Jo-Rumi 3:20 - MUMA MALER 2015

²⁰ Onge ng’ama nyalo bet e winjruok gi Nyasaye nikech osemako Chik, nimar tich Chik en mana miyo dhano ng’eyo ni oseketho.

Motingʼo Loko Manyien

²⁰ Kuom mano, onge ngʼama noket kare e nyime kuom timo gik ma Chik owacho, to kuom Chik ema dhano ngʼeyoe kethone.

Jo-Rumi 3:20 ပူးပေါင်းရင်းမြစ်များ

Ayub 15:15

Ka Nyasaye ok nyal geno kata mana malaika mage, kendo joma odak e polo bende nenore mana ma ok ler,

Zaburi 130:3

Ka da bed ni isiko kiparo richo ma ji timo, to ere ng’ama dichung’ e nyimi?

Zaburi 143:2

Kik iyala, an jatichni, nimar onge ng’ama kare e nyimi.

Tich Joote 13:39

Bende nyaka ung’e ni ng’ato ka ng’ato moyie kuome, to owene richone duto mane Chik Musa otueyo.

Jo-Rumi 2:13

Ng’ato nyalo winjo Chik, to ka ok omako, to ok onyal bet e winjruok gi Nyasaye.

Jo-Rumi 3:28

Wasenwang’o malong’o ni Nyasaye miyo ng’ato bet e winjruok kode mana nikech yie, to ok nikech rito Chik kata matin.

Jo-Rumi 4:13

Nyasaye nosingore ni Ibrahim kod nyikwaye ni piny nobed margi to ne ok osingore kamano nikech Ibrahim norito chik, to mana nikech nokwane ni en ng’at makare kuom yie mane en-go.

Jo-Rumi 4:15

Chik kelo mirimb Nyasaye, to kama chik ongee, ketho chik bende ongee.

Jo-Rumi 5:13

To chutho richo ne nie piny kata mana e ndalo mane Nyasaye pok omiyo ji Chik Musa, to ka onge chik to richo ok kwan ka richo.

Jo-Rumi 5:20

Chik nobiro, mi ketho omedore. To kama richo nomedoree, ng’wono nomedoree moloyo,

Jo-Rumi 7:11

nikech richo noyudo thuolo ma Chik okelo, mi owuonda, kendo onega.

Jo-Rumi 9:32

To ang’o ma omiyo ne ok ginyal yude? Ne ok ginyal yude nikech ne ok gitemo mondo gibed e winjruok gi Nyasaye kuom yie, to mana kuom gik ma gitimo. Ne gichwanyore e kidi machwanyo ji.

1 Jo-Korintho 15:56

Lit mar tho en richo, kendo richo yudo teko kuom Chik.

Jo-Galatia 2:16

To kata kamano, wang’eyo ni mako Chik Musa ok nyal miyo ng’ato bed e winjruok gi Nyasaye, to mana yie kuom Yesu Kristo ema miyo ng’ato bedo e winjruok gi Nyasaye. Wan bende waseyie kuom Kristo Yesu, mondo wabed e winjruok gi Nyasaye kuom yie, to ok kuom mako Chik, nimar Muma wacho ni, “Onge ng’ama nyalo bet e winjruok gi Nyasaye kuom mako Chik.”

Jo-Galatia 2:19

Korka Chik to an ng’ama otho, ma Chik owuon ema onego, mondo obed mangima ni Nyasaye. Ne ogura gi Kristo e msalape,

Jo-Galatia 5:4

Ka udwaro mondo ubed e winjruok gi Nyasaye kuom mako Chik, to usepogoru gi Kristo, kendo usea kuom ng’wono mar Nyasaye.

Jo-Hibrania 7:19

nimar Chik ne ok ochopo gima ne oketene. To geno manyien koro osekel, mamiyo wasudo machiegni gi Nyasaye.