Jo-Rumi 3:21 - MUMA MALER 2015

²¹ To koro yo ma Nyasaye miyogo dhano bet e winjruok kode oseelore, kendo ok otenore kuom Chik kata matin. To kata kamano Chik Musa gi Jonabi wuoyo kuome.

Motingʼo Loko Manyien

²¹ To koro tim makare mar Nyasaye ma ok otenore kuom chik, oseelore, mana kaka Ndiko mag Musa gi Jonabi nyiso.

Jo-Rumi 3:21 ပူးပေါင်းရင်းမြစ်များ

Chakruok 15:6

Abram noyie kuom Ruoth Nyasaye, omiyo Ruoth Nyasaye nokwano yieneno ka tim makare,

Isaya 46:13

Akelo resruok mara machiegni. Ok en mabor ngang’! Adier, kony ma akelo ok bi deko. Anares ji Sayun, mondo jo-Israel mamiya duong’ oyud konyruok.

Isaya 51:8

nikech ibiro tiekgi, mi girum, mana kaka olwenda tieko law. To an, teko ma awarogo ji nosiki nyaka chieng’. Adier, resruok ma akelo ok norum kuom tienge duto.

Isaya 54:17

To koro onge gir lweny molosi ni mondo ohinyi, ma nohinyi, bende inilo buche duto modonjnie. Mano e pok ma jotich Ruoth Nyasaye yudo. Adier, mano e gueth ma asemiyogi. An Ruoth Nyasaye ema awacho kamano.”

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Jeremia 33:16

E ndalogo nores jo-Juda, kendo jo-Jerusalem nodag gi kue. Omiyo ginichak dalagi ni, ‘Ruoth Nyasaye moresowa.’

Daniel 9:24

“Nyasaye oseketo ni jou gi dalau higni mia ang’wen gi piero ochiko mondo kethogi gi richogi orumie. Bang’e nowe ni ji richogi, kendo nogur tim makare mosiko mondo weche mag fweny gi weche makare otimre adier, eka opwodh Kama Ler Moloyo.

Luka 24:44

Nowacho nigi niya, “Magi e gik mane awachonu kapod an kodu, kane anyisou ni gik moko duto mondik kuoma e Chik Musa gi Kitepe Jonabi kod Zaburi nyaka timre.”

Johana 1:45

Filipo noyudo Nathaniel, mowachone niya, “Wasenwang’o jal mane Musa ondiko kuome e Kitap Chik, kendo mane jonabi bende ondiko kuome. En Yesu, wuod Josef, ja-Nazareth.”

Tich Joote 10:43

Jonabi duto nowuoyo kuome, kawacho ni ng’ato ka ng’ato moyie kuome nowene richone nikech en.”

Tich Joote 15:11

Ooyo, wayie ni kaka iwarowa kuom ng’wono mar Ruoth Yesu, e kaka gin bende iwarogi.”

Tich Joote 26:22

To Nyasaye nokonya, omiyo nyaka chil kawuono asebedo ka achung’ kendo ka anyiso ji duto, madongo gi matindo, weche ma aseneno. Gima awacho en mana gima Jonabi kod Musa ne jowacho ni notimre.

Tich Joote 28:23

Kuom mano ne giwinjore gi Paulo ni onego giduog chieng’ machielo, kendo chieng’no ne gibiro mang’eny kama odakie. Ne owuoyonigi chakre okinyi nyaka odhiambo, konyisogi malong’o wach Loch Nyasaye. Bende notemo lokogi mondo giyie kuon Yesu, kogolo weche e Chik Musa, kendo e kitepe mag Jonabi.

Jo-Rumi 1:17

Wach Maber nyiso ji yo ma miyogo dhano bedo e winjruok kode, mana kaka Muma wacho ni, “Ng’at ma obet e winjruok gi Nyasaye nikech oyie ema nobed mangima.”

Jo-Rumi 1:2

Chon Nyasaye nosemiyo jonabi osingore e Muma Maler ni Wach Maberni biro biro.

Jo-Rumi 16:26

To koro Nyasaye mochwere osechiko ni mondo oele e lela mondo ogendini duto oyie kuome kendo omak chikne, mana kaka jonabi nondiko e Muma.

Jo-Rumi 3:28

Wasenwang’o malong’o ni Nyasaye miyo ng’ato bet e winjruok kode mana nikech yie, to ok nikech rito Chik kata matin.

Jo-Rumi 5:19

Bende kaka ji duto nodoko joketho nikech ng’at achiel notamore winjo wach, e kaka ji duto nobed e winjruok gi Nyasaye nikech ng’at achiel nowinjo wach.

Jo-Rumi 5:21

ni mondo kaka richo nolocho kamiyo ji duto tho, e kaka mondo ng’wono olochi, ka Nyasaye miyo ji bedo e winjruok kode, kendo miyogi ngima ma nyaka chieng’ kuom Yesu Kristo Ruodhwa.

Jo-Rumi 9:30

Koro wanawach ang’o? Onego wawach ni joma ok jo-Yahudi, mane ok otemo mondo obed e winjruok gi Nyasaye, ema koro osebet e winjruok kode kuom yie,

1 Jo-Korintho 1:30

Osekelou e achiel gi Kristo Yesu, kendo osemiyo Kristo obedo riekowa. Kuom Kristo bende ema Nyasaye osemiyo wabet e winjruok kode, kendo osemiyo wabedo joge kendo wayudo warruok.

2 Jo-Korintho 3:9

Ka gima kelo bura ema ne obiro gi ler maduong’ machalo kamano, koro gima Roho kelo, mamiyo wabedo e winjruok gi Nyasaye donge dibed gi ler maduong’ moloyo?

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

Jo-Galatia 3:8

Muma wuoyo kuom Ibrahim niya, “Kuomi ema Nyasaye nogwedhie ogendini duto mag piny.” Kamano ne onyise Wach Maber chon ni Nyasaye nomi joma ok jo-Yahudi bed e winjruok kode kuom yie.

Jo-Galatia 5:5

Wan to Roho ema miyo wageno ni ibiro miyo wabedo e winjruok gi Nyasaye kuom yie,

Jo-Filipi 3:9

ka ariwora kode eringruok achiel. Koro ok adwar ni mondo okwana ka ng’ama dwaro bedo e winjruok gi Nyasaye nikech rito Chik, to adwaro bedo ng’ama Nyasaye osemiyo bedo e winjruok kode nikech oyie kuom Kristo.

1 Petro 1:10

Wach warruokni ema ne jonabi onono kendo omanyo matek, kane gikoro wach gueth mane Nyasaye biro miyou.

2 Petro 1:1

An Simon Petro, ma misumba Yesu Kristo kendo jaotene, ema andikonu baruani, un joma osenwang’o yie ma nengone tek marom gi yiewa, nimar Nyasachwa kendo Jawarwa Yesu Kristo ema ne omiyowago kuom adierane.