Jo-Rumi 2:6 - MUMA MALER 2015

⁶ Chieng’no nomi ng’ato ka ng’ato pok moromo gi timne.

Motingʼo Loko Manyien

⁶ Chiengʼno Nyasaye “nochul ngʼato ka ngʼato kaluwore gi timbene.”

Jo-Rumi 2:6 ပူးပေါင်းရင်းမြစ်များ

Ayub 34:11

Ooyo, omiyo ji pok maromo gi timbegi, kendo otimonigi mana kaka owinjore kodgi.

Zaburi 62:12

kendo ni herane osiko mochwere. A Ruoth Nyasaye in iwuon imiyo ng’ato ka ng’ato, pok maromre gi timne.

Wuok 32:34

Koro dhiyo mondo itel ni ji nyaka kuma nasenyisi. Malaikana notel nyimi, to kinde biro chopo ma anakumgie kuom richogi.”

Ngeche 24:12

Kik iwach ni mano ok tiji, nikech Nyasaye ma pimo chuny ji nopar gima itimono. Bed gi ratiro ni Nyasaye marangi ong’eyo gima itimo. Ochulo ng’ato ka ng’ato moromo gi timbene.

Ngeche 24:2

Nimar gik makelo chandruok ema giketo e chunygi, kendo wechegi duto hinyo ji.

Ngeche 26:10

Ng’at ma ndiko ng’ato ang’ata moyudo chalo gi ng’at matho diro aserni adira, ka hinyogo ji duto.

Eklesiastes 3:17

Ne awacho e chunya niya, “Nyasaye biro yalo joma kare gi joma richo machalre, nikech kata mana e piny mabiro, gik moko duto te notimre mana e kinde moketnigi.”

Jeremia 17:10

An Ruoth Nyasaye amanyo paro mar dhano, kendo apimo rieko mag ji. Atimo ni ng’ato ka ng’ato mana kaka ochalo, kendo mana ka luwore gi timbene.

Jeremia 32:19

In ichano gik malich miwuoro, kendo itimo gik madongo. Bende ineno gik moko duto ma ji timo, kendo itimonigi mana moromo gi timbegi.

Ezekiel 18:20

To mana ng’at motimo richo ema notho. Wuowi ok nyal yudo kum nikech richo mag wuon mare, to wuoro bende ok nyal yudo kum nikech richo mag wuode. Ng’at makare noyud pokne kuom timne makare, to ng’at ma timne mono noyud kum kuom timne mamono.’

Ezekiel 18:30

“Emomiyo an Ruoth Nyasaye anyisou un jo-Israel ni abiro kumo ng’ato ka ng’ato kuomu mana maromre gi timbene. Kuom mano, weuru timbeu mamono duto mondo kik uwe richo tieku.

Ezekiel 36:19

Bende ne ang’adonigi bura kuom yoregi gi timbegi makuero, mi akeyogi e pinje mamoko, mi gidak e kind ogendini mopogore opogore.

Mathayo 16:27

Wuod Dhano nobi gi malaikane e duong’ maler mar Wuon mare, eka nomi ng’ato ka ng’ato pok moromo gi timne.

Jo-Rumi 14:22

Paro ma in-go korka gik miyiego to bedgo mana e chunyi gi Nyasaye kende. Ng’at maonge gi kiawa moro e chunye, kotimo gima ong’eyo ni kare en jahawi!

1 Jo-Korintho 3:8

Onge pogruok manie e kind jal ma pidho gi jal maolo pi, to Nyasaye nomi ng’ato ka ng’ato pok mana kaka tichne owuon obet.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

2 Jo-Korintho 11:15

Omiyo ok en wach mabwogo ji ka jotichne bende oriasore ni jotich tim makare. To e giko giniyud gima owinjore gi timgi!

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

2 Timotheo 4:14

Aleksander ma jatheth mula notimona marach ahinya, Ruoth chieng’ nochule kuom gik mane otimona.

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.

Fweny 20:12

Bende ne aneno joma otho, madongo gi matindo, kochung’ e nyim kom duong’, kendo noel kitepe. Eka kitabu machielo, ma en kitap ngima bende noel. Joma otho nong’adnigi bura kuom gik mane gitimo, kaluwore gi weche mane ondik e kitepego.

Fweny 22:12

Yesu wacho niya, “Winji! Abiro piyo, kendo akelo pok ma an-go mondo ami ng’ato ka ng’ato moromo gi tichne.