Jo-Rumi 2:13 - MUMA MALER 2015

¹³ Ng’ato nyalo winjo Chik, to ka ok omako, to ok onyal bet e winjruok gi Nyasaye.

Motingʼo Loko Manyien

¹³ Ok mana joma ongʼeyo Chik ema nikare e nyim Nyasaye, to makmana jogo matimo gima chik dwaro ema ibiro keto kare.

Jo-Rumi 2:13 ပူးပေါင်းရင်းမြစ်များ

Zaburi 143:2

Kik iyala, an jatichni, nimar onge ng’ama kare e nyimi.

Jeremia 11:6

Eka Ruoth Nyasaye nowacho ni Jeremia ni, “Dhiyo iland wechegi e miech Juda kendo e yore mag Jerusalem, kinyiso ji mondo owinj kendo orit weche mag singruokna.

Ezekiel 20:11

Eka ne amiyogi chikena, kendo apuonjogi buchena, ma ka ng’ato orito, to yudo ngima.

Luka 18:14

Eka Yesu, notieko kawacho niya, “Akonu ni ng’atni nodok dala ka ni kare e nyim Nyasaye moloyo ng’at machielo cha, nimar ng’at ma ting’ore malo nodwok piny, to ng’at ma dwokore piny noting’ malo.”

Luka 8:21

To Yesu nodwokogi ni, “Joma winjo wach Nyasaye kendo rito e mama kendo e owetena.”

Johana 13:17

Ka ung’eyo wachno, to un johawi kutiyo kode.

Tich Joote 13:39

Bende nyaka ung’e ni ng’ato ka ng’ato moyie kuome, to owene richone duto mane Chik Musa otueyo.

Jo-Rumi 10:5

Gima ne Musa ondiko kuom wach bedo e winjruok gi Nyasaye kuom mako Chik wacho kama: “Ng’at ma omako Chik, Chik nomi obed mangima.”

Jo-Rumi 2:25

Ka imako Chik, to ter moterigo nyangu nigi tiende, to ka ok imako Chik, to ichal gi ng’at ma ok oter nyangu, kata bed ni oteri nyangu kamano.

Jo-Rumi 3:20

Onge ng’ama nyalo bet e winjruok gi Nyasaye nikech osemako Chik, nimar tich Chik en mana miyo dhano ng’eyo ni oseketho.

Jo-Rumi 3:23

Ji duto oseketho, kendo girem kuom duong’ mar Nyasaye.

Jo-Rumi 3:30

Nikech Nyasaye en achiel. Obiro miyo jo-Yahudi bet e winjruok kode mana nikech yiegi. Kamano bende e kaka nomi joma ok jo-Yahudi bedi e winjruok kode mana nikech yiegi.

1 Jo-Korintho 4:4

Chutho ok ane gimoro maketho, to mano ok onyiso ni aonge gi ketho. To ng’at ma yala en Ruoth.

Jo-Galatia 2:16

To kata kamano, wang’eyo ni mako Chik Musa ok nyal miyo ng’ato bed e winjruok gi Nyasaye, to mana yie kuom Yesu Kristo ema miyo ng’ato bedo e winjruok gi Nyasaye. Wan bende waseyie kuom Kristo Yesu, mondo wabed e winjruok gi Nyasaye kuom yie, to ok kuom mako Chik, nimar Muma wacho ni, “Onge ng’ama nyalo bet e winjruok gi Nyasaye kuom mako Chik.”

Jo-Galatia 5:4

Ka udwaro mondo ubed e winjruok gi Nyasaye kuom mako Chik, to usepogoru gi Kristo, kendo usea kuom ng’wono mar Nyasaye.

Rapar mar Chik 4:1

Musa nomedo wacho niya, “To koro, un jo-Israel, winjuru chike gi buche ma apuonjou, kendo umak, eka unubed mangima kendo unudonj e piny ma Ruoth Nyasaye ma Nyasach kwereu nomiu, mudagie.

Rapar mar Chik 5:1

Musa noluongo jo-Israel duto mowachonigi niya, “Un jo-Israel winjuru chike kod buche ma awacho kuwinjo kawuononi. Puonjreuru, kendo uritgi maber.

Rapar mar Chik 6:3

Omiyo un jo-Israel winjuru kendo rituru chikego mondo udag maber kendo unya e piny maber kendo momewno, mana kaka Ruoth Nyasaye ma Nyasach kwereu nosingorenu.

Jakobo 1:27

Lemo mar adier kendo maler e nyim Nyasaye Wuoro, en limo nyithi kiye gi mond liete e chandruokgi, kendo bende gi ritruok kuom richo mag piny.

1 Johana 2:29

Ka ung’eyo ni en ng’at makare, to nyaka ung’e bende ni ng’ato ka ng’ato matimo gik makare en nyathi Nyasaye.

1 Johana 3:7

Nyithinda, kik ng’ato wuondu, mi ulal. Ng’at matimo gik makare e ng’ama kare, mana kaka Kristo bende ng’ama kare.