Jo-Rumi 8:19 - MUMA MALER 2015

¹⁹ Gik moko duto mochue rito kogeno ahinya mondo Nyasaye omi nyithinde ofwenyre.

Motingʼo Loko Manyien

¹⁹ Chwech duto rito gi geno chiengʼ ma nyithind Nyasaye nofwenyre.

Jo-Rumi 8:19 ပူးပေါင်းရင်းမြစ်များ

Isaya 65:17

“Winjuru, achueyo polo manyien kod piny manyien. Kamano wich nowil gi gik machon, kendo ok nochak opargi.

Hosea 1:10

“To kata kamano jo-Israel nobed mang’eny ma ok nyal kwan kata pim, mana ka kuoyo mae dhonam. Sani koro awachonigi ni ok gin joga, kendo chieng’ moro nawachnigi niya, ‘Un nyithind Nyasaye mangima’,

Mathayo 5:9

“Jothek gin johawi, nikech noluonggi ni nyithind Nyasaye.

Johana 1:12

To ji duto mane orwake, mi oyie kuome, nomiyo teko mar doko nyithind Nyasaye.

Tich Joote 3:21

Yesu biro bet e polo nyaka ndalo chopi miketoe gik moko duto kare, kaka ne Nyasaye omiyo jonabine maler okoro chon.

Jo-Rumi 8:14

Ji duto ma Roho mar Nyasaye otelonigi gin nyithind Nyasaye.

Jo-Rumi 8:16

Roho owuon oriwore gi chunywa kanyisowa ni wan nyithind Nyasaye.

Jo-Rumi 8:18

To aneno ni masira mwaneno ndalogi tin, kipimo gi duong’ mapok oel mwabiro yudo.

Jo-Rumi 8:23

Ok mago kende, to wan bende wachur e iwa wawegi, ka warito mondo Nyasaye olokwa nyithinde, komiyowa thuolo chutho. Wachur kamano kata obedo ni Nyasaye osemiyowa Roho kaka mich mokwongo mar gueth ma wabiro yudo achien.

Jo-Rumi 9:26

kendo kama ne okwergie chon ni, ‘Ok un joga,’ e kama noluonggie ni, nyithind Nyasaye Mangima.”

1 Jo-Korintho 1:7

Omiyo onge mich moro mar chuny ma oremou kapod urito mondo Ruodhwa Yesu Kristo ofwenyore.

1 Jo-Korintho 1:8

Bende enomi ubed motegno nyaka giko, mondo kik ubed gi bura chieng’ ma Ruodhwa Yesu Kristo biroe.

2 Jo-Korintho 6:18

Kutimo kamano to eka anabed wuonu, kendo unubed yawuota gi nyiga. An Ruoth Nyasaye Manyalo Gik Moko Duto ema awacho kamano.”

Jo-Galatia 3:26

nimar kuom yie uduto un nyithind Nyasaye kuom Yesu Kristo.

Jo-Filipi 1:20

Kamano ageno ahinya ni ok anatim gimoro ma dikuod wiya e yo moro amora, to koro abiro wuoyo gi chir, kaka asetimo kinde duto, mondo gik moko duto ma atimo omi Kristo duong’, kata angima kata atho.

Jo-Kolosai 3:4

Kristo e ngimau maradier, kendo ka ochako oduogo, to un bende unubi kode e duong’ne maler.

Jo-Hibrania 12:27

To wach mawachoni, “Pod nyadichiel kende,” nyisowa ni ibiro golo gik mayiengni, tiende ni gik moko mosechue mondo gik ma ok yiengni ema odong’ osiki.

1 Petro 1:13

Emomiyo beduru motang’, ka parou bith. Keturu chunyu duto kuom gueth ma Yesu Kristo biro kelonu kuom ng’wonone ka obiro.

1 Petro 1:7

Gik makamago timore mondo otemugo one ane ka un gi yie maradier. Kata mana dhahabu ma nyalo kethore bende itemo gi mach. Omiyo yie maru, ma nengone tek moloyo dhahabu, nyaka tem mondo ong’ego ka en yie maradier. Eka nuyud pak gi duong’ kod luor, chieng’ ma Yesu Kristo ofwenyore.

1 Johana 3:1

Mano hera maduong’ manadi ma Wuoro osenyisowa kuom luongowa ni nyithind Nyasaye! Adier, wan nyithinde! Gimomiyo piny ok ong’eyowa en ni, piny kia Nyasaye.

1 Johana 3:2

Osiepna, kata mana sani wan nyithind Nyasaye, to kaka wabiro bet pok ofwenyore, to wang’eyo ni ka Kristo ofwenyore, to wanabed machal kode, nikech wananene kaka ochal.

Fweny 21:7

Ng’at molocho noyud gigo, kendo anabed Nyasache, to enobed wuoda.