Jo-Rumi 8:10 - MUMA MALER 2015

¹⁰ To ka Kristo nie iu, to kata obed ni ringreu otho nikech richo, chunyu to ngima nikech Nyasaye osemiyo ubet e winjruok kode.

Motingʼo Loko Manyien

¹⁰ To ka Kristo ni eiu, to kata obedo ni ringruok otho nikech richo, to chunyu ngima nikech tim makare.

Jo-Rumi 8:10 ပူးပေါင်းရင်းမြစ်များ

Tim jo-Lawi 13:40

Ka yie wi ng’atno oluny, modoko rabondo gi e dier wiye to mano ok mi odok mogak.

Johana 14:23

Yesu nodwoke niya, “Ng’at mohera norit wachna. Wuora bende nohere, mi wanabi ire, kendo wadag kode.

Johana 15:5

“An e mzabibu, to un, un bedene. Ng’at mobet kuoma, kaka abet kuomu, nyago olemo mang’eny, nikech ka upogoru koda, to ok unyal gimoro.

Johana 17:23

ka an kuomgi, kendo in kuoma. Kamano gibed malong’o nyaka chop gibed achiel chutho, mondo piny ong’e ni niora, kendo iherogi kaka ihera.

Johana 4:14

to ng’ama omodho pi ma anamiye, riyo ok nolo nyaka chieng’. Pi ma anamiye nodok soko e iye, ma pige bubni, kendo kelo ngima ma nyaka chieng’.”

Johana 6:54

Ng’at ma ochamo ringra, kendo omadho remba, nigi ngima ma nyaka chieng’, kendo anachiere chieng’ giko piny.

Johana 6:56

Kamano ng’at ma ochamo ringra, kendo omadho remba, ema osiko kuoma, kendo an bende asiko kuome.

Jo-Rumi 5:12

Wang’eyo ni richo nodonjo e piny nikech tim ng’at achiel, kendo richono nokelo tho. Kamano tho nobiro kuom ji duto, nikech ji duto nokelo richo.

Jo-Rumi 5:21

ni mondo kaka richo nolocho kamiyo ji duto tho, e kaka mondo ng’wono olochi, ka Nyasaye miyo ji bedo e winjruok kode, kendo miyogi ngima ma nyaka chieng’ kuom Yesu Kristo Ruodhwa.

Jo-Rumi 8:11

To bende ka Roho ma Jal mane ochiero Yesu oa kuom joma otho odak e iu, to en mane ochiero Kristo oa kuom joma otho nomi ringreu matho bedo mangima bende, nikech Roho modak e iu.

1 Jo-Korintho 15:45

Mano emomiyo Muma wacho niya, “Adam, dhano mokwongo, nodoko ng’at man gi ngima, to Adam ma achien nodoko Roho machiwo ngima.”

2 Jo-Korintho 13:5

Nonreuru pile mondo une ane ka un gi yie. Adier, ng’ireuru uwegi! Donge ung’eyo ni Yesu Kristo nie iu, mak mana ka un joma orem?

2 Jo-Korintho 4:11

nimar kata obedo ni wangima, to pile iterowa kar tho nikech Yesu, mondo ngima mar Yesu bende onenre e ringrewa matho.

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

Jo-Galatia 2:20

mi koro ok an ema angima, to Kristo ema ngima e iya, kendo ngima ma koro an-goni, an-go mana nikech yie ma ayiego kuom Wuod Nyasaye, mane ohera, mi ochiwo ngimane nikech an.

Jo-Efeso 3:17

kendo mondo Kristo olos kar dakne e chunyu kuom yie. Akwaye bende mondo umoki kendo ugurru e hera,

Jo-Filipi 1:23

nikech gik moko ariyogo beyona duto. To agombo ahinya ni aa, mondo adhi abed gi Kristo, nikech mano ema dibedna maber moloyo.

Jo-Filipi 3:9

ka ariwora kode eringruok achiel. Koro ok adwar ni mondo okwana ka ng’ama dwaro bedo e winjruok gi Nyasaye nikech rito Chik, to adwaro bedo ng’ama Nyasaye osemiyo bedo e winjruok kode nikech oyie kuom Kristo.

Jo-Kolosai 1:27

Nyasaye nochano mondo joge ong’e kaka wach mane osepandino nigi duong’ miwuoro kuom joma ok jo-Yahudi. To wachno en ni Kristo odak e iu, kendo miyo ugeno kuom duong’ mabiro.

1 Jo-Thesalonika 4:16

Chieng’no dwol moro nogol chik, kendo dwond malaika maduong’ nowinji, kendo tung’ mar Nyasaye noywagi, kendo Ruoth owuon nolor koa e polo. Eka joma notho koyie kuom Kristo nochier mokwongo.

Jo-Hibrania 12:23

En chokruok mar nyithind Nyasaye makayo, ma nyinggi ondiki e polo. Uchung’ e nyim Nyasaye ma Jang’ad Bura ni ji duto, kendo e nyim chuny joma beyo ma Nyasaye osemiyo odoko joma kare.

Jo-Hibrania 9:27

Ng’ato ka ng’ato nyaka tho mana dichiel kende, to bang’ mano Nyasaye yale.

Fweny 14:13

Eka ne awinjo dwol moa e polo kawacho niya, “Ndik ni, ‘Chakre kawuono, jogo matho kogeno kuom Ruoth, gin johawi!’ ” Roho bende wacho ni, “Ee, gin johawi adier, nikech giniyue kuom tichgi matek, nimar gik ma gisetimo dhi kodgi.”