Jo-Rumi 9:32 - MUMA MALER 2015

³² To ang’o ma omiyo ne ok ginyal yude? Ne ok ginyal yude nikech ne ok gitemo mondo gibed e winjruok gi Nyasaye kuom yie, to mana kuom gik ma gitimo. Ne gichwanyore e kidi machwanyo ji.

Motingʼo Loko Manyien

³² Kamano nangʼo? Nikech ne ok gidware kuom yie, to ne gidware ka giparo ni iyude kuom tim. Negichwanyore e kidi mar chwanyruok.

Jo-Rumi 9:32 ပူးပေါင်းရင်းမြစ်များ

Isaya 8:14

En e Kar Ler, kendo e kidi ma chwanyo ji. Adier, en e lwanda mamiyo pinje jo-Israel ariyo duto podho. Chutho en e obadho mamako jo-Jerusalem.

Isaya 8:15

Ji mang’eny biro chwanyore e lwandano, mi gore piny kendo tur. Adier, obadhono biro mako ji mathoth.

Mathayo 13:57

Kamano ne gisin kode. Yesu to nowachonigi niya, “Janabi imiyo duong’ kuonde duto, to mak mana jogweng’gi gi joodgi ema ochaye.”

Luka 2:34

Simeon noguedhogi, mowacho ni Maria min nyathino niya, “Nyathini oketi mondo ji mang’eny ochung’ e Israel, kendo enobed ranyisi ma ji dagi.

Luka 7:23

To ng’at ma wachna ok chwany chunye en jahawi!”

Jo-Rumi 10:3

nikech pok ging’eyo yo ma Nyasaye miyogo ji bet e winjruok kode, to gise mana temo loso yorgi giwegi. Kamano ne ok giyie luwo yo ma Nyasaye miyogo ji bet e winjruok kode.

Jo-Rumi 11:11

To koro apenjo niya, “Kane jo-Yahudi ochwanyore, ne gipodho mi gilal chuth koso?” Ooyo, ok kamano. Ketho mane jo-Yahudi okethogo nomiyo warruok obiro ni joma ok jo-Yahudi, mondo omi jo-Yahudi obed gi nyiego kodgi.

Jo-Rumi 4:16

Gimomiyo yie nyaka bedie en ni mondo gik moko duto oyud nono kuom ng’wono, kendo singruok obed gi teko ni koth Ibrahim duto, ok mana ni joma rito Chik kende, to bende ni mago ma oyie mana kaka Ibrahim e wuonwa waduto,

1 Jo-Korintho 1:23

Wan to walando wach Kristo mane ogur e msalaba. En wach ma chwanyo chuny jo-Yahudi, to joma ok jo-Yahudi to kwane ka wach mofuwo.

1 Petro 2:6

kaka Muma wacho niya, “Neuru, aketo kidi moyier e Sayun. En kidi motegno man gi duong’ moriwo kor ot. Ng’at moyie kuome to ok none wichkuot.”

1 Petro 2:8

Muma kama chielo to wacho ni, “En e kidi mabiro chwanyo ji; Lwanda ma nomi gipodhi.” Gichwanyore nikech gidagi winjo Wach Maber. Mano e gima ne Nyasaye owalonigi.