Jo-Rumi 9:5 - MUMA MALER 2015

⁵ Gin e nyikwa kwerewa madongo machon, kendo korka anywola, to Mesia ne oa e ogandagi. Opak Nyasaye Moloyo Gik Moko Duto nyaka chieng’! Amin.

Motingʼo Loko Manyien

⁵ Gin bende ema kwerewa madongo noa kuomgi, kendo kata mana Kristo, kuom anywolane kaka dhano, bende oa kuomgi; En ma en Nyasaye kuom duto, kendo mipako nyaka chiengʼ! Amin.

Jo-Rumi 9:5 ပူးပေါင်းရင်းမြစ်များ

Chakruok 12:3

“Anaguedh jogo ma guedhi, to nakuong’ jogo ma kuong’i, kendo ogendini duto mae piny nokwaya mondo aguedhgi kaka aseguedhi.”

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

1 Ruodhi 1:36

Benaya wuod Jehoyada nodwoko Ruoth niya, “Obed kamano! Ruoth Nyasaye ma Nyasachi mondo oyie otimre kamano.

1 Weche mag Ndalo 16:36

Odend Ruoth Nyasaye ma Nyasach Israel higni gi higni. Eka ji duto nowacho niya, “Amin!” kendo ne gipako Ruoth Nyasaye.

Zaburi 103:19

Ruoth Nyasaye noguro kom duong’ne e polo. En e ruodh gik moko duto.

Zaburi 106:48

Wadenduru Ruoth Nyasaye ma Nyasach Israel higni gi higni. Ji duto mondo owach niya, “Obed kamano!” Pakuru Ruoth Nyasaye!

Zaburi 41:13

Wapakuru Ruoth Nyasaye, ma Nyasach Israel. Ee, pakeuru sani, kendo nyaka chieng’! Amin! Amin!

Zaburi 45:6

Lochni chalo gi loch Nyasaye mosiko nyaka chieng’, kendo irito pinyi gi adiera,

Zaburi 72:19

Pakuru nyinge maduong’ nyaka chieng’, kendo duong’ne maler mondo opong’ piny! Amin!

Zaburi 89:52

Wapakuru Ruoth Nyasaye nyaka chieng’. Amin.

Isaya 11:1

Bang’e nyakwar Jesse moro nowuogi, mana ka bad yath maloth.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Jeremia 28:6

kowacho niya, “Mad Ruoth Nyasaye tim kamano! Dang’ bed maber ka omiyo wecheni duto otimore, mi oduogo gik lemo duto mane oter Babulon, kaachiel gi joma ne odar mi oter kuno e tuech!

Mika 5:2

Bethlehem Efratha, in e dala matinie moloyo miech Juda duto. To kuomi ema jatend Israel biro wuokie, ma anywolane nitie nyaka nene.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

Luka 20:44

Kamano waneno ni Daudi ema luongo Mesia ni Ruoth. Koro ere kaka Mesia dibed nyakwar Daudi?”

Johana 10:30

Wan gi Wuora wan gimoro achiel.”

Tich Joote 20:28

To tang’uru, kendo rituru kueth duto ma Roho Maler osemiyou mondo uriti. Beduru jokwath mag kanyakla mar joma oyie kuom Nyasaye mane ong’iewo gi remb Wuode owuon.

Tich Joote 3:13

Nyasach Ibrahim gi Isaka kod Jakobo, ma Nyasach kwerewa, osemiyo jatichne Yesu duong’. En Yesu mane undhogo, mi ukwedo e nyim Pilato, kata obedo ni Pilato ne dwaro gonye kamano.

Jo-Rumi 1:25

Ne giloko adiera mar Nyasaye odoko miriambo, kendo kar lamo Jachuech ma owinjore yud pak nyaka chieng’ to ne gilamo mana gik mochue, kendo gimiyo duong’.

Jo-Rumi 1:3

En Wach Maber mawuoyo kuom Wuode ma Ruodhwa Yesu Kristo. Korka anywola mar dhano, ne en nyakwar Daudi,

Jo-Rumi 10:12

Mano oriwo ji duto nikech onge pogruok e kind jo-Yahudi gi joma ok jo-Yahudi, to giduto gin gi Ruoth achiel man gi mwandu mang’eny mopogo ni ji duto malame.

Jo-Rumi 11:28

Kane ilando ni jo-Yahudi Injili, to ne gidoko wasik Nyasaye, to mano nokelonu konyruok, un joma ok jo-Yahudi. To kata kamano Nyasaye noseyierogi, kendo pod oherogi, nikech oparo kweregi.

1 Jo-Korintho 14:16

Ka igoyo ni Nyasaye erokamano mana gi chunyi, ka idhum gi Roho, to ere kaka ng’ato ang’ata mobet e chokruokno diwach ni, ‘Amin’, bang’ erokamano migoyono, ka ok ong’eyo tiend gima iwacho?

2 Jo-Korintho 11:31

Nyasaye ma Wuon Ruoth Yesu ma ipako nyaka chieng’ ema ong’eyo ni ok ariambi.

Rapar mar Chik 10:15

To kata kamano, Ruoth Nyasaye ne pod rito kwereu nikech noherogi, mi bang’gi noyiero mana un nyikwagi kuom ogendini moko duto mondo ubed joge, kaka pod ubet nyaka chil kawuono.

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

1 Timotheo 6:15

Nyasaye mipako, ma en kende e wuon loch, nomi Kristo obi e kinde ma en owuon oseketo. En e Ruodh ruodhi, kendo en e jaloch moloyo joloch duto.

2 Timotheo 2:8

Par ni Wach Maber ma alando en wach Yesu Kristo, ma nyakwar Daudi, mane ochier oa kuom joma otho.

Jo-Hibrania 7:24

Yesu to nigi tich dolo ma ok we ni ng’at moro machielo, nikech osiko nyaka chieng’.

1 Johana 5:20

Wang’eyo bende ni Wuod Nyasaye osebiro, mi omiyowa rieko mondo wang’ego Nyasaye maradier. Wan kuom Jal maradier, ma en Yesu Kristo Wuod Nyasaye. En e Nyasaye maradier, kendo en e ngima ma nyaka chieng’.

Fweny 1:18

kendo an e Jal Mangima. Ne atho, to koro angima nyaka Piny Joma Otho.

Fweny 22:16

“An Yesu aseoro malaikana mondo ohulnu wechegi ukonygo kanyakla mag jo-Kristo. An Nyakwar Daudi, kendo an sulue mar okinyi.”

Fweny 22:20

Jal manyiso wechegi duto wacho niya, “Adier, abiro piyo!” Obed kamano! Bi, Ruoth Yesu!

Fweny 5:14

Eka gik mangima ang’wen-go nodwoko ni, “Obed kamano”, kendo jodongo nopodho piny mi olemo.