Jo-Rumi 9:29 - MUMA MALER 2015

²⁹ Mano oluore gi gima Isaya nosewacho chon niya, “Ka dine Ruoth Nyasaye Manyalo Gik Moko Duto ok oweyonwa joma chungo wiwa, to dine warumo mana ka Sodom gi Gomora.”

Motingʼo Loko Manyien

²⁹ En mana kaka Isaya nowacho motelo ni, “Ka dine Jehova Nyasaye Maratego ok oweyonwa nyikwayo, to dine wachalo gi jo-Sodom, adier, dikoro ne wachalo kaka jo-Gomora.”

Jo-Rumi 9:29 ပူးပေါင်းရင်းမြစ်များ

Isaya 1:10

Un ruodhi mag Jerusalem, kaachiel gi jou, winjuru wach Ruoth Nyasaye. Ee, un muchalo gi jo-Sodom gi jo-Gomora, chikuru itu ni puonjne.

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 13:19

Kamano, kata obedo ni Babulon, en dala maberie moloyo mier mag pinje mamoko duto, kendo ma jo-Babulon sungorego, to Nyasaye nokethe mana kaka noketho Sodom gi Gomora.

Isaya 6:13

Kata ka achiel kuom apar mar ji odong’ kanyo, to gin bende notiekgi pep, mana ka yien motong’, mi osiki kende ema odong’. Kamano jo-Nyasaye ma biro dong’ nochal gi osikino.”

Jeremia 49:18

Gima ne otimore ni Sodom gi Gomora kane okethogi kaachiel gi mier mokiewo kodgi, e gima biro timore ni piny Edom. Onge ng’ama nodag kuno, kata mana ma nobworie. An Ruoth Nyasaye ema awacho kamano.

Jeremia 50:40

Gima notimore ni Sodom gi Gomora kane akethogi kaachiel gi mier mokiewo kodgi, e gima biro timore ni Babulon. Onge ng’ama nodag kuno, kata mana ma nobworie. An Ruoth Nyasaye ema awacho kamano.

Ywagruok 3:22

hera mosiko mar Ruoth Nyasaye ochwere, kendo ng’wonone ok rum.

Ywagruok 4:6

Kum ma joga oyudo lich moloyo kum mane okum go Sodom, nikech Sodom nolok gunda mana piyopiyo nono, ma onge ng’ama oywago.

Amos 4:11

“Ne atieko jomoko kuomu kaka ne atieko Sodom gi Gomora, kendo ne uchalo gi luth moyudh e mach. Kata kamano ne ok uduogo ira.

Zefania 2:6

kendo obiro dong’ mana kama jokwath kende ema kwayoe, kendo kama rombe ema nindoe.

Rapar mar Chik 29:23

Piny duto nowang’ gi mach kendo notim chumbi, ma ok nyal pidhie gimoro, kata mana lum bende ok notwiye. Nokethre mana ka Sodom gi Gomora, kod Adma gi Zeboim, mane Ruoth Nyasaye otieko gi mirimbe mager.

Jakobo 5:4

To pok uchulo misach jotich mane okayonu cham. Winjieuru kaka giywak! Adier, ywak jokeyogo osechopo e it Ruoth Nyasaye Manyalo Gik Moko Duto.

2 Petro 2:6

Nyasaye nokumo mier mag Sodom gi Gomora, kowang’ogi, mi gilokore buru. Kamano nolokogi ranyisi mar gima biro timore ni joma ok oluoro Nyasaye.

Juda 1:7

Bende paruru Sodom gi Gomora kod mier mokiewo kodgi. Gin bende ne gidonjo e tim terruok kod dwanyruok madhoch, mi giyudo kum mar mach mak tho, mondo obed ranyisi ni ji duto.