Jo-Rumi 2:21 - MUMA MALER 2015

²¹ To ka ipuonjo jomoko kamano, to in dak ipuonjri iwuon? Ipuonjo ni, “Kik ikwal,” to in donge ikuelo?

Motingʼo Loko Manyien

²¹ In mipuonjo ji mamoko, dak ipuonjri iwuon? In miyalo ni kuo rach, dibed in to ikwala?

Jo-Rumi 2:21 ပူးပေါင်းရင်းမြစ်များ

Isaya 42:20

Useneno gik mathoth, to ok udewgi. Un gi it, to onge gima uwinjo.

Isaya 56:11

Adier, gichalo guogi mowuor ma ok yieng’! Gin jokwath ma ok ong’eyo gimoro. Moro ka moro dhi e yore owuon, kadwaro ohande kamoro amora monyalo yudee.

Ezekiel 22:27

Ruodhi chalo gi otoche ma kidho le ma gimako. Gichuero remo mondo giyud mwandu.

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Mathayo 21:13

Eka nowachonigi niya, “Ondiki e Muma ni, ‘Oda noluong ni od lemo.’ Un to uloke od jomecho!”

Luka 11:46

Yesu nodwoke ni, “Mano kaka un bende unune malit, un jopuonj Chik, nikech ugango ni ji misike mapek mohewogi ting’o, to un uwegi ok umulgi kata mana gi lith lwetu.

Luka 12:47

“Jatich mong’eyo gima ruodhe dwaro ni mondo otim, to ok tem timo kamano nochwad malit,

Luka 19:22

To ruodhe nowachone niya, ‘In jatich marach! Abiro ng’adoni bura gi weche ma isewacho gi dhogi iwuon. Kara, in ne ing’eyo ni an ng’at makoch, kendo ni akawo gima ne ok akano, bende ni akayo gima ne ok achwoyo!

Luka 4:23

Nowachonigi niya, “Ang’eyo ni ubiro goyona ngero ni, ‘In jathieth, thiedhri ane iwuon.’ To bende ubiro wachona ni, ‘Wasewinjo gik mane itimo Kapernaum, to koro timgi ane e pinyu ka!’ ”

1 Jo-Korintho 9:27

Adier, asando ringra kendo amiyo owinjo wachna, mondo kik bed ni an ma asepuonjo jomoko, yud ka an awuon arem.

Jo-Galatia 6:13

To kata mana jogo moramo ni nyaka ter ji nyangu ok mak Chik, to gidwaro ni mondo oteru nyangu mana ni mondo gipakre kuom gima otim e ringreu.