Jo-Rumi 8:9 - MUMA MALER 2015

⁹ Ka Roho mar Nyasaye odak e iu, to ok unyal timo gik ma ngima mar dhano dwaro, to utimo mana gik ma Roho dwaro, kendo ka ng’ato onge gi Roho mar Kristo, to ok en ng’ate.

Motingʼo Loko Manyien

⁹ To kata kamano, un ok chiku gi kido mar richo, to Roho ema chikou, ka en adier ni Roho mar Nyasaye odak eiu. Kendo ka ngʼato onge gi Roho mar Kristo ok en ngʼat Kristo.

Jo-Rumi 8:9 ပူးပေါင်းရင်းမြစ်များ

Ezekiel 11:19

Anagol kuomgi chuny matek ka lwanda ma gin-go, mi amigi chuny manyien mar luora. Adier, anamigi chuny malong’o.

Luka 11:13

Koro ka un joma richo kama, ema ung’eyo miyo nyithindu gik mabeyo, to Wuonu mae polo donge dibed mamor moloyo kuom chiwo Roho Maler ni joma okwaye?”

Johana 14:17

Jakonyno en Roho Maler adiera, ma pinyni ok nyal rwako, nimar piny ok nene, kendo ok ong’eye. Un to ung’eye, nimar osiko kodu, kendo odak e iu.

Johana 14:23

Yesu nodwoke niya, “Ng’at mohera norit wachna. Wuora bende nohere, mi wanabi ire, kendo wadag kode.

Johana 3:34

Jal mane Nyasaye ooro wacho mana weche Nyasaye, nimar Nyasaye chiwo Roho mogundho, ma ok ong’wonyo lwete.

Johana 3:6

Gima ringruok onywolo en mar ringruok, kendo gima Roho onyuolo en mar Roho.

Tich Joote 16:7

Kane gichopo e tong piny Musia, ne gidwaro donjo e piny Bithunia, to Roho mar Yesu ne ok oyienegi.

Jo-Rumi 7:5

E ndalo mane pod waluwo timbe mag dhano, Chik nomiyo gombo otiyo e ngimawa, mi onywolo mana tho.

Jo-Rumi 8:1

Mano emomiyo koro onge bura kuom jogo man kuom Kristo Yesu,

Jo-Rumi 8:11

To bende ka Roho ma Jal mane ochiero Yesu oa kuom joma otho odak e iu, to en mane ochiero Kristo oa kuom joma otho nomi ringreu matho bedo mangima bende, nikech Roho modak e iu.

Jo-Rumi 8:2

nikech ka ng’ato ni kuom Kristo, to chik mar Roho makelo ngima osegonye kuom chik makelo richo kod tho.

1 Jo-Korintho 15:23

to ginibi ka ng’ato ka ng’ato ni kare owuon. Tiende ni Kristo ema nokwongo chier kaka gir singo, eka chieng’ ma Kristo oduogo, to joge nochier.

1 Jo-Korintho 3:16

Donge ung’eyo ni un e Hekalu mar Nyasaye, kendo ni Roho mar Nyasaye odak e iu?

1 Jo-Korintho 6:17

To ng’ama oriwore gi Ruoth to doko chuny achiel kode.

1 Jo-Korintho 6:19

Koso ok ung’eyo ni ringreu en Hekalu mar Roho Maler modak e iu, mane Nyasaye omiyou? Un ok un mau uwegi, to un mag Nyasaye.

2 Jo-Korintho 10:7

Paruru ane gik ma osetimore. Ka ng’ato paro ni en ng’at Kristo, to mano ber, to kata kamano nyaka ong’e ni wan bende wan jo-Kristo mana kaka en.

2 Jo-Korintho 6:16

Ere winjruok ma Hekalu mar Nyasaye nigo gi nyiseche manono? Apenjou kamano nikech wan e Hekalu mar Nyasaye Mangima, mana kaka Nyasaye nowacho niya, “Abiro dak kodgi, kendo anawuoth kuomgi. Anabed Nyasachgi, kendo ginibed joga.”

Jo-Galatia 4:6

To Nyasaye ne dwaro nyisou ni un yawuote, omiyo nooro Roho mar Wuode e chunywa. En Roho maywak ni, “Baba! Wuora!”

Jo-Galatia 5:24

Joma oyie kuom Kristo Yesu oseguro gombo mag ngima mar dhano kod herane marach e msalaba.

Jo-Efeso 1:13

Kamano e kaka un joma ok jo-Yahudi bende ne uwinjo wach mar adiera, ma en Wach Maber mane okelonu warruok, mi uyie kuom Kristo, kendo Nyasaye nomiyou Roho Maler mane osingore ni nomiu, kaka ranyisi ni un joge.

Jo-Efeso 2:22

Un bende igerou kuome kaachiel kodwa mondo ubed kar dak mar Nyasaye kuom Roho.

Jo-Efeso 3:17

kendo mondo Kristo olos kar dakne e chunyu kuom yie. Akwaye bende mondo umoki kendo ugurru e hera,

Jo-Filipi 1:19

nikech ang’eyo ibiro resa nikech ulemona, kendo nikech Nyasaye osemiya Roho mar Yesu Kristo mondo okonya.

2 Timotheo 1:14

Gima ber mane omiyino rit mang’won, ka Roho Maler konyi.

1 Petro 1:11

Roho mar Kristo mane ni kuomgi nonyisogi chon masiche mane Kristo biro yudo, kod duong’ mane biro luwo masichego, omiyo ne gitemo manyo kinde mane gigo biro timore, kendo kaka gibiro timore.

1 Johana 3:24

Ng’at momako chik Nyasaye osiko kuom Nyasaye, to Nyasaye bende osiko kuome. Wang’eyo ni Nyasaye osiko kuomwa nikech Roho ma osemiyowa.

1 Johana 4:13

Wang’eyo ni wasiko kuom Nyasaye, kendo ni Nyasaye bende osiko kuomwa, nikech osemiyowa Roho mare.

1 Johana 4:4

Nyithinda, un nyithind Nyasaye, kendo useloyo johul wach mag miriambogo, nikech Jal manie iu duong’ moloyo jal manie piny.

Fweny 13:8

Ji duto modak e piny lame, mak mana jogo ma nyinggi ondiki e kitap ngima mar Nyarombo mane onegi, chakre chuech piny.

Fweny 20:15

Ng’ato ang’ata mane nyinge ok onwang’ kondik e kitap ngima, ne owit e ataro mar mach.