Jo-Rumi 2:18 - MUMA MALER 2015

¹⁸ Iwacho ni osepuonji Chik, omiyo ing’eyo gima Nyasaye dwaro mondo itim, kendo inyalo pogo gik makare gi gik maricho.

Motingʼo Loko Manyien

¹⁸ Iwacho ni ingʼeyo gima Nyasaye dwaro, kendo inyalo pogo gima ber moloyo nikech isepuonjori chik.

Jo-Rumi 2:18 ပူးပေါင်းရင်းမြစ်များ

Zaburi 119:130

Tiend wachni koel, to kelo ler, kendo omiyo weche donjo kata ni ng’ama riekone tin.

Zaburi 19:8

Chike mag Ruoth Nyasaye ni kare kendo miyo chuny mor. Adier, chike Nyasaye beyo kendo yawo wang’.

Ngeche 6:23

Chike ma kamago gin ler marieny, kendo kwer ma ikwerogo ng’ato kuom gima otimo marach kelo ngima.

Luka 1:4

mondo ing’e ni weche mosepuonji gin adier chutho.

Luka 12:47

“Jatich mong’eyo gima ruodhe dwaro ni mondo otim, to ok tem timo kamano nochwad malit,

Johana 13:17

Ka ung’eyo wachno, to un johawi kutiyo kode.

Jo-Rumi 15:4

Adier, weche mane ondiki chon e Muma nondiki mondo opuonjwa, kendo mondo Muma omiwa kinda kendo ohowa, mi wabed gi geno.

Jo-Rumi 2:19

Bende iwacho ni ing’eyo chutho ni in jatend muofni, kendo ni in e ler ni joma ni e mudho,

Rapar mar Chik 4:8

Onge oganda moro kata bed ni oduong’ manade, man gi chike kod buche makare machal gi Chik ma aseketo e nyimu tinendeni.

Jo-Filipi 1:10

mondo ubed gi rieko mar yiero mana gima kare kende. Kamano unubed maler kendo maonge bura chieng ma Kristo obiroe,

1 Jo-Thesalonika 5:21

Temuru gik ma kamago duto, kendo rituru mabeyo kuomgi,

Jo-Hibrania 5:14

Joma dongo to chamo chiemo motegno, nikech gisepuonjore, mi ging’eyo pogo gik mabeyo gi gik maricho.

Jakobo 4:17

Ka ng’ato ong’eyo gima ber monego otim to ok otim, to odoko jaricho.