Jo-Rumi 8:30 - MUMA MALER 2015

³⁰ Joma ne Nyasaye oyierogo ema noluongo, kendo joma noluongogo nomiyo obet e winjruok kode, bende joma osemiyo obet e winjruok kodego ema opogonigi duong’ne maler.

Motingʼo Loko Manyien

³⁰ To joma nowalogo bende ema noluongo; kendo joma noluongo noketo kare to joma noketo kare nomiyo duongʼ bende.

Jo-Rumi 8:30 ပူးပေါင်းရင်းမြစ်များ

Isaya 41:9

ne aluongou mondo ua kuonde maboyo. Aseluongou ni jotichna, kendo aseyierou ma ok awitou.

Johana 17:22

Asemiyogi duong’ mane imiya, mondo gibed achiel kaka wan bende wan achiel,

Johana 17:24

“Wuora, adwaro mondo joma isemiyagi obed koda kama intie, mondo gine duong’ ma isemiya, nikech nihera kapok ochwe piny.

Johana 5:24

Adier awachonu ni ng’ama owinjo wachna, mi oyie kuom Jal mane oora, nigi ngimaa ma nyaka chieng’, ng’at ma kamano ok ter e bura, to osea e tho, odonjo e ngima.

Jo-Rumi 1:6

Un bende un kuom joma Yesu Kristo oseluongo mondo obed jogego.

Jo-Rumi 11:29

Ka Nyasaye oyiero ng’ato kendo oguedho, to ok olok parone kuom ng’atno.

Jo-Rumi 8:1

Mano emomiyo koro onge bura kuom jogo man kuom Kristo Yesu,

Jo-Rumi 8:21

chieng’ moro nogony gik moko duto mochue, mondo kik gibed gik matow, to giyud thuolo maduong’ ma nyithind Nyasaye nigo.

Jo-Rumi 8:28

Wang’eyo ni Nyasaye omiyo gik moko duto tiyo kaachiel mondo joma ohere oyud gueth. Jogo gin joma oseluongo kaka odwaro.

1 Jo-Korintho 1:2

Wandikonu un kanyakla mar joma oyie kuom Nyasaye man Korintho, ma un joma osewal ni Kristo Yesu, mi oluong mondo obed jo-Nyasaye kaachiel gi ji duto kuonde duto maluongo nying Ruodhwa Yesu Kristo, ma Ruodhgi kendo Ruodhwa.

1 Jo-Korintho 1:9

Nyasaye mane oluongou mondo ubed e achiel gi wuode Yesu Kristo Ruodhwa en jaadiera.

1 Jo-Korintho 2:7

To rieko ma wapuonjo en rieko mopondo mar Nyasaye mapok ofwenyre. En rieko mopand ni ji, mane Nyasaye osechanonwa chon kane pok ochue piny, mondo wayud duong’.

1 Jo-Korintho 6:11

To kamano e kaka moko kuomu ne chalo! To koro osepwodhu kuom richo, kendo owalu ubed jo-Nyasaye, bende osemi ubet e winjruok gi Nyasaye e nying Ruoth Yesu Kristo, kendo kuom teko mar Roho mar Nyasachwa.

2 Jo-Korintho 4:17

nimar thagruok matin mwayudoni rumo piyo, to obiro kelonwa duong’ miwuoro kendo mosiko,

Jo-Galatia 1:15

To Nyasaye, mane owala kane pok onywola, ne oluonga kuom ng’wonone mondo atine. Kuom mano, e kinde mane oneno ni ber

Jo-Galatia 1:6

Awuoro kaka uselokoru piyopiyo uweyo Nyasaye mane oluongou kuom ng’wono mar Kristo, kendo koro uluwo Wach Maber machielo mopogore.

Jo-Galatia 5:8

Sem ma kamano ne ok oa kuom Nyasaye ma luongou!

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.

Jo-Efeso 1:5

Nowalowa chon mondo wadok yawuote kuom Yesu Kristo, nikech mano e kaka ne odwaro, kendo omorgo.

Jo-Efeso 2:6

Adier, nochierowa kaachiel gi Kristo Yesu, kendo nomiyo wabedo kaachiel kode e polo.

Jo-Efeso 3:11

Nyasaye notimo kamano kuom Kristo Yesu Ruodhwa, kaluwore gi dwarone mane osechano nyaka nene ni notim.

Jo-Efeso 4:4

Nitie ringruok achiel gi Roho achiel, mana kaka nitie geno achiel ma Nyasaye oseluongoue.

Jo-Kolosai 3:4

Kristo e ngimau maradier, kendo ka ochako oduogo, to un bende unubi kode e duong’ne maler.

1 Jo-Thesalonika 2:12

Ne wajiwou kwahoyo chunyu kendo wasiemou mondo ubed joma bedo malong’o ni Nyasaye ma luongou e lochne man gi duong’.

2 Timotheo 2:11

Nitie wach moro maradier mawacho niya, “Ka wasetho gi Kristo, to wanabed mangima kode bende.

Jo-Hibrania 9:15

Omiyo Kristo e jal makelo winjruok manyien, mondo jogo mane oluongi oyud mwandu mochwere mane Nyasaye osingore ni gibiro yudo. Mano nyalo timore nikech tho osebetie makelo resruok kuom richo mane otim e ndalo winjruok machon.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

1 Petro 3:9

Kik uchul richo kar richo, kata ayany kar ayany. Kar timo kamano, to guedhuru aguedha, kung’eyo ni kane Nyasaye oluongou, to noluongou ni mondo uyud gueth,

1 Petro 5:10

To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.

2 Petro 1:10

Emomiyo owetena, temuru matek moloyo mondo unyis ni oseluongu kendo oseyieru adier. Ka utimo kamano, to ok unuchwanyru.

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 19:9

Eka malaikano nowachona ni, “Ndik niya, ‘Joma oluongi e kisera mar Nyarombo gin johawi.’ ” Eka nomedo wachona niya, “Mano e wach mar adier mar Nyasaye.”