Jo-Rumi 7:7 - MUMA MALER 2015

⁷ Koro ere gima dwawachi? Dwawach ni Chik en richo koso? Ngang! Ayie ni ka da Chik onge, to ok dang’eyo ni richo en ang’o. Ka da ni Chik ok owacho ni ‘Kik igombi,’ to da ok ang’eyo ni gombo en ang’o.

Motingʼo Loko Manyien

⁷ Kare koro wanyalo wacho angʼo? Chik en richo koso? Ok kamano ngangʼ! Adiera, dine ok angʼeyo gima richo en ka dine onge chik. Nimar bende dine ok angʼeyo gima chik en ka dine ok owacho niya, “Kik igombi gir wadu.”

Jo-Rumi 7:7 ပူးပေါင်းရင်းမြစ်များ

Chakruok 3:6

Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo.

2 Samuel 11:2

Chieng’ moro kar sa ma dhok donjoe, Daudi noa e kitandane, ma noyudo oyueyoe, mowuotho ewi tat ode, mi nopo koneno dhako moro ka lwokore. Ne en dhako ma jaber ahinya.

Zaburi 119:96

Ang’eyo ni kata mana gik mabeyo duto nigi gikogi, mak mana chikni kende ema onge gi gikone.

Wuok 20:17

“Kik igomb od ng’ato, kata chi ng’ato, kata misumba ng’ato, kata dher ng’ato, kata kanj ng’ato, kata gimoro amora ma ng’ato nigo.”

Mika 2:2

Ka gidwaro lop ng’ato, to gikawo akawa gi thwon. To kata ka gidwaro udi, to mago bende gikawo akawa. Gimayo ji kata mana utegi kaachiel gi mwandugi, mi giwegi nono.

Mathayo 5:28

An to awachonu ni, ka ng’ato orango dhako, mi ogombo, to oseterore kode e chunye.

Luka 12:15

Eka nomedo wacho ni ji duto niya, “Beduru motang’, mondo uritru kuom gombo duto nikech mwandu ok nyal miyo ng’ato bed mangima, kata dabed ni omew machal nadi.”

Luka 20:16

Donge obiro biro, mi oneg jogo, kendo okaw puodho mi omi jopur moko nono?” To kane ji owinjo kamano, ne giwacho ni, “Ngang’! Mano ok nyalre!”

Tich Joote 20:33

Ne ok agombo fedha kata dhahabu kata law ng’ato.

Jo-Rumi 13:9

Chikego e magi: Kik iterri, kik ineki, kik ikwal, kendo kik igombi. Chikego kaachiel gi chike mamoko duto, oriw e wach achiel niya, “Her wadu kaka iherori iwuon.”

Jo-Rumi 3:20

Onge ng’ama nyalo bet e winjruok gi Nyasaye nikech osemako Chik, nimar tich Chik en mana miyo dhano ng’eyo ni oseketho.

Jo-Rumi 3:5

To ng’ato nyalo wacho ni richowa nyiso ji tim makare mar Nyasaye, omiyo Nyasaye ok ni kare kakumowa.

Jo-Rumi 4:1

Koro ere gima dwawachi kuom Ibrahim ma kwarwa? Ang’o mane oneno?

Jo-Rumi 4:15

Chik kelo mirimb Nyasaye, to kama chik ongee, ketho chik bende ongee.

Jo-Rumi 5:20

Chik nobiro, mi ketho omedore. To kama richo nomedoree, ng’wono nomedoree moloyo,

Jo-Rumi 6:15

To koro nadi? Dwatim atima richo nikech koro ok wan e bwo Chik to wan e bwo ng’wono koso? Ngang! Ok kamano!

Jo-Rumi 7:11

nikech richo noyudo thuolo ma Chik okelo, mi owuonda, kendo onega.

Jo-Rumi 7:13

Kara dwawachi ni gima ber ema nomiyo atho koso? Ngang’! Richo notiyo gi gima ber, mi onega, mondo richo ong’ere malong’o ni en ang’o. Kamano chik nyiso ni richo en gima rach moloyo.

Jo-Rumi 7:5

E ndalo mane pod waluwo timbe mag dhano, Chik nomiyo gombo otiyo e ngimawa, mi onywolo mana tho.

Jo-Rumi 7:8

Chikno nomiyo richo thuolo, mi okelo gombo duto mopogore opogore e chunya. Ka da onge Chik, to richo dobedo gima otho.

1 Jo-Korintho 15:56

Lit mar tho en richo, kendo richo yudo teko kuom Chik.

Jo-Efeso 5:3

Terruok gi tim ma ok ler moro amora, kata gombo, kik bedi e kindu, kendo kata mana wacho kik wachi nimar mano ok owinjore gi jo-Nyasaye,

Rapar mar Chik 5:21

“ ‘Kik igomb chi ng’ato kata od ng’ato kata puoth ng’ato kata misumba ng’ato kata dher ng’ato kata kanj ng’ato, kata gimoro amora mar ng’ato.’

Jo-Kolosai 3:5

Emomiyo neguru dhano machon gi timbene duto mag piny ka, kaka terruok, gi dwanyruok, gi hera marach, gi gombo marach, kod ich lach ma en mana lamo nyiseche manono,

1 Jo-Thesalonika 4:5

Kik umi gombou thuolo kaka joma ok oyie Nyasaye timo.

Jo-Hibrania 7:19

nimar Chik ne ok ochopo gima ne oketene. To geno manyien koro osekel, mamiyo wasudo machiegni gi Nyasaye.

Joshua 7:21

nikech kane aneno law maber molos Shinar, gi fedha ma pekne oromo kilo ariyo, kod dhahabu ma pekne oromo nus kilo kuom mwandu Jeriko, gombo nomaka, makawogi. Nakunyogi e hemba ka fedha ema akuongo keto e bur.”