Jo-Rumi 2:4 - MUMA MALER 2015

⁴ Koso itimo kamano nikech ichayo Nyasaye nimar ong’won ahinya kendo ohore mos, mak okumi piyo? Donge ing’eyo ni Nyasaye ng’won kamano mana nikech odwaro ni mondo ilokri?

Motingʼo Loko Manyien

⁴ Koso ichayo ngʼwonone mogundho, ber mare kod horuokne? Donge ingʼeyo ni Nyasaye ngʼwononi mondo omiyi thuolo mar lokruok mondo iwe richo?

Jo-Rumi 2:4 ပူးပေါင်းရင်းမြစ်များ

Zaburi 10:11

Jaricho wacho e chunye niya, “Nyasaye ok dew. Bende osemiyo wengene, kendo ok obi nena.”

Zaburi 104:24

A Ruoth Nyasaye, isechueyo gik mang’eny ahinya! Mano kaka ne ilosogi gi rieko matut! Piny opong’ gi gik misechueyo.

Zaburi 31:19

Mano kaka gik mikano ni joma oluori beyo! Rit miritogo joma ogeno kuomi bende lich miwuoro.

Zaburi 78:38

En to nokechogi, mong’wononigi kuom richogi, mi ok otiekogi. Kinde mathoth ne omwonyo mirimbe, nikech ne ok odwar kecho kodgi.

Zaburi 86:15

Ruoth, in e Nyasaye ma jang’wono kendo makecho ji. Iyi ok wang’ piyo, kendo inyiso adierani kod herani mosiko.

Zaburi 86:5

A Ruoth Nyasaye, iber kendo ing’wono ni ji, bende inyiso herani mogundho ni ji duto maywakni.

Wuok 34:6

Nokadho e nyim Musa, kowacho gi dwol maduong’ niya, “An JEHOVA. An Ruoth Nyasaye, an Nyasaye ma jang’wono kendo makecho ji. Iya ok wang’ piyo, kendo anyiso hera mosiko kod adiera.

Eklesiastes 8:11

Ji ketho aketha ma ok odewo, mana nikech gineno ni kata ka ng’ato oketho, to ok yud kum piyo kaka owinjore.

Isaya 30:18

To kata kamano, Ruoth Nyasaye pod dwaro ng’wononu, kendo ogombo ahinya mondo okechu, nimar en Nyasaye ma jaadiera. Mano kaka jogo duto mogeno kuome gin johawi!

Jeremia 7:10

To kusetimo gik ma kamago to eka ubiro e nyima e Hekalu ma nyinga nitieni, kendo uwacho niya, ‘Wasekwo.’ To uparo ni unyalo kwo adier, ka utimo timbe makuero kamano?

Ezekiel 11:19

Anagol kuomgi chuny matek ka lwanda ma gin-go, mi amigi chuny manyien mar luora. Adier, anamigi chuny malong’o.

Ezekiel 16:63

Chieng’ ma anapuodh gik maricho duto ma isetimo, eka inipargi, mi wiyi kuodi, ma kata mana loso ok nilosi. An Ruoth Nyasaye ema awacho kamano.”

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Jona 4:2

Omiyo nowacho ni Ruoth Nyasaye niya, “A Ruoth Nyasaye, kane pod an thurwa, donge nawacho ni ibiro timo gima kama? Mano emomiyo ne atemo ringo mondo adhi Tarshish, nikech nang’eyo ni in Nyasaye ma jang’wono, kendo makecho ji. Iyi ok wang’ piyo, kendo inyiso hera mosiko, bende chunyi lor a kuom kelo ni ji masira.

Kwan 14:18

‘Ruoth Nyasaye ok kech piyo, kendo onyiso herane mosiko, koweyo ni ji kethogi gi richogi, to kata kamano ok okwan jaketho ka ng’ama ler, to okumo nyithindo nyaka tieng’ mar adek kod mar ang’wen nikech richo kweregi.’

Jo-Rumi 10:12

Mano oriwo ji duto nikech onge pogruok e kind jo-Yahudi gi joma ok jo-Yahudi, to giduto gin gi Ruoth achiel man gi mwandu mang’eny mopogo ni ji duto malame.

Jo-Rumi 11:22

Neuru ni Nyasaye ng’won kendo ger. Oger ni joma oselal, to ong’won ni un, to mana kusiko kuyie ng’wonone. Ka ok utimo kamano to un bende ibiro ng’adou oko.

Jo-Rumi 11:33

Mano kaka mwandu mag Nyasaye dongo! Riekone kod ng’eyone tut manadi! Ere ng’ama nyalo ng’eyo tiend gik moparo? Koso ere ng’ama nyalo ng’eyo yorene?

Jo-Rumi 3:25

Nyasaye nochiwo Yesu mondo thone obed misango migologo richo mag joma oyie. Notimo kamano mondo onyisgo ni timne kare, kata obedo ni ne osebedo ka ok odew richo mane joma chon otimo kamano.

Jo-Rumi 6:1

To koro ere gima dwawachi? Dwawachi ni ber kwasiko watimo richo mondo ng’wono mar Nyasaye omedre koso?

Jo-Rumi 6:15

To koro nadi? Dwatim atima richo nikech koro ok wan e bwo Chik to wan e bwo ng’wono koso? Ngang! Ok kamano!

2 Jo-Korintho 8:2

Ne gineno masiche malich kitemogigo, to kata kamano ne gin gi mor mogundho, omiyo kata ne gidhier ahinya, to ne gigolo chiwo maonge migundia.

Jo-Efeso 1:18

Akwayo ni chunyu oyawre mondo ung’e gima ugeno moseluongoue kendo ung’e kaka guethne mosesingore ni nomi joge ogundho,

Jo-Efeso 1:7

Nyasaye oseweyonwa richowa, kendo osewarowa nikech tho mar Kristo. Mano kaka mich

Jo-Efeso 2:4

To Nyasaye noherowa ahinya, omiyo nonyisowa kaka ng’wonone ogundho,

Jo-Efeso 2:7

Notimo kamano mondo onyisgo tienge duto mabiro mwandu mogundho mar ng’wonone mane omiyowa kuom hera maduong’ mane oherowago kuom Kristo Yesu.

Jo-Efeso 3:16

Akwayo Nyasaye kuom duong’ne mang’ongo mondo omiu teko e chunyu maiye kuom Roho mare,

Jo-Efeso 3:8

An e ng’ama tinie ahinya moloyo jo-Nyasaye duto, to Nyasaye notimona ng’wono, momiya tich mar lando ni joma ok jo-Yahudi Wach Maber mar mwandu mogundho mar Kristo.

Jo-Filipi 4:19

Nyasacha nomiu gik moko duto muchando, kogolo kuom mwandune man gi duong’, kuom Kristo Yesu.

Jo-Kolosai 1:27

Nyasaye nochano mondo joge ong’e kaka wach mane osepandino nigi duong’ miwuoro kuom joma ok jo-Yahudi. To wachno en ni Kristo odak e iu, kendo miyo ugeno kuom duong’ mabiro.

Jo-Kolosai 2:2

Atimo kamano mondo gibed gi chuny motegno ka giriwore kuom hera mondo giyud mwandu mar chuny ma ng’ato yudo ka en gi ng’eyo maradier. Kamano gining’e wach mopondo mar Nyasaye, ma en Kristo owuon.

1 Timotheo 1:16

to Yesu Kristo ne okecha mana ni mondo kuoma ema okwong onyisie ji kaka ojahore mos ahinya. Nodwaro bende mondo obed ranyisi ni joma biro yie kuome mondo oyud ngima mochwere.

1 Timotheo 6:17

Nyis joma nigi mwandu mag pinyni mondo kik gibed jong’anyi, kendo kik giket chunygi kuom mwandu manono, to gigen mana Nyasaye ma miyowa gik moko mogundho mondo wabedgo mamor.

1 Petro 3:20

Mago e chuny mag joma nodagi winjo wach Nyasaye, kane pod Nyasaye rito mos e kinde mane Nowa hondhoe yie. Yieno noreso ji manok (ma kwangi oromo aboro) e pi.

2 Petro 1:11

Kamano nomiu thuolo maduong’ mar donjo e piny mochwere mar Ruodhwa kendo Jawarwa Yesu Kristo.

2 Petro 3:15

Parieuru kaka Ruodhwa hore mos, komiyou thuolo mondo uyud warruok. Mano e gima owadwa Paulo mwahero nondikonu gi rieko mane Nyasaye omiye.

2 Petro 3:3

Mokwongo nyaka ung’eni e ndalo giko, jomoko nowuog ma luwo mana gombogi giwegi. Ginicharu,

2 Petro 3:9

To kik upar ni Ruoth odeko kuom timo gima osesingore ni obiro timo kaka jomoko paro. Ooyo, ohorenu mos kapod orito, nikech ok odwar ni mondo ng’ato olal, to odwaro ni mondo ji duto olokre owe richogi.

Fweny 2:21

Ne amiye kinde mondo olok chunye, to otamore weyo terruokne.

Fweny 3:20

Winji! Achung’ e dhoot kendo adwong’o. Ka ng’ato owinjo dwonda, mi oyawo dhoot, to anadonj ire, kendo anachiem kode, to en bende nochiem koda.