Jo-Rumi 8:26 - MUMA MALER 2015

²⁶ Mano e kaka Roho bende konyowa e nyawowa, nikech ok wang’eyo kaka owinjore walem. To Roho owuon kwayonwa Nyasaye, kachur gi chur ma weche dhano ok nyal wacho,

Motingʼo Loko Manyien

²⁶ Kamano bende e kaka Roho konyowa e nyawo ma wan-go. Ok wangʼeyo gima owinjore wakwa sa ma walamo, to Roho owuon ema kwayonwa gi chur ma ok wanyal wacho.

Jo-Rumi 8:26 ပူးပေါင်းရင်းမြစ်များ

Ayub 37:19

Ara, puonjwa ane gima onego wawach ni Nyasaye, nimar wiwa ni nono, kendo wakia gima onego wawachi.

Zaburi 10:17

A Ruoth Nyasaye, ichiko iti ni lemo mag joma obolore, kendo itego chunygi.

Zaburi 102:20

mondo owinj ywak ma joma otue ywakgo, kendo mondo ogony jogo mane ong’adnigi buch tho.

Zaburi 102:5

Achur matek, kendo adong’ mana choke lilo.

Zaburi 6:3

kendo chunya chandore malit. A Ruoth Nyasaye, ibiro ling’ nyaka karang’o?

Zaburi 6:9

Ee, osewinjo ka akwaye mondo okonya.

Zaburi 69:3

Aseywak ni mondo okonya, mi aol, kendo dwonda rama! Wengena bende oowore kuom rangi mondo ikonya.

Ywagruok 3:56

Kane aywakni ni mondo kik itamri konya, to ne iwinjo dwonda.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Mathayo 10:20

Nimar weche mubiro wacho ok nobed mau, to ginibed mag Roho mar Wuonu.

Mathayo 20:22

To Yesu nodwokogi niya, “Ok ung’eyo gima ukwayo! Uparo ni unyalo madho kikombe mar masira ma abiro madho?” Ne gidwoke ni, “Ee, wanyalo.”

Luka 22:44

Chunye nochandore malit ahinya, mi nomedo lemo matek, kendo luya nochotne maton piny mana ka remo.]

Johana 14:16

Anakwa Wuoro, mi nomiu Jakony machielo mondo osik kodu nyaka chieng’.

Jo-Rumi 15:1

Wan joma nigi yie motegno onego wakony jogo man gi yie mayomyom, ma ok watimo mana gima wan wawegi ema wahero.

Jo-Rumi 7:24

Yaye! Mano kaka an ng’at machandore! Ng’ano ma biro resa e ringruok mar thoni?

Jo-Rumi 8:15

To Roho ma useyudo ok loku wasumbini mondo uchak ubed maluor. Ooyo, Rohono lokowa nyithind Nyasaye, omiyo ng’ato ka ng’ato kuomwa ywak ni Nyasaye, ka luonge ni, “Baba! Wuora!”

2 Jo-Korintho 5:2

Adier, ka pod wan e kiru ma wan-go e pinykani, to wachur kwagombo mondo warwakre gi odwa manie polo,

2 Jo-Korintho 5:4

Ka pod wan e kiru mae pinyni to wachur ka ting ohewowa. To mano ok onyiso ni wadwaro lonyo ringrewa mar pinyni oko. Ooyo, wadwaro mana rwako ringrewa manyien manie polo, mondo ngima mochwere omwony mano matho.

Jo-Galatia 4:6

To Nyasaye ne dwaro nyisou ni un yawuote, omiyo nooro Roho mar Wuode e chunywa. En Roho maywak ni, “Baba! Wuora!”

Jo-Efeso 2:18

Kuom Kristo ema wan waduto, wanie gi thuolo mar dhiyo e nyim Wuoro kuom Roho achiel.

Jo-Efeso 6:18

Keturu chunyu pile kuom lemo, kukwayo Nyasaye mondo okonyu, kulemo kuom Roho kinde duto. Ritreuru kuom wachni odiechieng’ gotieno, kendo timuru kinda kukwayo ni jo-Nyasaye duto.

Jo-Hibrania 4:15

Wan gi Jadolo Maduong’ manyalo kecho nyawowa nikech noteme e yore duto ma wan bende itemowae, to ne ok otimo richo.

Jo-Hibrania 5:2

Ginyalo dembo joma kia kod joma orwenyo, nikech gin giwegi bende nyawo obembogi e yore mang’eny.

Jakobo 4:3

To kata ka ukwayo, to ok dwoku, nikech ukwayo gi paro marach, kudwaro timo mana gima un uwegi ema udwaro.