Jo-Rumi 2:26 - MUMA MALER 2015

²⁶ Kamano bende, ka ng’at ma ok ja-Yahudi, kendo ma ok oter nyangu, omako Chik, to Nyasaye nokwane ka ka ng’at moter nyangu.

Motingʼo Loko Manyien

²⁶ Omiyo ka joma ok oter nyangu timo gik ma Chik dwaro, to donge inyalo kwan-gi kaka joma oter nyangu?

Jo-Rumi 2:26 ပူးပေါင်းရင်းမြစ်များ

Mathayo 15:28

Mano omiyo Yesu nodwoke niya, “In dhako man gi yie maduong’! Gima idwaro mondo otimreni.” Kamano nyare nochango gie sano.

Jo-Rumi 2:25

Ka imako Chik, to ter moterigo nyangu nigi tiende, to ka ok imako Chik, to ichal gi ng’at ma ok oter nyangu, kata bed ni oteri nyangu kamano.

Jo-Rumi 2:27

To in ja-Yahudi moter nyangu kendo man gi Chik mondiki kamano, to pod ikethe aketha, to gin, kata obedo ni ok otergi nyangu, to girito Chik?

Jo-Rumi 3:30

Nikech Nyasaye en achiel. Obiro miyo jo-Yahudi bet e winjruok kode mana nikech yiegi. Kamano bende e kaka nomi joma ok jo-Yahudi bedi e winjruok kode mana nikech yiegi.

Jo-Rumi 8:4

mondo tim makare ma Chik dwaro ochop kare kuomwa, wan ma koro wawuotho kaka Roho dwaro, to ok kaka ngima mar dhano dwaro.

Jo-Galatia 6:15

Kata ka oter ng’ato nyangu, kata ka ok oter, to mano ok gimoro, to gima dwarore en mana ni mondo ng’ato ochue chwech manyien.

Jo-Efeso 2:11

Paruru ni ne un joma ok jo-Yahudi kuom anywola. Chutho, jogo mong’ere kaka joma oter nyangu nikech gima otim gi lwedo e ringregi, ne luongou ni joma ok oter nyangu.

Jo-Filipi 3:3

To wan ma Roho Maler ema otelonwa kuom lamo Nyasaye, wan e joma oter nyangu adier, kendo sungawa ni kuom Kristo Yesu. To ok waketo genowa kuom tim ringruok.

Jo-Kolosai 2:11

Kane uyie kuom Kristo to noteru nyangu, to ok nyangu mar ringruok, to nyangu mar Kristo, ma en lonyo kit dhano machon matimo richo,

Joshua 5:5

To kata obedo ni joma chwo duto ma noa Misri noseter nyangu, ji duto ma nonywol e kinde mane ging’ado thim ne pok oter nyangu.