Jo-Rumi 7:24 - MUMA MALER 2015

²⁴ Yaye! Mano kaka an ng’at machandore! Ng’ano ma biro resa e ringruok mar thoni?

Motingʼo Loko Manyien

²⁴ Mano kaka an ngʼama chandore! En ngʼa mabiro resa kuom ringruokni mar tho?

Jo-Rumi 7:24 ပူးပေါင်းရင်းမြစ်များ

1 Ruodhi 8:38

mi ng’ato olami ka kwayi gimoro, korieyo bedene kochomo Hekaluni, (nimar ng’ato ka ng’ato ong’eyo gima chando chunye,)

Zaburi 102:20

mondo owinj ywak ma joma otue ywakgo, kendo mondo ogony jogo mane ong’adnigi buch tho.

Zaburi 119:131

Agamo yueyo, ka siso mar winjo chikeni oloya.

Zaburi 119:143

Achandora malit, kendo chunya parore to chikeni ema kelona mor.

Zaburi 119:176

Abayo abaya ka rombo molal, omiyo bi mondo idwara, an jatichni, nikech wiya ok osewil gi chikeni.

Zaburi 119:20

Siso oloya seche duto, kadwaro ng’eyo buche ming’ado.

Zaburi 38:2

Isebaya gi asere mi ichwowa, kendo lweti odiya piny.

Zaburi 6:6

Kuyo osebara ndasi. Otieno ka otieno, pi wang’a opong’o kitandana.

Zaburi 71:11

Giwacho niya, “Nyasaye osejwang’e! Walaweuru mondo wamake, nikech onge ng’ama nyalo rese!”

Zaburi 72:12

Ka joma odhier oywakne, to oreso, kaachiel gi jochan kod joma onge gi ng’ama dikonygi.

Zaburi 88:5

Ojwang’a e kind joma otho. Adier, achalo gi ng’ama onegi, monindo ei liel, ma wiyi osewilgo chuth, kendo ma koro ok nyal konyo.

Ezekiel 9:4

mowachone niya, “Dhiyo, iwuothi e Jerusalem duto, iket kido e lela wang’ ng’ato ka ng’ato ma chunye lit kendo maywagore nikech gik moko duto makuero matimore e dalani.”

Mika 7:19

Inichak ikechwa kendo, mi inyon richowa e tiendi, kendo inyumgi e bwo nam.

Mathayo 5:4

“Joma okuyo gin johawi, nikech nohogi.

Mathayo 5:6

“Joma kech gi riyo mar dwaro tim makare oloyo gin johawi, nikech giniyud gima gidwaro.

Luka 4:18

“Roho mar Ruoth Nyasaye ni kuoma, nikech oseyiera mi owira, mondo aland Wach Maber ni joma odhier. Oseora mondo ahul ni joma otue ni koro ogonygi, kendo ni muofni ni oyaw wengegi, bende ni, mondo ahul ni joma isando ni giyudo thuolo

Jo-Rumi 6:6

Wang’eyo ni ngimawa machon nogur kode e msalape ni mondo kitwa mar richo orum, kendo ni mondo kik wamed bedo wasumb richo,

Jo-Rumi 8:13

nikech kutimo gi ma ngima mar dhano dwaro to ubiro tho. To ka unego timbeu maricho kuom teko mar Roho, to unubed mangima.

Jo-Rumi 8:2

nikech ka ng’ato ni kuom Kristo, to chik mar Roho makelo ngima osegonye kuom chik makelo richo kod tho.

Jo-Rumi 8:23

Ok mago kende, to wan bende wachur e iwa wawegi, ka warito mondo Nyasaye olokwa nyithinde, komiyowa thuolo chutho. Wachur kamano kata obedo ni Nyasaye osemiyowa Roho kaka mich mokwongo mar gueth ma wabiro yudo achien.

Jo-Rumi 8:26

Mano e kaka Roho bende konyowa e nyawowa, nikech ok wang’eyo kaka owinjore walem. To Roho owuon kwayonwa Nyasaye, kachur gi chur ma weche dhano ok nyal wacho,

Jo-Kolosai 2:11

Kane uyie kuom Kristo to noteru nyangu, to ok nyangu mar ringruok, to nyangu mar Kristo, ma en lonyo kit dhano machon matimo richo,

2 Timotheo 4:18

Bende ang’eyo ni Ruoth pod biro resa kuom gimoro amora madwaro hinya, mi ochopa maber e polo kuma olochoe. Duong’ obedne nyaka chieng’. Amin.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 2:15

kendo mondo ogony joma luoro mar tho osemiyo obedo wasumbini ndalo duto mag ngimagi.

Fweny 21:4

Enoywe pi wang’gi duto, kendo tho kata ywak kata nduru kata rem ok nochak obedie nikech gik machon noserumo.”