Jo-Rumi 6:6 - MUMA MALER 2015

⁶ Wang’eyo ni ngimawa machon nogur kode e msalape ni mondo kitwa mar richo orum, kendo ni mondo kik wamed bedo wasumb richo,

Motingʼo Loko Manyien

⁶ Nimar wangʼeyo ni ngimawa machon nogur kode mondo ringruok mar richo okethi, kendo kik koro wabed wasumbini mag richo,

Jo-Rumi 6:6 ပူးပေါင်းရင်းမြစ်များ

2 Ruodhi 5:17

Eka Naaman nowachone niya, “Kidagi ni kik amiyi gimoro, to akwayi ni mondo imiya lowo ma dirom kenje ariyo ting’o, nikech chakre kawuono ok abi timo misango ni Nyasaye moro amora, to mak mana ni Ruoth Nyasaye.

Isaya 26:13

A Ruoth Nyasachwa, ruodhi moko ma ok in osebedo ka ritowa, to koro in kendi ema walami.

Jo-Rumi 6:12

Mano emomiyo kik uwe richo bed gi loch e ringreu matho, mondo kik uluw gombo mag ringruok.

Jo-Rumi 6:22

To koro osegonyu e tuech richo, mi udoko wasumb Nyasaye, omiyo ohala muyudo en ngima maler, kendo gikone en ngima ma nyaka chieng’.

Jo-Rumi 7:14

Wang’eyo malong’o ni Chik Musa ber, nikech oa kuom Nyasaye. An to an mana dhano matho, moseng’iew modoko misumba richo.

Jo-Rumi 8:13

nikech kutimo gi ma ngima mar dhano dwaro to ubiro tho. To ka unego timbeu maricho kuom teko mar Roho, to unubed mangima.

2 Jo-Korintho 5:14

nimar hera mar Kristo oloyowa chuth. Waseng’eyo malong’o ni ng’at achiel notho ni ji duto, omiyo ji duto bende ne otho.

Jo-Galatia 2:20

mi koro ok an ema angima, to Kristo ema ngima e iya, kendo ngima ma koro an-goni, an-go mana nikech yie ma ayiego kuom Wuod Nyasaye, mane ohera, mi ochiwo ngimane nikech an.

Jo-Galatia 5:24

Joma oyie kuom Kristo Yesu oseguro gombo mag ngima mar dhano kod herane marach e msalaba.

Jo-Galatia 6:14

An to ok anyal pakora kuom gimoro mak mana kuom msalap Ruodhwa Yesu Kristo, mosemiyo piny ochalona ka gima ogur e msalaba, kendo ma osemiyo an bende achalo ni piny ka ng’ama ogur e msalaba.

Jo-Efeso 4:22

Omiyo nyaka uwe kit ngimau machon, kendo ulony dhano machon mochomo tho nikech gombo ma ok ni kare.

Jo-Kolosai 3:5

Emomiyo neguru dhano machon gi timbene duto mag piny ka, kaka terruok, gi dwanyruok, gi hera marach, gi gombo marach, kod ich lach ma en mana lamo nyiseche manono,

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.