Jo-Rumi 9:22 - MUMA MALER 2015

²² To mano bende e gima Nyasaye osetimo. Kata obedo ni ne odwaro nyiso ji mirimbe, mondo ging’e tekone, to ne ohore mos gi ng’wono maduong’, mi ok otieko joma okechogo mane owinjore otieki.

Motingʼo Loko Manyien

²² To ere rachne ka Nyasaye noyiere mar nyiso mirimbe, kendo mar nyiso ji tekone, to osetimo kinda kohore mos amingʼa mak otoyo mirimbe kuom joma owinjore okum, ma gin joma noyik ne tho?

Jo-Rumi 9:22 ပူးပေါင်းရင်းမြစ်များ

Chakruok 15:16

Tieng’ mar ang’wen mar nyikwayi nodwog ka nikech ndalogo ema noyud ka richo jo-Amor osemedore moromo kum.”

Zaburi 90:11

Ere ng’ama ong’eyo teko duto mar mirimbi? Koso ere ng’ama ong’eyo luoro ma gero mari kelo?

Wuok 9:16

To aseweyi ibet mangima mana ni mondo anyisigo tekona, kendo mondo humba olag e piny ngima.

Ngeche 16:4

Gik moko duto ma Ruoth Nyasaye osechweyo nigi gikogi, kendo giko joricho en mana tho.

Ywagruok 3:22

hera mosiko mar Ruoth Nyasaye ochwere, kendo ng’wonone ok rum.

Kwan 14:11

Ruoth Nyasaye nowacho ni Musa niya, “Jogi biro chaya kamano nyaka karang’o? Pod gibiro tamore gena marom nadi, to eka asetimonigi ranyisi mang’eny?

Kwan 14:18

‘Ruoth Nyasaye ok kech piyo, kendo onyiso herane mosiko, koweyo ni ji kethogi gi richogi, to kata kamano ok okwan jaketho ka ng’ama ler, to okumo nyithindo nyaka tieng’ mar adek kod mar ang’wen nikech richo kweregi.’

Jo-Rumi 1:18

Mirimb Nyasaye moa e polo, mamon gi richo duto kod timbe ma ok kare mag joma geng’o adiera, koro osefwenyore.

Jo-Rumi 9:17

Nyasaye wacho ni Farao e Muma niya, “Ne aketi ruoth mana ni mondo gima atimoni omi ji ong’e kaka tekona duong’, kendo mondo humba olandre e piny ngima.”

Jo-Rumi 9:20

To an adwoke ni, in dhano adhanani, in ng’a, ma dipenj Nyasaye wach?

Jo-Rumi 9:21

Donge jachuech nigi teko mar timo atima gima ohero gi lowo? Koso donge lowo achiel onyalo chueyogo agulni ariyo, ma achiel itiyogo tich mogen, to machielo itiyogo tich aticha?

1 Jo-Thesalonika 2:16

To bende gitemo koda ka sindowa mondo kik waland ni joma ok jo-Yahudi wach makelonigi warruok. Kamano gipong’o rapor mar richogi, omiyo mirimb Nyasaye koro osejukogi!

1 Jo-Thesalonika 5:9

Nyasaye ok oseketowa ni mondo okumwa, to oseketowa ni mondo wayud warruok kuom Ruodhwa Yesu Kristo.

2 Timotheo 2:20

Ong’ere ni e ot moro amora maduong’ nitie agulini mopogore opogore, ma moko olos gi dhahabu kata fedha, to moko bende olos gi bao kata lowo. Mokwongo itiyogo tije mogen, to mokogo itiyogo tich aticha.

1 Petro 2:8

Muma kama chielo to wacho ni, “En e kidi mabiro chwanyo ji; Lwanda ma nomi gipodhi.” Gichwanyore nikech gidagi winjo Wach Maber. Mano e gima ne Nyasaye owalonigi.

1 Petro 3:20

Mago e chuny mag joma nodagi winjo wach Nyasaye, kane pod Nyasaye rito mos e kinde mane Nowa hondhoe yie. Yieno noreso ji manok (ma kwangi oromo aboro) e pi.

2 Petro 2:3

Kuom gombo chamo gik malang’, jopuonj mag miriambo nokaw giu gi weche mag wuond. To jang’ad bura oseng’ado buchgi chon! Kum ema oritogi, kendo ng’ama biro tiekogi ok nindi!

2 Petro 2:9

Kamano waneno ni Ruoth ong’eyo reso joma oluore kuom tem mochomogi, kendo ong’eyo keto joricho e kum nyaka chop Chieng’ Bura,

2 Petro 3:15

Parieuru kaka Ruodhwa hore mos, komiyou thuolo mondo uyud warruok. Mano e gima owadwa Paulo mwahero nondikonu gi rieko mane Nyasaye omiye.

Juda 1:4

Nyaka andik kamano nimar jomoko ma ok oluoro Nyasaye, ma gin joma oseketi ni bura oloyo chon nikech wachni, osedonjo kuomu ling’ling’, ka gitemo mondo gilok ng’wono mar Nyasachwa obed anjawo, kendo gidagi Ruodhwa achiel kende, ma en Ruoth Yesu Kristo.