Jo-Rumi 3:7 - MUMA MALER 2015

⁷ Ng’ato bende nyalo wacho niya, “Miriambona osemiyo adiera mar Nyasaye onenore malong’o, kendo osekelone duong’. Koro ere gimomiyo pod ing’adona bura ni an jaricho?”

Motingʼo Loko Manyien

⁷ Bende ngʼato nyalo wacho niya, “Ka miriambona nyalo miyo adiera mar Nyasaye medore, kendo duongʼne bende medo nyisore to marangʼo pod ingʼadona bura kaka jaricho?”

Jo-Rumi 3:7 ပူးပေါင်းရင်းမြစ်များ

Chakruok 37:20

Wanegeuru, kendo wawite e bugo moro ka, to wadhi wawachi ni ondiek onege. Mi wanane ane gima lekne timone!”

Wuok 14:30

Kamano e kaka Ruoth Nyasaye noreso jo-Israel e lwet jo-Misri odiechieng’no. Bang’e jo-Israel noneno jo-Misri koriere e dhonam kosetho.

Wuok 14:5

Kane onyis Farao ruodh Misri ni jo-Israel oseringo, chunye gi chuny jodonge nolokore ni nonego ni kik giwe gia, mi giwacho niya, “Ang’o mwasetimoni? Waseweyo wasumbwa ma jo-Israel odhi!”

Wuok 3:19

Chutho to, ang’eyo ni ruodh Misri ok nowe udhi, mak mana kochune.

Mathayo 26:34

Yesu nodwoke ni, “Adier awachoni ni, otieno ma kawuononi, ka pok thuon gweno okok, to ibiro kweda didek.”

Tich Joote 2:23

Nyasaye nong’eyo chon ni ibiro chiwo Yesu e luetu, kendo kane oseng’ado wach ni obiro timo kamano, un to ema numiyo joma ok jo-Yahudi ogure e msalaba, mi onege.

Jo-Rumi 3:4

Ooyo, ok kamano ngang’! Nyasaye nyaka bed jaadiera, kata obedo ni ji duto gin jomriambo, mana kaka Muma wacho ni, “A Nyasaye, in ema nyaka inenri ng’ama kare kiwuoyo, to bende kiyali, to nyaka ilo bura.”