Jo-Rumi 6:22 - MUMA MALER 2015

²² To koro osegonyu e tuech richo, mi udoko wasumb Nyasaye, omiyo ohala muyudo en ngima maler, kendo gikone en ngima ma nyaka chieng’.

Motingʼo Loko Manyien

²² To ka koro osegonyu kuom richo mi ubedo wasumbini mag Nyasaye, ohala muyudo kelo ngima maler ma gikone en ngima mochwere.

Jo-Rumi 6:22 ပူးပေါင်းရင်းမြစ်များ

Chakruok 50:17

‘Asayi, we ni oweteni richogi, kaachiel gi gima mono mane gitimoni’ Kuom mano yie iwenwa kuom tim marach mane watimo, nikech wan jotich Nyasaye wuoru.” To kane Josef owinjo wechego, pi wang’e noton.

Ayub 1:8

Eka Ruoth Nyasaye nochako openje ni, “Bende inenoe Ayub jatichna? Onge ng’at makare kendo maler ka en e piny ngima, moluora kendo otang’ gi richo.”

Zaburi 143:12

Neg wasika, nikech hera miherago, kendo tiek jogo duto mathira, nikech an jatichni.

Zaburi 86:2

Resa e tho, nimar ayie kuomi. Adier, konya, nikech an jatichni, kendo ageno kuomi.

Zaburi 92:14

Pod ginyago olemo kata ka giseti, bende gisiko ging’ich kendo gitegno.

Isaya 54:17

To koro onge gir lweny molosi ni mondo ohinyi, ma nohinyi, bende inilo buche duto modonjnie. Mano e pok ma jotich Ruoth Nyasaye yudo. Adier, mano e gueth ma asemiyogi. An Ruoth Nyasaye ema awacho kamano.”

Daniel 3:26

Mano omiyo Nebukadnezar nodhi e dho mach, mi oluongo niya, “Shadrak gi Meshak kod Abednego, un jotich Nyasaye maduong’ moloyo, wuoguru!” Mi ne giwuok.

Daniel 6:20

kendo kane ochopo machiegni, ne okok ka chunye parore, kowacho niya, “Daniel, jatich Nyasaye mangima! Donge Nyasaye ma itiyone gi adiera duto oseresi e dho sibuoche?”

Kwan 23:10

Ere ng’ama nyalo kwano oganda joka Jakobo, kata manyalo riwo kar romb jo-Israel? Weuru atho kaka joma kare tho, kendo abed achiel kodgi.”

Mathayo 13:40

Kaka ichoko ogolo, kendo iwang’o e mach, e kaka nochok ji, mi wang’ chieng’ giko piny.

Mathayo 13:43

Bang’ mano, joma kare norieny ka wang’chieng’ e piny Wuon-gi. Ng’at man gi it mar winjo, to mondo owinji!

Mathayo 19:29

Kendo ng’ato ka ng’ato moseweyo udi, kata owetene, kata nyiminene, kata wuon, kata min, kata nyithinde, kata lope, nikech an, noyud gigo nyadi mia achiel, kaachiel gi ngima mochwere bende.

Mathayo 25:46

Eka Yesu notieko, ka wacho niya, “Jogi noter e kum mochwere, to joma kare nodhi e ngima mosiko.”

Johana 15:16

Un ne ok uyiera, to an ema ne ayierou, mi awalou mondo udhi unyag olemo, kendo mondo olemo munyagono osiki, mondo Wuora omiu gimoro amora mukwaye e nyinga.

Johana 15:2

Bedena duto ma ok nyag olemo, ong’ado oko, to bede duto ma nyago olemo olwero maler mondo omed nyak.

Johana 4:36

Kata mana sani jokeyo yudo pokgi, kendo choko cham ni ngima ma nyaka chieng’. Kamano jochuoyo kod jokeyo bedo mamor kanyakla,

Johana 8:32

Bende ubiro ng’eyo adiera, kendo adiera nomi ubed thuolo.”

Jo-Rumi 6:14

nimar richo ok nochak obed gi loch kuomu, nikech koro ok un e bwo Chik, to un e bwo ng’wono mar Nyasaye.

Jo-Rumi 6:18

Ne ogonyu e tuech richo, mi udoko wasumb tim makare.

Jo-Rumi 6:21

To ere ohala mane uyudo kuom timo gik ma koro miyou wichkuotgi? Giko mar gigo en mana tho.

Jo-Rumi 7:25

Agoyo ni Nyasaye erokamano, nikech Yesu Kristo Ruodhwa ema biro resa! Kuom mano, aneno ni an awuon arito Chik Nyasaye mana gi parona kende, to e ngimana mar dhano to aluwo mana chik mar richo.

Jo-Rumi 7:4

Owetena, un bende uchalo kamano. Ne udoko fuond ringre Kristo, omiyo Chik onge gi teko kuomu, nikech uchalo joma otho. Mano notimore mondo ubed jo-ng’at machielo, ma en Jal mane ochier oa kuom joma otho, mondo wan duto wanyag olemo ni Nyasaye.

Jo-Rumi 8:2

nikech ka ng’ato ni kuom Kristo, to chik mar Roho makelo ngima osegonye kuom chik makelo richo kod tho.

1 Jo-Korintho 7:22

Ng’ama Ruoth oluongo ka misumba en ng’at Ruoth, ma osemiyo thuolo. Kamano bende e kaka ng’at ma Kristo oluongo ka ni thuolo en misumba Kristo.

2 Jo-Korintho 3:17

To Ruoth nogono e Roho kendo, kama Roho mar Ruoth tinie, to thuolo tinie.

Jo-Galatia 1:10

Koso uparo ni mano nenore ka gima adwaro ni mondo abed malong’o e nyim dhano? Ooyo, adwaro bedo malong’o e nyim Nyasaye! Koso uparo ni adwaro mondo dhano ema obed mamor koda? To ka da bed ni pod atemo timo kamano, to da ok abedo jatich Kristo.

Jo-Galatia 5:13

To un owetena, noluongu mondo ubed thuolo, to kik uwe mondo thuolo ma un-gono mi utim gimoro amora mudwaro, to ng’ato ka ng’ato kuomu mondo okony wadgi kuom hera,

Jo-Galatia 5:22

To gik ma Roho nyago gin: hera, mor, kue, horuok, ng’wono, ber, bedo jaadiera,

Jo-Efeso 5:9

nimar ler ema kelo ber gi timbe makare kod adiera duto.

Jo-Filipi 1:11

ka ngimau ogundho gi timbe mabeyo duto ma Yesu Kristo kende ema nyalo chiwo mondo Nyasaye oyud duong’ gi pak.

Jo-Filipi 4:17

To kik upar ni mich ema adwaro. Ooyo, gima adwaro en mana ni mondo Nyasaye omednu ohala.

Jo-Kolosai 1:10

Kamano unudag e ngima mamiyo Ruoth duong’, kendo unutim gik malong’one e yore duto, kunyago olemo mag timbe mabeyo duto, kendo kumedo ng’eyo Nyasaye.

Jo-Kolosai 4:12

Epafra ma bende jathuru, kendo ma misumba Yesu Kristo, bende ooronu mos. Pile olemonu matek, kokwayo Nyasaye mondo omi uchung’ motegno ka jo-Kristo maradier, kuketo chunyu kuom timo gik moko duto ma Nyasaye dwaro.

Tito 1:1

An Paulo, ma misumba Nyasaye, kendo jaote Yesu Kristo, ema andiko baruani. Nyasaye ne oora mondo ajiw yie mar joma Nyasaye oyiero obed motegno, kendo mondo apuonjgi adiera mamiyo giluoro Nyasaye,

Jo-Hibrania 12:14

Temuru mondo ubed gi kue kod ji duto, kendo beduru gi ngima maler, nikech ka ng’ato ok ler, to ok none Ruoth.

Jakobo 1:1

An Jakobo, misumba Nyasaye kod Ruoth Yesu Kristo, amoso jo-Nyasaye duto ma oseke e piny ngima.

1 Petro 1:9

kuyudo pok mogik ma yieu okelo, tiende ni warruok mar chunyu.

1 Petro 2:16

Beduru joma ni thuolo, to kik ulok thuolo ma un-go bed gima uumogo richou, to beduru wasumb Nyasaye.

Fweny 7:13

Eka achiel kuom jodongo nopenja niya, “Joma orwako lewni maracheregi gin ng’a gini, to gia kune?”