Jo-Rumi 2:16 - MUMA MALER 2015

¹⁶ Kamano e kaka notimre chieng’ ma Nyasaye nomi Yesu Kristo yalie weche mopondo duto manie chuny dhano. Mano e kaka Wach Maber ma alando nyiso.

Motingʼo Loko Manyien

¹⁶ Mano notimre e odiechiengʼ ma Nyasaye nomi Yesu Kristo teko mar ngʼado bura kuom gik mopondo manie chuny dhano kaka Injili ma ayalo wacho.

Jo-Rumi 2:16 ပူးပေါင်းရင်းမြစ်များ

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

Zaburi 50:6

Polo hulo ni Nyasaye en jaadiera, kendo ni en owuon e jang’ad bura.

Zaburi 96:13

nikech obiro mondo orit piny. Adier, obiro rito ji duto mae piny gi bura makare kod adiera.

Zaburi 98:9

nimar obiro mondo orit piny. Adier, obiro rito ogendini duto mae piny gi bura makare kod adiera.

Eklesiastes 11:9

Un joma tindo, beduru mamor e ndalo ma pod utindo. Timuru gik moko duto mudwaro, kendo yuduru gik moko duto ma chunyu gombo. To kata kamano, nyaka ung’e ni Nyasaye noyalu kuom gik moko duto mutimo.

Eklesiastes 12:14

Nyasaye biro yalowa kuom gik moko duto ma watimo, kata mana gik motim ling’ling’, bed ni gibeyo kata giricho.

Eklesiastes 3:17

Ne awacho e chunya niya, “Nyasaye biro yalo joma kare gi joma richo machalre, nikech kata mana e piny mabiro, gik moko duto te notimre mana e kinde moketnigi.”

Mathayo 16:27

Wuod Dhano nobi gi malaikane e duong’ maler mar Wuon mare, eka nomi ng’ato ka ng’ato pok moromo gi timne.

Luka 8:17

Onge gima opandi ma ok nong’ere kendo onge gimoro moum, ma ok nofwenyre ratiro.

Johana 12:48

To ng’at modaga, kendo ma ok oyie wechena, nigi jang’adne bura. Wach ma asewacho ema nong’adne bura chieng’ giko piny,

Tich Joote 10:42

Ne omiyowa chik mondo waland ni ji Wachne, kwahulo ni en ema Nyasaye oseyiere jang’ad bura mar joma ngima gi joma otho.

Tich Joote 17:31

nimar oseketo chieng’ ma obiro miyo ng’at moseyiero ng’adoe bura gi adiera. Bende osenyiso ji duto malong’o ni obiro timo kamano, kuom chiero ng’atno a kuom joma otho.”

Jo-Rumi 16:25

Opak Nyasaye manyalo miyo ubed gi yie motegno, kaluwore gi Wach Maber mar Yesu Kristo ma alando. Wach Maber en wach mane opondo nyaka nene.

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.

Jo-Rumi 3:6

To mano ok nyal bet kamano, nimar ka Nyasaye ok ni kare, to ere kaka dong’ad ni piny bura?

1 Jo-Korintho 15:1

To koro owetena, adwaro paronu Wach Maber mane apuonjou, mondo anyisu tiende. Ne urwake, kendo yie maru ochung’ kuome motegno,

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

Jo-Galatia 1:11

Owetena, adwaro ni mondo ung’e ni Wach Maber ma alando ok owuok kuom dhano.

1 Timotheo 1:11

Puonjno owinjore kod Wach Maber mawuoyo kuom duong’ maler mar Nyasaye mipako. Wach maberno ema ne Nyasaye omiya mondo alandi.

2 Timotheo 2:8

Par ni Wach Maber ma alando en wach Yesu Kristo, ma nyakwar Daudi, mane ochier oa kuom joma otho.

2 Timotheo 4:1

E nyim Nyasaye kendo e nyim Kristo Yesu, mabiro ng’ado bura ni joma ngima gi joma otho, aparo ni Kristo biro duogo mondo olochi. Omiyo amiyi chik ni,

2 Timotheo 4:8

Koro gima okanna en mana osimbo mimiyo joma kare, ma Ruoth ma jang’ad bura makare biro miya chieng’ birone. To ok an kenda ema nomiya osimbo, to nomi koda ka ji duto morito birone gi chunygi duto.

Jo-Hibrania 9:27

Ng’ato ka ng’ato nyaka tho mana dichiel kende, to bang’ mano Nyasaye yale.

1 Petro 4:5

To chieng’ moro ginidwok wach e nyim Jal moikore ng’ado bura ni joma ngima gi joma otho.

2 Petro 2:9

Kamano waneno ni Ruoth ong’eyo reso joma oluore kuom tem mochomogi, kendo ong’eyo keto joricho e kum nyaka chop Chieng’ Bura,