Jo-Rumi 2:7 - MUMA MALER 2015

⁷ Joma osiko katimo maber, kendo dwaro pak gi duong’ moa kuom Nyasaye, kod ngima ma ok rum, nomi ngima ma nyaka chieng’.

Motingʼo Loko Manyien

⁷ Ne joma osetimo kinda kuom timo maber, ka gidwaro duongʼ kod luor, kod gik ma ok tho, enomi ngima mochwere.

Jo-Rumi 2:7 ပူးပေါင်းရင်းမြစ်များ

Ayub 17:9

Bende ji maparo ni gin joma ogen medo neno ni adier gin ema gin kare.

Zaburi 27:14

Genuru kuom Ruoth Nyasaye. Ee, genuru kuome, kendo kik chunyu nyosre.

Zaburi 37:3

Gen kuom Ruoth Nyasaye mondo itim maber, eka idag e piny gi kue.

Zaburi 37:34

Ket genoni kuom Ruoth Nyasaye, kendo rit chikene. Eka nomiyi teko mar bedo wuon piny, kendo inine kiriembo joricho oko.

Ezekiel 18:17

Ok odwar timo timbe mamono, kendo ok ohol ji pesa mondo oyudie ohala, to orito chikena, kendo oluoro buchena. Kuom mano, richo mag wuon ok nomi otho, to enobed abeda mangima.

Mathayo 25:46

Eka Yesu notieko, ka wacho niya, “Jogi noter e kum mochwere, to joma kare nodhi e ngima mosiko.”

Luka 21:19

Omiyo timuru kinda, nimar mano e kaka unuyud ngima maradier.

Luka 8:15

To kodhi mane olwar e lowo maber, gin joma winjo wachno gi chuny makare kendo malong’o, kendo gimake matek, nyaka chop ginyagi.

Johana 4:36

Kata mana sani jokeyo yudo pokgi, kendo choko cham ni ngima ma nyaka chieng’. Kamano jochuoyo kod jokeyo bedo mamor kanyakla,

Johana 5:44

To ere kaka unyalo bedo gi yie, kuhero mondo ng’ato ka ng’ato oyud pak kuom wadgi, to ok utem mondo uyud pak moa kuom Nyasaye ma achiel kende.

Jo-Rumi 2:10

To ng’ato ka ng’ato matimo maber noyud duong’ gi pak kod kue. Jo-Yahudi ema nokwong yudogi, eka joma ok jo-Yahudi bende.

Jo-Rumi 6:23

Misach richo en tho, to mich Nyasaye en ngima mochwere kuom Yesu Kristo Ruodhwa!

Jo-Rumi 8:18

To aneno ni masira mwaneno ndalogi tin, kipimo gi duong’ mapok oel mwabiro yudo.

Jo-Rumi 9:23

To bende notimo kamano mondo omigo ji ong’e duong’ne kaka lich. En duong’ ma omiyo joma otimonigi ng’wono, ma gin joma ne oseloso chon mondo oyud duong’ kamano.

1 Jo-Korintho 15:42

Mano e kaka chier mar joma otho bende chalo. Ringruok miyiko e lowo en gima tow, to ichiere ka gima ok tow.

1 Jo-Korintho 15:50

To owetena, gima awacho e ma: Joma pod nigi ringruok mar pinyni ok nyal yudo gueth mar Loch Nyasaye, bende gima tow ok nyal bedo wuon gik ma ok tow.

1 Jo-Korintho 15:58

Emomiyo owetena mahero, chung’uru motegno ma ok ung’ingni, kutiyo matek pile e tich Ruoth, kendo kung’eyo ni tich mutiyo kuom Ruoth ok nobed kayiem nono.

Jo-Galatia 6:9

Kuom mano, kik waol gi timo gik mabeyo, nikech ka ok wanyosore, to wanake, ka ndalo, ka ndalo ogik.

Jo-Efeso 6:24

Ng’wono obed kod ji duto mohero Ruodhwa Yesu Kristo gi hera ma ok rum.

Jo-Kolosai 1:27

Nyasaye nochano mondo joge ong’e kaka wach mane osepandino nigi duong’ miwuoro kuom joma ok jo-Yahudi. To wachno en ni Kristo odak e iu, kendo miyo ugeno kuom duong’ mabiro.

1 Timotheo 1:17

Opak Ruoth mochwere! En Ruoth ma ok tho, kendo ma ok ne. En e Nyasaye kende. Duong’ obedne ma nyaka chieng’. Amin.

2 Timotheo 1:10

To koro oseele kuom fwenyruok mar Jawar Kristo Yesu e piny. Kristo ema nosetieko tho, kendo osenyisowa ratiro kuom Injili ni ngima ma nyaka chieng’ nitie.

Jo-Hibrania 2:7

Ne imiyo obedo matin moloyo malaika kuom kinde manok. Bang’e ne isidhone osimbo mar duong’ kod pak,

Jo-Hibrania 6:12

Kik utim samuoyo, to beduru joma luwo ranyisi mar jogo mayudo gik ma Nyasaye nosingore ni nomigi nikech giyie kendo gitimo kinda.

Jo-Hibrania 6:15

Kuom mano, bang’ timo kinda, Ibrahim noyudo gima ne Nyasaye osesingorene.

1 Johana 2:25

Ma e singruok mar ngima ma nyaka chieng’ mane osingore ni nomiwa.