Jo-Rumi 4:5 - MUMA MALER 2015

⁵ To ka ng’ato ok ogeno kuom gimoro mosetimo, to oyie mana kuom Nyasaye mamiyo joma richo bet e winjruok kode, to yieneno ema ikwano ka gima omiyo obet e winjruok gi Nyasaye.

Motingʼo Loko Manyien

⁵ To kuom ngʼat ma ok otimo gimoro, to oketo mana genone kuom Jal maketo jomaricho kare, yie ma kamano ikwano kaka tim makare.

Jo-Rumi 4:5 ပူးပေါင်းရင်းမြစ်များ

Habakuk 2:4

Koro ma e fweny nogo: Ng’at ma chunye ok ni kare nopodhi, to ng’at makare nobed mangima nikech adierane.

Mariko 9:23

Yesu nodwoke ni, “Ere gima omiyo iwacho ni, ‘Kinyalo’? Gik moko duto nyalore ni ng’ama oyie!”

Johana 5:24

Adier awachonu ni ng’ama owinjo wachna, mi oyie kuom Jal mane oora, nigi ngimaa ma nyaka chieng’, ng’at ma kamano ok ter e bura, to osea e tho, odonjo e ngima.

Johana 6:29

To Yesu nodwokogi ni, “Tich ma Nyasaye dwaro mondo uti en ni mondo uyie kuom Jal mane ooro.”

Jo-Rumi 10:3

nikech pok ging’eyo yo ma Nyasaye miyogo ji bet e winjruok kode, to gise mana temo loso yorgi giwegi. Kamano ne ok giyie luwo yo ma Nyasaye miyogo ji bet e winjruok kode.

Jo-Rumi 3:22

En e yo ma Nyasaye miyogo dhano bet e winjruok kode nikech yie ma oyiego kuom Yesu Kristo. Yorno ni thuolo ni ji duto moyie, nikech onge gima gipogorego.

Jo-Rumi 4:24

to nondiki nikech wan bende, ma ibiro kwano ni joma kare nikech wayie kuom Jal mane ochiero Yesu Ruodhwa oa kuom joma otho.

Jo-Rumi 4:3

nikech Muma wacho niya, “Ibrahim noyie kuom Nyasaye, mi yieneno ema ne omiyo Nyasaye okwane ni en ng’ama kare.”

Jo-Rumi 4:6

Mano bende e gima ne Daudi owacho kare, mak orango timbe mosetimo. Nowacho niya,

Jo-Filipi 3:9

ka ariwora kode eringruok achiel. Koro ok adwar ni mondo okwana ka ng’ama dwaro bedo e winjruok gi Nyasaye nikech rito Chik, to adwaro bedo ng’ama Nyasaye osemiyo bedo e winjruok kode nikech oyie kuom Kristo.

Joshua 24:2

Eka Joshua nonyiso ji duto ni Ruoth Nyasaye ma Nyasach Israel owacho kama: “Chon, Tera wuon Ibrahim gi Nahor ma kwereu, nodak loka aora Yufrate, kendo ne gilamo nyiseche mamoko.