Jo-Rumi 8:34 - MUMA MALER 2015

³⁴ Koso ere ng’ama ding’adnwa bura, ka Kristo Yesu ema ne othonwa? To ok tho ema nothonwa kende, to bende ne ochier, mi obet e bat korachwich mar Nyasaye, kendo en ema okwayonwa!

Motingʼo Loko Manyien

³⁴ En ngʼa manyalo ngʼadonwa bura marach? Kristo Yesu ema ne otho, to bende ne ochiere odoko mangima mi koro obet e bat korachwich mar Nyasaye kendo okwayonwa.

Jo-Rumi 8:34 ပူးပေါင်းရင်းမြစ်များ

Ayub 33:24

Malaikano nyalo ng’wonone, mi wach niya, ‘Weyeuru! Ok onego odhi e Piny Joma Otho, nikech an gi gima awarego.’

Ayub 34:29

Ka Nyasaye otamore timo gimoro ngang’, to onge ng’ama dikwere, kendo ka odagi konyo ji, to ji diyud thagruok.

Zaburi 109:31

nikech okonyo jochan, kendo ogologi e lwet jogo ma ng’adone buch tho.

Zaburi 37:33

to Ruoth Nyasaye ok noweye e lwet jasike, kendo ok nowe mondo bura oloye.

Isaya 50:8

bende ang’eyo ni ng’at ma biro pogo wachna kare ni buta. Kuom mano, ng’at ma hedhore piem koda mondo obi waradi! Adier, ng’at ma dwaro kwero wechena mondo owuog ane!

Isaya 53:12

Kuom mano, anamiye pok kaachiel gi joma dongo, kendo enopog gik moyaki gi joma rateke, nimar ne ochiwore chuth, mi otho, kendo ne okwane kaka achiel kuom joricho, nikech ne oting’o richo ji mang’eny, kochung’ kar joricho e nyim Nyasaye.

Jeremia 50:20

Ka kindeno ochopo, to onge richo ma noyud kuom jo-Israel kata kuom jo-Juda, nikech joma aweyo ka ngima, ema bende anawenigi richogi. An Ruoth Nyasaye ema awacho kamano.

Kwan 7:15

gi nyarwath gi im gi nyaim ma hike achiel mitimogo misango miwang’o pep,

Mathayo 20:28

mana kaka Wuod Dhano bende ne ok obiro mondo ji otine, to mana ni mondo oti ni ji, kendo mondo ochiw ngimane owargo ji mang’eny.”

Mariko 16:19

Kane Ruoth Yesu osewuoyo kodgi kamano, ne otere e polo, mi obet e bat korachwich mar Nyasaye.

Johana 14:19

Bang’ kinde matin, piny ok nochak onena kendo. Un to ununena. Anabed mangima, omiyo un bende unubed mangima.

Johana 16:23

Chieng’no ok unupenja wach moro, nimar anawachnu adier ni gimoro amora mukwayo e nyinga, to Wuora nomiu.

Tich Joote 2:24

To bang’ thone, Nyasaye nochiere, morese kuom rem mar tho, nikech tho ne ok nyal tueye,

Jo-Rumi 14:13

Kuom mano mondo waweuru ng’ado ni jowadwa bura. To keturu chunyu mondo une ni ok utimo gimoro manyalo miyo owadu podhi, kata ma dimi otim richo.

Jo-Rumi 14:9

nikech Kristo notho kendo ochier modoko mangima mondo obed Ruodh joma otho gi joma ngima.

Jo-Rumi 4:25

Yesu ema ne ochiw mi otho nikech richowa, to ne ochiere mondo wabedi e winjruok gi Nyasaye.

Jo-Rumi 8:1

Mano emomiyo koro onge bura kuom jogo man kuom Kristo Yesu,

Jo-Rumi 8:27

kendo Nyasaye ma nono chuny dhano ong’eyo gima Roho kwayo, nikech okwayo ni jo-Nyasaye e yo ma Nyasaye oyiego.

Jo-Kolosai 3:1

Osechieru kaachiel gi Kristo ua kuom joma otho, omiyo nyaka uket chunyu kuom gik man malo, kuma Kristo obetie e bat korachwich mar Nyasaye.

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 7:25

Kuom mano en gi teko mochwere mar reso jogo makadho kuome kasudo ir Nyasaye, nikech ongima nyaka chieng’ mondo okwanigi Nyasaye.

Jo-Hibrania 9:24

Awacho kamano nikech Kristo ne ok odonjo Kama Ler molos gi lwedo, ma en mana kido mar Kama Ler hie, to nodonjo e polo hie, mondo koro ochung’nwa e nyim Nyasaye.

1 Petro 3:18

nimar Kristo owuon notho dichiel kendo mogik nikech richou. Kata obedo ni en ne en ng’ama kare kamano, to notho ni joma ok kare, mondo oterwa ir Nyasaye. Ne oneg ringre, to Nyasaye nomiyo chunye obedo mangima,

1 Petro 3:22

ma osedhi e polo, mi obet e bat korachwich mar Nyasaye, gi ruodhi mag polo duto, kendo kuom teko duto.

Fweny 1:18

kendo an e Jal Mangima. Ne atho, to koro angima nyaka Piny Joma Otho.