-Lawi nogur hembegi e alwora mar Hema Maler mar Rapar, mondo mirimba kik bi kuom oganda duto mag Israel. Kamano jo-Lawi ema nobed karito Hema Maler mar Rapar.”

Kwan 10:21

Joka Kohath ma joting’ gik maler ema nowuok bang’ jogo, to kane gichopo kama onego gurie kambi, ne giyudo ka osegur Hema Maler.

Kwan 17:7

Musa noketogi e nyim Ruoth Nyasaye ei Hemb Rapar.

Kwan 18:5

To un uwegi unubed kutiyo tije mag Kama Ler, kod tich dolo e kendo-mar-misango, mondo mirima mager mar Ruoth Nyasaye kik bi kuom jo-Israel kendo.

Kwan 2:17

Bang’gi to Hemb Romo ema nowuogi, ka kambi jo-Lawi osiko kargi e dier kambe mamoko. Ka giwuotho, to ginichanre mana kaka kambegi ochanore, ka ng’ato ka ng’ato ni e bwo bandeche.

Kwan 20:11

Eka noting’o bade mogoyo lwandano diriyo gi ludhe. Pi nobubni mang’eny, mi oganda nomodho kaachiel gi jambgi.

Kwan 4:15

Pile ka kambi dar, to joka Kohath nyaka bi mondo oting’ Hema Maler kod gige duto. To kik gibi ka pok Harun gi yawuote otieko umogi, bende kik gimul gimoro amora maler, nono to githo. Mago duto gin gik Hemb Romo ma joka Kohath ema ting’o.

Kwan 4:3

kundiko nying joma hikgi nie kind piero adek gi piero abich, monego ti tich lemo e Hemb Romo.

Kwan 8:19

Aseketo jo-Lawi e lwet Harun gi yawuote, ka joma owal kuom jo-Israel mondo oti tich lemo ni jo-Israel e Hemb Romo kendo opwodhnigi richogi, mondo kik jo-Israel tho ka sudo machiegni gi Kama Ler.”

Kwan 8:20

Musa gi Harun kaachiel gi jo-Israel duto nochopo chike duto mane Nyasaye omiyo Musa kuom tich walo jo-Lawi.

Kwan 8:22

Bang’e ne gidonjo e Hemb Romo mondo giti tich lemo e nyim Harun gi yawuote, kamano Musa notimo ni jo-Lawi mana kaka Ruoth Nyasaye nochike.

Fweny 15:5

Bang’ mano, ne ang’icho mi aneno ka Hekalu mar Hemb Rapar oyawore e polo.