Jo-Rumi 7:18 - MUMA MALER 2015

¹⁸ Ang’eyo ni an kaka dhano, onge gima ber man kuoma, nikech kata obedo ni adwaro timo gima ber, to ok anyal.

Motingʼo Loko Manyien

¹⁸ Angʼeyo ni onge gimoro kata achiel maber manie iya, tiende ni, kita mar richo. Nimar an-gi gombo mar timo gima ber to ok anyal time.

Jo-Rumi 7:18 ပူးပေါင်းရင်းမြစ်များ

Chakruok 6:5

Kane Ruoth Nyasaye oneno ni dhano osetimo richo mang’eny e piny, kendo chunye gombo mana timo richo pile,

Chakruok 8:21

Kane Ruoth Nyasaye owinjo suya mamit, nowacho e chunye niya, “Timbe dhano ok nomi akuong’ piny kendo, nikech aneno ni paro mag dhano richo, chakre nywolne. Bende ok nachak atiek gik mangima kaka asetimoni.”

Ayub 14:4

Onge gima ler ma diwuog kuom gima ochido ka dhano.

Ayub 25:4

Bende nitie ng’at manyalo bet makare kata maler e wang’ Nyasaye?

Zaburi 119:173

Pile bed kiikori mar konya, nikech chikeni ema aseyiero.

Zaburi 119:176

Abayo abaya ka rombo molal, omiyo bi mondo idwara, an jatichni, nikech wiya ok osewil gi chikeni.

Zaburi 119:32

Abiro rito chikeni gi chunya duto, nikech ibiro meda rieko.

Zaburi 119:40

Mano kaka adwaro ni mondo arit chikeni! Ng’wonna, nikech in ng’at makare.

Zaburi 119:5

Mano kaka ageno ni abiro luwo chikeni maber.

Zaburi 51:5

Asebedo katimo richo chakre ndalo mane onywolae. Adier, nyaka chieng’ mane mama omakoe ichna, asebedo jaricho.

Isaya 64:6

Waduto wasebedo ka ng’at mogak, kendo timbewa duto mabeyo chalo mana gi lewni mochido. Waduto wasener mana ka oboke, kendo timbewa mamono kwadhowa oko mana ka yamo.

Mathayo 15:19

nikech chuny dhano ema paro maricho nitie, mamiyo otimo gik maricho, kaka nek gi terruok gi wuowo gi kuo gi miriambo, kod kuoth.

Luka 11:13

Koro ka un joma richo kama, ema ung’eyo miyo nyithindu gik mabeyo, to Wuonu mae polo donge dibed mamor moloyo kuom chiwo Roho Maler ni joma okwaye?”

Johana 3:6

Gima ringruok onywolo en mar ringruok, kendo gima Roho onyuolo en mar Roho.

Jo-Rumi 13:14

To rwakreuru gi Yesu Kristo kaka okumbau, kendo weuru keto chunyu kuom paro gik ma ringruok gombo.

Jo-Rumi 7:15

Gik ma atimo odhiera, nikech ok atim gik ma adwaro ni mondo atim, to atimo mana gik ma ok adwar.

Jo-Rumi 7:19

Gima ber ma adwaro timo ok atim, to gima rach ma ok adwar ema atimo.

Jo-Rumi 7:25

Agoyo ni Nyasaye erokamano, nikech Yesu Kristo Ruodhwa ema biro resa! Kuom mano, aneno ni an awuon arito Chik Nyasaye mana gi parona kende, to e ngimana mar dhano to aluwo mana chik mar richo.

Jo-Rumi 7:5

E ndalo mane pod waluwo timbe mag dhano, Chik nomiyo gombo otiyo e ngimawa, mi onywolo mana tho.

Jo-Galatia 5:17

nikech gombo mar ngima dhano kedo gi dwaro mar Roho, kendo dwaro mar Roho kedo gi gombo mar ngima dhano. Gik moko ariyogo monre, omiyo ok unyal timo gik mudwaro timo.

Jo-Galatia 5:24

Joma oyie kuom Kristo Yesu oseguro gombo mag ngima mar dhano kod herane marach e msalaba.

Jo-Filipi 2:13

nikech Nyasaye owuon ema tiyo e chunyu, komiyou dwaro kendo timo gima long’one.

Jo-Filipi 3:12

Ok awach ni asechopo, kata ni asebedo makare chuth, to atemo matek ka ageno ni abiro mako gima ne omiyo Kristo Yesu owuon omaka.

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.

1 Petro 4:2

Ikreuru kamano, mondo kuom ndalo mapod udakgo e piny, kik utim mana gik ma dhano gombo, to timuru mana gik ma Nyasaye dwaro.