Jo-Rumi 5:19 - MUMA MALER 2015

¹⁹ Bende kaka ji duto nodoko joketho nikech ng’at achiel notamore winjo wach, e kaka ji duto nobed e winjruok gi Nyasaye nikech ng’at achiel nowinjo wach.

Motingʼo Loko Manyien

¹⁹ Nikech kaka tamruok winjo wach mar ngʼat achiel nomiyo ji mangʼeny odoko joricho, e kaka winjo wach mar ngʼat achielno biro miyo iketo ji mangʼeny kare.

Jo-Rumi 5:19 ပူးပေါင်းရင်းမြစ်များ

Daniel 9:24

“Nyasaye oseketo ni jou gi dalau higni mia ang’wen gi piero ochiko mondo kethogi gi richogi orumie. Bang’e nowe ni ji richogi, kendo nogur tim makare mosiko mondo weche mag fweny gi weche makare otimre adier, eka opwodh Kama Ler Moloyo.

Jo-Rumi 11:32

Nyasaye nomiyo ji duto obedo joma otamore winjo wach kamano mondo ong’wonnigi giduto.

Jo-Rumi 5:12

Wang’eyo ni richo nodonjo e piny nikech tim ng’at achiel, kendo richono nokelo tho. Kamano tho nobiro kuom ji duto, nikech ji duto nokelo richo.

Jo-Rumi 5:15

To ng’wono mane Nyasaye otimo opogore mabor gi richo mane Adam otimo, nikech richo mar ng’ato achiel nokelo ni ji duto tho, to ng’wono mar Nyasaye, kod chiwo mane ng’at achiel ma en Yesu Kristo okelo nomiyo ji duto gweth mogundho.

Jo-Rumi 5:18

Kaka ketho achiel nomiyo bura oloyo ji duto, kamano bende e kaka tim makare achiel miyo ji duto bedo e winjruok gi Nyasaye, kendo miyogi ngima.

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

Jo-Efeso 1:6

Ne otimo kamano mondo ji opak ng’wonone man gi duong’ mane otimonwa kuom Wuode mohero.

Jo-Filipi 2:8

to nobolore, kendo nowinjo wach nyaka tho, mana tho mar msalaba!