Jo-Rumi 3:19 - MUMA MALER 2015

¹⁹ To wang’eyo ni weche duto ma Chik wacho oket ni joma nie bwo Chikno. Kuom mano, ji onge gi yo ma ginyalo tonygo e bura, to buch Nyasaye okwako piny duto.

Motingʼo Loko Manyien

¹⁹ To koro wangʼeyo ni gimoro amora ma Chik wacho, owacho ni joma ni e bwo chik, mondo ji duto olingʼ thi, kendo buch Nyasaye olo piny duto.

Jo-Rumi 3:19 ပူးပေါင်းရင်းမြစ်များ

Ayub 5:16

En ema omiyo joma odhier bedo gi geno, to joma parogi richo ling’ thi.

Zaburi 107:42

Joma kare neno kamano, kendo gibedo mamor, to joricho duto dhogi moko.

Zaburi 63:11

Ruodhwa to nobed mail nikech Nyasaye, kendo jogo duto matimo singruok e nying Nyasaye bende nobed mamor. Jomriambo to noum dhogi!

Ezekiel 16:63

Chieng’ ma anapuodh gik maricho duto ma isetimo, eka inipargi, mi wiyi kuodi, ma kata mana loso ok nilosi. An Ruoth Nyasaye ema awacho kamano.”

Johana 15:25

Mago duto nyaka timre mondo ochop weche mondiki e Chikgi ni, ‘Ne gimon koda kayiem nono.’

Johana 8:9

To kane giwinjo gima owacho, ne gia kanyo achiel achiel chakre joma dongo nyaka joma tindo, mi Yesu kende ema nodong’, ka dhakono ochung’ bute.

Jo-Rumi 1:20

Chakre chwech piny, dhano osebedo kong’eyo ni Nyasaye nigi teko mochwere, kendo ni en Nyasaye adier. Kata obedo ni gik manyiso ni en Nyasaye ok nyal nenore, to ing’eyogi kuom gik ma osechueyo. Kamano dhano ok nyal wuondore ni kiagi

Jo-Rumi 3:2

To adwoko kama: Nitie ber mang’eny kuom bedo ja-Yahudi. Mokwongo Nyasaye nogeno jo-Yahudi mi omiyogi Wachne.

Jo-Rumi 3:23

Ji duto oseketho, kendo girem kuom duong’ mar Nyasaye.

Jo-Rumi 3:4

Ooyo, ok kamano ngang’! Nyasaye nyaka bed jaadiera, kata obedo ni ji duto gin jomriambo, mana kaka Muma wacho ni, “A Nyasaye, in ema nyaka inenri ng’ama kare kiwuoyo, to bende kiyali, to nyaka ilo bura.”

Jo-Rumi 3:9

To koro ere kaka wan jo-Yahudi waloyo ji mamoko? Ngang’, ok waloyogi kata matin, nikech asenyiso ni richo oloyo jo-Yahudi gi joma ok jo-Yahudi mana machalre,

1 Jo-Korintho 1:29

Notimo kamano mondo ng’ato kik sungre e nyime.

Jo-Galatia 3:10

To jogo moyiengore kuom rito Chik kaka gima miyo gibedo e winjruok gi Nyasaye nie bwo kuong’, nikech Muma wacho niya, “Okuong’ ng’ato ang’ata ma ok osiko omako weche duto mondiki e kitap Chik!”

Jo-Galatia 4:21

Adwaro penjo joma dwaro bedo e bwo Chik ka gisewinjo gima Chik wacho?

Jo-Galatia 4:5

mondo owar joma nie bwo Chik, eka wabed yawuot Nyasaye.

Jo-Galatia 5:18

To ka Roho otelonu, to ok un e bwo Chik.

1 Samuel 2:9

Orito tiend joge ni kik chwanyre, to joricho lal e mudho, nikech teko ng’ato owuon ok nyal miye loch.