Jo-Rumi 6:14 - MUMA MALER 2015

¹⁴ nimar richo ok nochak obed gi loch kuomu, nikech koro ok un e bwo Chik, to un e bwo ng’wono mar Nyasaye.

Motingʼo Loko Manyien

¹⁴ Nimar richo koro ok nobed gi loch kuomu, nikech koro ok un e bwo chik, to un e bwo ngʼwono.

Jo-Rumi 6:14 ပူးပေါင်းရင်းမြစ်များ

Tim jo-Lawi 25:41

eka nowe tiyoni, mi nodog gi nyithinde kuom joodgi kendo e lop kwerene.

Mika 7:19

Inichak ikechwa kendo, mi inyon richowa e tiendi, kendo inyumgi e bwo nam.

Mathayo 1:21

Obiro nywolo wuowi, mi ichak ni Yesu, tiende ni Jawar, nikech enowar joge kuom richogi.”

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 1:17

nikech kata obedo ni Musa ema nokelonwa Chik, to Yesu Kristo ema nokelonwa ng’wono gi adiera.

Johana 8:36

Kuom mano, ka Wuowi ema omiyo ubedo thuolo, to unubed thuolo chutho chutho.

Jo-Rumi 11:6

Oseyierogi kuom ng’wono to ok kuom gik ma gisetimo, nimar ka da bed ni oseyierogi kuom gik ma gisetimo, to ng’wono ok dobedo ng’wono adier.

Jo-Rumi 4:16

Gimomiyo yie nyaka bedie en ni mondo gik moko duto oyud nono kuom ng’wono, kendo singruok obed gi teko ni koth Ibrahim duto, ok mana ni joma rito Chik kende, to bende ni mago ma oyie mana kaka Ibrahim e wuonwa waduto,

Jo-Rumi 5:17

Ka ketho mar ng’ato achiel ema nomiyo tho olocho, to mano kaka joma yudo ng’wono mogundho mar Nyasaye gi michne ma miyo gibedo e winjruok kode nobed gi ngima kendo nolochi nikech ng’at achiel ma en Yesu Kristo!

Jo-Rumi 5:18

Kaka ketho achiel nomiyo bura oloyo ji duto, kamano bende e kaka tim makare achiel miyo ji duto bedo e winjruok gi Nyasaye, kendo miyogi ngima.

Jo-Rumi 6:12

Mano emomiyo kik uwe richo bed gi loch e ringreu matho, mondo kik uluw gombo mag ringruok.

Jo-Rumi 6:15

To koro nadi? Dwatim atima richo nikech koro ok wan e bwo Chik to wan e bwo ng’wono koso? Ngang! Ok kamano!

Jo-Rumi 8:12

Emomiyo owetewa, wan jogowi, to ok jogop dwaro mar dhano, mondo watim gik ma ngima mar dhano dwaro,

Jo-Rumi 8:2

nikech ka ng’ato ni kuom Kristo, to chik mar Roho makelo ngima osegonye kuom chik makelo richo kod tho.

Jo-Galatia 3:23

Kane pok ndalo mar yie obiro, to ne wasiko kotuewa e bwo Chik, nyaka chop ne oelnwa yie mane onego bino.

Jo-Galatia 4:21

Adwaro penjo joma dwaro bedo e bwo Chik ka gisewinjo gima Chik wacho?

Jo-Galatia 5:18

To ka Roho otelonu, to ok un e bwo Chik.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 8:10

To Ruoth medo wacho niya, ‘Singruok ma anatim gi dhood Israel bang’ ndalogo e ma: Anaket chikena e parogi, kendo anandikgi e chunygi. Anabed Nyasachgi, mi ginibed joga.