Jo-Rumi 9:4 - MUMA MALER 2015

⁴ Jo-Israel gin joma Nyasaye oseyiero mondo obed nyithinde. Ne onyisogi duong’ne maler, kendo ne otimo kodgi singruok madongo. Nomiyogi Chik Musa kendo nonyisogi kaka onego gilame e Hekalu. Bende nosingorenigi ni obiro guedhogi.

Motingʼo Loko Manyien

⁴ Gin ema noketgi yawuot Nyasaye; gin ema nomigi duongʼ mar Nyasaye gi muma, gi chik, gi lemo, kod singruok.

Jo-Rumi 9:4 ပူးပေါင်းရင်းမြစ်များ

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

Chakruok 17:10

Koro ma e kaka onego umak singruoknani: ng’ato ka ng’ato ma dichwo kuomu nyaka ter nyangu.

Chakruok 17:2

eka anatim kodi singruok, kendo nami nyikwayi bed mogundho.”

Chakruok 17:7

“Anarit singruok ma asetimo kodi kendo gi nyikwayi e tienge mabiro, mi anabed Nyasachi kendo Nyasach nyikwayi nyaka chieng’.

Chakruok 32:28

Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

1 Ruodhi 8:11

mi ne ok ginyal tiyo tichgi mar dolo, nikech duong’ maler mar Ruoth Nyasaye nopong’o Hekalu.

Nehemia 13:29

A Nyasacha, par kaka gisechido tich dolo, kendo ketho kuong’ruok ma jodolo gi jo-Lawi timo.

Zaburi 147:19

Onyiso nyikwa Jakobo wachne. Ee, ogolo chikene gi buchene ni jo-Israel.

Zaburi 63:2

Kuom mano, we aneni e kar dakni maler, mondo aneye tekoni gi duong’ni.

Zaburi 73:1

Mano kaka Nyasaye ng’won ni jo-Israel! Adier, ong’won ni jogo man gi chuny makare!

Zaburi 78:61

Ne oyie ni wasigu mondo okaw Sandug Muma kama tekone gi duong’ne maler nitie.

Zaburi 89:3

Ne iwacho niya, “Asetimo singruok gi Daudi, jatichna ma aseyiero, mowir gi mo,

Zaburi 89:34

Adier, ok naketh winjruokna kode, ka ok achopo gima ne awacho.

Zaburi 90:16

Nyiswae tijeni madongo, wan jotichni, mondo nyithindwa bende one duong’ni maler.

Wuok 12:25

Ka udonjo e piny ma Ruoth Nyasaye nomiu kaka osesingore, to nyaka urit sawoni.

Wuok 34:27

Ruoth Nyasaye nowacho ni Musa niya, “Ndik wechego, nikech gin ema atimogo singruok kodi kaachiel gi jo-Israel.”

Wuok 4:22

To nyaka inyise ni Ruoth Nyasaye owacho kama: ‘Israel en wuoda makayo.

Wuok 40:34

mi bor polo noimo Hemb Romo, kendo duong’ maler mar Ruoth Nyasaye nopong’e.

Isaya 41:8

To un jo-Israel jotichna, aseyierou, mi agolou e giko piny kuonde mane untie. Adier, un nyikwa Jakobo ma aseyiero, kendo ma koth Ibrahim osiepna,

Isaya 46:3

Winjuru, un joka Jakobo, ma aseting’o nyaka ne nywol. Ee, chikuru itu un jo-Israel modong’, ma aseting’o nyaka ne a e ich.

Isaya 5:2

Ne opure maber mi ogolo kite mane nitie, kendo opidhoe mzabibu mabeyo ahinya. Ne ogero ot mabor mar rito e dier puodhono, kendo ne okunyo bur mibiyoe mzabibu e lwanda man kuno. Ne ogeno ni puotheno biro nyagone olemo mabeyo, to kar timo kamano ne onyago mana olemo makech.

Isaya 60:19

Wang’ chieng’ ok nochak obedni ler mar odiechieng’, kata due ok nochak orienyni gotieno, to Ruoth Nyasaye ema nobedni ler mosiko. Nyasachi nobedni duong’ maler.

Jeremia 31:20

To an Ruoth Nyasaye awacho kama: In Israel in e wuoda mahero moloyo. E sa asaya ma aluongoe nyingi, to apari gi hera. Chunya oheri, omiyo abiro kechi.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Jeremia 31:9

Joga noduog kaywak, to anakue chunygi ka atelonigi e yo. Anatergi e aore mabeyo mamol, kendo ok ginichwanyre nimar giniwuoth e yo maber. An wuon jo-Israel, kendo Efraim e wuoda makayo.

Ezekiel 1:28

To lerno ne nigi kido duto machalo gi kit lihudu manie kor polo ka koth chue. Mano e kaka duong’ maler mar Ruoth Nyasaye ne chalo!

Hosea 11:1

“Kane Israel pod tin, ne ahere. Naluongo wuoda mondo oa Misri.

Kwan 7:89

To kane Musa odonjo e Hemb Romo mondo owuo gi Nyasaye, nowinjo Dwond Nyasaye ka wuoyo kode ewi raum mar Sandug Rapar miluongo ni kar-ng’wono, e kind kido ariyo machalo gi malaika miluongo ni kerubi.

Mathayo 21:33

“Koro winjuru ngero machielo. Ne nitie ng’at moro mane oloso puoth mzabibu. Nochielo puodhono, mokunyone bur mibiyoe mzabibu, kendo ogerone kar rito. Eka ne oweye e lwet jopur, mi owuok odhi e piny moro mabor.

Johana 1:17

nikech kata obedo ni Musa ema nokelonwa Chik, to Yesu Kristo ema nokelonwa ng’wono gi adiera.

Johana 1:47

Kane Yesu oneno Nathaniel kabiro ire, nowacho ni, “Neuru! Ja-Israel hie e cha biro. En ng’ama kare, ma onge miganga.”

Tich Joote 2:39

Singruok mane Nyasaye osetimono, notimonu gi nyithindu, kod ji duto man kuma bor, tiende ni ng’ato ka ng’ato ma Ruoth Nyasachwa noluong ire.”

Jo-Rumi 3:2

To adwoko kama: Nitie ber mang’eny kuom bedo ja-Yahudi. Mokwongo Nyasaye nogeno jo-Yahudi mi omiyogi Wachne.

Jo-Rumi 8:15

To Roho ma useyudo ok loku wasumbini mondo uchak ubed maluor. Ooyo, Rohono lokowa nyithind Nyasaye, omiyo ng’ato ka ng’ato kuomwa ywak ni Nyasaye, ka luonge ni, “Baba! Wuora!”

Jo-Rumi 9:6

To kik ugal ni gima Nyasaye nosingore ok osechopo, nikech jo-Israel duto ok gin joma Nyasaye oseyiero.

2 Jo-Korintho 11:22

Gipakore ni gin jo-Hibrania koso? To donge an ja-Hibrania mana kaka gin? Bende gipakore ni gin jo-Israel, to an ok an ja-Israel koso? Kendo giwacho ni gin nyikwa Ibrahim, to an bende ok an nyakwar Ibrahim?

Jo-Galatia 3:16

To Muma wacho ni Nyasaye notimo singruok gi Ibrahim kendo gi nyakware. Ok owacho ni, gi nyikwaye, tiende ni, ji mang’eny, to owacho ni, gi nyakware, tiende ni, ng’at achiel kende, ma en Kristo.

Jo-Efeso 2:12

Bende paruru ni e kindego ne uonge gi Mesia. Ne ok un e kanyakla mar oganda jo-Israel. Kamano ne ok un kuom joma Nyasaye otimogo winjruok, kosingore ni obiro guedhogi, kendo ne udak e pinyni ka uonge gi geno, kendo ka uonge gi Nyasaye.

Rapar mar Chik 14:1

“Un e nyithind Ruoth Nyasaye ma Nyasachu, omiyo kik usar dendu kata kik uliel nyiem wengeu kuywago ng’at motho,

Rapar mar Chik 29:1

Mago e weche mag singruok mane Ruoth Nyasaye ochiko Musa mondo omi jo-Israel otim, kane gin e piny jo-Moab. Singruokno ne omedi kuom singruok mane otimo kodgi Horeb.

Rapar mar Chik 29:14

Ok un kende ema amiyou utimo singruokni,

Rapar mar Chik 31:16

Ruoth Nyasaye nowacho ni Musa niya, “Ka isetho, moyiki, to jogi biro weya mi luw nyiseche mag jomoko ma gidhi yudo ka gidonjo e pinyno, mana kaka dhako weyo chwore, to dwanyore gi chwo mamoko. Giniweya, kendo giniketh singruok ma asetimo kodgi.

Rapar mar Chik 4:13

Nohulonu ratiro singruok ma koro notimo kodu, kochikou mondo urit singruokno, tiende ni rito Chike Apar, mane ondiko kuom kite ariyo mopamore.

Rapar mar Chik 7:6

nimar un joma owal ni Ruoth Nyasaye ma Nyasachu. Ruoth Nyasaye ma Nyasachu noyierou e kind ji duto mae piny mondo ubed ogandane moyiero.

Jo-Hibrania 9:1

Singruok mokwongo ne nigi chike moko miluwo kilamo Nyasaye, to bende ne en gi kar lemo molosi e pinyka.

Jo-Hibrania 9:10

nimar gik mobadhe gin mana chiemo gi gik ma imadho kod tim lwok mopogore opogore. Magi gin mana chik mag tim maoko ma oketi mondo oti nyaka chop kinde ma Nyasaye losoe gik moko manyien.

Jo-Hibrania 9:3

To tok nanga mar rageng’ mar ariyo, ne nitie Hema moro miluongo ni Kama Ler Moloyo.

Jo-Hibrania 9:5

To ewi Sandugno ne nitie kido mag malaika miluongo ni kerubi, manyiso duong’ maler mar Nyasaye. Buombegi noumo kama igoloe richo. To ok wanyal wuoyo matut kuom gigo sani.

Jo-Hibrania 9:6

Kamano e kaka ne ochan gigo. Jodolo donjo e hema maoko pile, kendo tiyo tijegi mag lemo.