Jo-Rumi 2:22 - MUMA MALER 2015

²² Iwacho ni kik ng’ato terre, to in donge iterori? In isin gi nyiseche manono, to donge ikuelo e hekalu mag nyiseche manono?

Motingʼo Loko Manyien

²² In miwacho ni ji kik terre, dibed ni to iterori? In ma ichayo nyiseche manono, dibed ni in to ikwelo ei hekalu mag nyiseche manonogo?

Jo-Rumi 2:22 ပူးပေါင်းရင်းမြစ်များ

Zaburi 50:17

to isedagi ni ok rieyi, kendo ok idwar chikena?

Jeremia 5:7

Ruoth Nyasaye nowacho niya, “Ere gima dimi awe ni joga richogi? Yawuotgi oseweya, mokuong’ore gi nying nyiseche manono. Ne amiyo joga gik moko duto mane gidwaro, to pod ne giterore atera ka giketho sechegi gi mon ma jochode.

Jeremia 9:2

Mad abed ki kiru mar bworo e thim, kuma anyalo betie mabor gi joga, nimar giduto gin joma terore, kendo oganda ma andhoga.

Ezekiel 22:11

Giterore gi mond ji koda ka mond yawuotgi gi nyiminegi hie.

Malaki 1:14

Okuong’ ng’at ma jawuond ma timona misango gi chiayo modwanyore kamano mondo ochopgo kuong’ruokne, to oweyo chiache maber e kul. An e ruodh ruodhi, kendo ogendini duto oluora!”

Malaki 1:8

Uparo ni en gima kare ka ukelo chiayo ma muofu kata mong’ol kata matuo mondo utimnago misango? To ka da bed ni uchiwo chiayo ma kamano ni ruodhu, bende da obedo mamor kodu, koso da orwakou?

Malaki 3:8

Dhano bende nyalo mayo Nyasaye gire koso?’ To adwokou niya, ‘Umaya adier!’ To ka upenja niya, ere kaka umaya? To adwokou niya, ‘Usemaya kuom dagi miya chiwo mar achiel kuom apar kod mag misengni kaka chik dwaro.’

Mathayo 12:39

Yesu nodwokogi ni, “Tieng’ marach kendo maweyo Nyasayeni kwayo mondo otimnigi ranyisi, to onge ranyisi ma notimnigi mak mana ranyisi mar janabi Jona.

Mathayo 16:4

Tieng’ marach kendo moweyo Nyasayeni kwayo mondo otimnigi ranyisi, to onge ranyisi ma notimnigi, mak mana ranyisi mar Jona.” Eka noweyogi, modhi.

Mariko 11:17

Bang’ mano nopuonjo ji, kowacho niya, “Donge ondiki e Muma ni, ‘Oda noluong ni od lemo mar Ogendini duto’? Un useloke od jomecho!”

Tich Joote 19:37

Usekelo jogi kaeri, to ok gisekwalo hekalu, bende ok giseyanyo nyasachwa.

Jo-Rumi 12:9

Herau mondo obed maonge miganga. Beduru mosin gi gik maricho, to sikuru kuom gik mabeyo.

Jakobo 4:4

Un joma ok rit singruok mana ka mon moweyo chwogi! Donge ung’eyo ni ka uhero piny, to un wasik Nyasaye?