Jo-Rumi 8:36 - MUMA MALER 2015

³⁶ Adier, mago timorenwa mana kaka Muma wacho niya, “Inegowa seche duto nikech in, kendo wachalo mana gi rombe midwaro yang’o.”

Motingʼo Loko Manyien

³⁶ Mana kaka ondiki ni, “Nikech in, tho ochomowa odiechiengʼ duto; ikwanowa kaka rombo mitero kar yengʼo.”

Jo-Rumi 8:36 ပူးပေါင်းရင်းမြစ်များ

Zaburi 141:7

Chokegi noke e dho bur liel, mana ka agulu motore, mi ong’inyore matindo tindo.

Zaburi 44:11

Ne ijwang’owa, mi oyang’wa ka rombe, kendo ikeyowa e pinje moko nono.

Zaburi 44:22

To inegowa seche duto nikech in, kendo wachalo mana gi rombe midwaro yang’o.

Isaya 53:7

Ne osande, kendo ne oyie mondo ochwade, to ne ok owacho gimoro, to noling’ thi mana ka rombo mitero kar yeng’o, kata ka rombo manie nyim joma ng’ado yiere.

Jeremia 11:19

Ne achalo gi nyarombo mogol e abila, ka kia ni idwaro nego, kendo ne ok ang’eyo ni ichano gik marichogo kuoma. Ne giwacho niya, “Wanegeuru mondo nyinge olal nono.”

Jeremia 12:3

To Ruoth Nyasaye, ing’eya, kendo ineno gik ma atimo, bende inono chunya mondo ine kaka aheri. Ywa joma richogi oko ka rombe ma idwaro yang’o, kendo ketgi tenge nyaka chieng’ minegogie chopi.

Jeremia 51:40

Abiro terogi mondo oyang’gi mana kaka iyang’o jamni. An Ruoth Nyasaye ema awacho kamano.

Johana 16:2

Ji biro riembou e ut lemo. Adier, ndalo biro ma ka ng’ato onegou, to nopar mana ni otimo gima Nyasaye morgo.

Tich Joote 20:24

To an ok akwan ngimana ka gimoro kata matin, to adwaro mana ni mondo achop wuodha, kendo atiek tich mane Ruoth Yesu omiya mondo ati, ma en hulo Wach Maber mar ng’wono mar Nyasaye.

Tich Joote 8:32

To kama ne oyudo osomo e Muma ne wacho kama: “Ne ok owacho gimoro, to noling’ thi, mana ka rombo mitero kar yeng’o, kata ka rombo manie nyim joma ng’ado yiere.

1 Jo-Korintho 15:30

Koso wan to ere gima omiyo wayie bedo e masira seche duto?

1 Jo-Korintho 15:31

Owetena, awachonu adier nikech mor ma an-go kodu kuom Kristo Yesu Ruodhwa ni, tho ochoma pile.

1 Jo-Korintho 4:9

To nenore ni Nyasaye oseketowa wan joote, ka joma odong’ chien mogik ni ji duto, kendo ka joma ong’adnigi buch tho, nikech oseketwa ka gima piny duto rango. To ok mana ji kende ema rangowa, to koda ka malaika bende!

2 Jo-Korintho 1:9

Chutho, ne wagalo ni oseng’adnwa buch tho. To mano notimore mondo kik wagen kuomwa wawegi, to wagen mana kuom Nyasaye machiero joma otho.

2 Jo-Korintho 11:23

Koso donge gipakore ni gin jotich Kristo? An to an jatich Kristo moloyo gi. (Ka awacho kamano, to awuoyo ka janeko!) Asetiyo tich matek, kendo asebedo e od tuech, bende osechwada, kendo aseneno masiche mag tho moloyo chandruok moro amora ma gin giseneno.

2 Jo-Korintho 6:9

bende wan ka joma ok ong’e, kata obedo ni ong’ewa maber, kendo wan ka joma tho, to kara pod wangima, bende kata ikumowa, to ok negwa.

Jo-Filipi 3:10

Gima adwaro moloyo en mana ng’eyo Kristo kod teko miyudo kuom chierne. Adwaro riwora kode e sandne, kendo doko machal kode e thone,