Jo-Rumi 4:18 - MUMA MALER 2015

¹⁸ Ibrahim noyie kendo nogeno agena, kata obedo ni gima dine mi ogen kamano ne onge! Mano omiyo nodoko wuon ogendini mathoth, mana kaka Muma wacho ni, “Nyikwayi nobed mana mathoth kamano.”

Motingʼo Loko Manyien

¹⁸ Kata obedo ni gima dine mi Ibrahim bed gi geno ne onge, ne pod oyie ayieya ni nobiro bedo “wuon ogendini mangʼeny,” mana kaka nosewachne niya, “kamano e kaka kothi nobedi.”

Jo-Rumi 4:18 ပူးပေါင်းရင်းမြစ်များ

Ngeche 13:12

Ka gima igeno ok otimore, to chunyi ol, to ka gima igeno otimore, to chunyi duogo.

Ezekiel 37:11

Nyasaye nowachona niya, “Wuod dhano, jo-Israel chalo mana gi chokego. Giwacho ni gitwo kururu, kendo ni gionge gima gigeno.

Luka 1:18

Zekaria nopenjo malaika niya, “Ere kaka dang’e ni wachni en adier, nikech an ng’at moti kendo chiega bende hike oniang’?”

Tich Joote 27:25

Kuom mano owetena, beduru gi chir, nikech ang’eyo ni Nyasaye biro timo mana kaka osewachona.

Jo-Rumi 4:17

mana kaka Muma wacho niya, “Aseketi wuon ogendini mang’eny.” Kuom mano, singruok nigi teko e nyim Nyasaye mane Ibrahim oyie kuome. En e Nyasaye machiero joma otho, kendo ma gima owacho miyo gik maonge betie.

Jo-Rumi 4:19

Kata obedo ni hike koro ne dirom mia achiel, ong’eyo ni ringre owuon chalo gi gima otho, kendo ni Sara bende koro ndalone mar nywol osekadho, to yie mare ne ok odok chien.

Jo-Rumi 5:5

To geno ma kamano ok kuod wiwa, nikech Roho Maler ma Nyasaye osemiyowa osepong’o chunywa gi hera mar Nyasaye.

Jo-Rumi 8:24

Adier genono ema ne oreswago. Ka waseyudo gima wageno yudo, to koro ok wanyal wacho ni wan gi geno, nikech ere kaka ng’ato nyalo geno yudo gima oseyudo?

Jo-Hibrania 6:19

Genoni ema wan go. Ochalo gi loch mogur, motue chunywa kuome. Ok ong’ingni, to omoko matek ta. Okadho nanga mar rageng’, mi odonjo kama Ler Moloyo.