Jo-Rumi 4:13 - MUMA MALER 2015

¹³ Nyasaye nosingore ni Ibrahim kod nyikwaye ni piny nobed margi to ne ok osingore kamano nikech Ibrahim norito chik, to mana nikech nokwane ni en ng’at makare kuom yie mane en-go.

Motingʼo Loko Manyien

¹³ Nikech singruok mane omi Ibrahim ni piny nobed mare, ne ok obirone kata ne kothe kuom chik, to nobiro kuom tim makare mar yie.

Jo-Rumi 4:13 ပူးပေါင်းရင်းမြစ်များ

Chakruok 12:3

“Anaguedh jogo ma guedhi, to nakuong’ jogo ma kuong’i, kendo ogendini duto mae piny nokwaya mondo aguedhgi kaka aseguedhi.”

Chakruok 17:16

Abiro guedhe kendo abiro miyi nyathi ma wuowi kode. Anaguedh Sara, mi nobed min ogendini mang’eny, kendo nyikwaye moko nobed ruodhi.”

Chakruok 28:14

Nyikwayi nobed mang’eny ka lowo. Gininya malach kendo ginilandre koni gi koni, mi dhoudi duto mae piny nokwa mondo oguedhgi kaka aseguedhi gi nyikwayi.

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

Zaburi 2:8

Koro kwaya mondo amiyi ogendini duto, mondo piny ngima obed mari.

Zaburi 72:11

Kamano ruodhi duto nokulrene, kendo ogendini duto notine.

Tich Joote 13:32

To wan, wan kaeri mondo walandnu Wach Maber, ni, kuom chiero Yesu,

Jo-Rumi 4:12

To bende en e wuon jogo moter nyangu, to mana nikech giluwo yor yie mane wuonwa Ibrahim bende oluwo kane pok otere nyangu.

Jo-Rumi 9:8

Mano nyiso ni nyithindo duto mane Ibrahim onywolo ok gin nyithind Nyasaye, to mana mago monywol kaluwore gi singruok mar Nyasaye ema ikwano ka nyithind Nyasaye adier,

Jo-Galatia 3:29

To ka un jo-Kristo, to kara un nyikwa Ibrahim, kendo unuyud mich mane Nyasaye osingore.

Jo-Hibrania 11:7

Yie ema nomiyo Nowa owinjo siem mane Nyasaye osiemego kuom gik mabiro. Ne omako wach, omiyo nohondho yie mi oresogo joode. Kamano noketo ni piny bura, kendo en owuon yieneno nomiyo obedo e winjruok gi Nyasaye.

Jo-Hibrania 7:6

Melkizedek to ne ok en nyakwar Lawi, to kata kamano Ibrahim nomiye achiel kuom apar mag gik mope, mi noguedho kata mana Ibrahim, ng’at mane oyudo singruok mag Nyasaye!