Jo-Rumi 3:5 - MUMA MALER 2015

⁵ To ng’ato nyalo wacho ni richowa nyiso ji tim makare mar Nyasaye, omiyo Nyasaye ok ni kare kakumowa.

Motingʼo Loko Manyien

⁵ To ka timbewa maricho konyo kuom guro tim makare mar Nyasaye, to koro wanyalo wacho angʼo? Wanyalo wacho ni Nyasaye timo marach kokumowa gi mirimbe mager? (An awuoyo mana kaka dhano.)

Jo-Rumi 3:5 ပူးပေါင်းရင်းမြစ်များ

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

Ayub 8:3

Nyasaye ok ng’ad buch amwor, to otimo mana gima kare.

Nahum 1:2

Ruoth Nyasaye en Nyasaye ma janyiego kendo ma jachul kuor gi mirimbe mager. Okano mirima e chunye mondo ochulgo ni wasike kuor.

Jo-Rumi 12:19

Osiepena, kik uchul kuor, to kar chulo kuor to weuru mondo mirimb Nyasaye ema otim kamano, nikech ondiki e Muma ni Ruoth Nyasaye owacho niya, “An ema nachul kuor. Adier, anachul maonge kiawa!”

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.

Jo-Rumi 3:19

To wang’eyo ni weche duto ma Chik wacho oket ni joma nie bwo Chikno. Kuom mano, ji onge gi yo ma ginyalo tonygo e bura, to buch Nyasaye okwako piny duto.

Jo-Rumi 3:7

Ng’ato bende nyalo wacho niya, “Miriambona osemiyo adiera mar Nyasaye onenore malong’o, kendo osekelone duong’. Koro ere gimomiyo pod ing’adona bura ni an jaricho?”

Jo-Rumi 4:1

Koro ere gima dwawachi kuom Ibrahim ma kwarwa? Ang’o mane oneno?

Jo-Rumi 5:8

To gima nyisowa ni Nyasaye oherowa gi hera maduong’ en ni Kristo nothonwa kane pod wan joricho.

Jo-Rumi 6:1

To koro ere gima dwawachi? Dwawachi ni ber kwasiko watimo richo mondo ng’wono mar Nyasaye omedre koso?

Jo-Rumi 6:19

Awuoyonu gi weche mayot winjo nikech parou mar dhano thanythany. Kaka ne uchiwo ringreu obed wasumb dwanyruok gi tim ma ok kare, mutimo atima richo, e kaka koro chiwuru ringreu obed wasumb tim makare mondo udok joma ler.

Jo-Rumi 7:7

Koro ere gima dwawachi? Dwawach ni Chik en richo koso? Ngang! Ayie ni ka da Chik onge, to ok dang’eyo ni richo en ang’o. Ka da ni Chik ok owacho ni ‘Kik igombi,’ to da ok ang’eyo ni gombo en ang’o.

Jo-Rumi 8:31

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

Jo-Rumi 9:30

Koro wanawach ang’o? Onego wawach ni joma ok jo-Yahudi, mane ok otemo mondo obed e winjruok gi Nyasaye, ema koro osebet e winjruok kode kuom yie,

1 Jo-Korintho 15:32

Ka an mana dhano ma ok chier, to ere ber mane ayudo kuom kedo gi ondiegi Efeso? Ka en adier ni joma otho ok chier, to kara wachiemuru, kendo wamethuru, nikech kiny wanatho, mana kaka Muma wacho.

1 Jo-Korintho 9:8

Kamoro uparo ni ranyisi ma achiwogo gin mana paro mag dhano, to donge Muma bende wacho mana kamano?

2 Jo-Korintho 6:4

To wanyiso ni wan jotich Nyasaye, e weche duto, kwatimo kinda ahinya e sand, e chandruok, e masira,

2 Jo-Korintho 7:11

Neyeuru gik ma kuyo e yo ma Nyasaye dwaro osetimonu. Mano kaka osemiyo ubedo joma paro matut, kuketo chunyu kuom nyiso ni ne ok uketho, bende osemiyo ubedo gi mirima kod luor, kendo ugombo nena. Unyiso ni utimo kinda, kendo udwaro ng’ado bura kare. Adier, usenyiso e yore duto ni uonge gi ketho e wachno.

Jo-Galatia 2:18

Ng’ang’! Ka achako luwo yor Chik ma en yo ma aseweyo chuth ni onge gi tich, to mano nyiso ni an jaketh Chik!

Jo-Galatia 3:15

Owetena, weuru amiue ranyisi mar gima timore pilepile. Ka ji ariyo otimo winjruok mi osingore, to onge ng’ama nyalo ketho winjruokgino, kata medoe wach moro, kata obedo ni en mana winjruok mae kind dhano gi dhano kamano.

Fweny 15:3

Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!