Jo-Rumi 2:14 - MUMA MALER 2015

¹⁴ Ka joma ok jo-Yahudi, ma gin joma onge Chik, timo mana gima Chik dwaro, to mano nyiso ni Chik tiyo e chunygi, kata obedo ni gikia Chik kamano.

Motingʼo Loko Manyien

¹⁴ (Chutho ka joma ok jo-Yahudi maonge gi Chik, timo gik ma Chik dwaro, kata obedo ni gikia Chik, to gidoko chik ne gin giwegi kata obedo ni gionge gi chik kamano

Jo-Rumi 2:14 ပူးပေါင်းရင်းမြစ်များ

Tich Joote 10:35

Oyie gi ng’ato ang’ata moluore, kendo matimo gik makare, bed ni oa e oganda mane!

Tich Joote 14:16

E kinde machon, Nyasaye noyie ni ogendini duto mondo oluw yoregi giwegi.

Tich Joote 17:30

Nyasaye ne ok odewo richo mane ji osebedo ka timo e ndalo mane ok ging’eyo dwarone. To koro osegolo chik ni ji duto kuonde duto, mondo olokre owe richogi,

Jo-Rumi 1:32

Ging’eyo malong’o ni Chik Nyasaye wacho ni joma timo gik makamago owinjore gi tho, to kata kamano pod gisiko gitimogi atima, to bende gipako joma timo gik ma kamago.

Jo-Rumi 2:12

Joma timo richo, to ok ong’eyo Chik Musa, nolal nono, kata obedo ni gikia Chik kamano. Joma timo richo, to ong’eyo Chik, nong’adnigi bura kaluwore gi Chik.

Jo-Rumi 2:15

Mano nyiso ni gima Chik dwaro ondiki e chunygi. Parogi bende nyiso ni mano en adier, nikech seche moko parogi nyisogi ni giseketho, to seche moko parogi onyisogi ni gionge bura.

Jo-Rumi 2:27

To in ja-Yahudi moter nyangu kendo man gi Chik mondiki kamano, to pod ikethe aketha, to gin, kata obedo ni ok otergi nyangu, to girito Chik?

1 Jo-Korintho 11:14

Donge en gima ong’ere e piny ngima ni ka dichwo nigi yie wich maboyo, to mano kelone wichkuot?

1 Jo-Korintho 9:21

Kamano bende ka an e kind joma ok jo-Yahudi, to atimora ka ng’ama ok ja-Yahudi ma Chik jo-Yahudi ok omako, mondo alok joma ok jo-Yahudi. To mano ok onyiso ni ok arito chik Nyasaye, nikech chutho an e bwo chik Kristo.

Jo-Efeso 2:12

Bende paruru ni e kindego ne uonge gi Mesia. Ne ok un e kanyakla mar oganda jo-Israel. Kamano ne ok un kuom joma Nyasaye otimogo winjruok, kosingore ni obiro guedhogi, kendo ne udak e pinyni ka uonge gi geno, kendo ka uonge gi Nyasaye.

Jo-Efeso 2:3

Chutho waduto ne wachal kodgi, kane watimo gik ma ngima mar dhano gombo, kendo watimo gimoro amora ma ringrewa gi parowa dwaro. Kamano wan bende ne onego Nyasaye kumwa gi mirimbe nikech timbewa, mana kaka obiro kumo jomoko.

Rapar mar Chik 4:7

Giniwach kamano nimar onge oganda moro, kata bed ni oduong’ manade, ma nyasache nyalo sudo machiegni kode kaka Ruoth Nyasaye sudo machiegni kodwa e sa asaya ma walame.

Jo-Filipi 4:8

To wach mogik, owetena, paruru weche duto mabeyo kendo mowinjore yud pak, kaka: weche madiera, weche makelo pak, weche makare, weche maler, weche malong’o, kod weche mang’won.