Jo-Rumi 2:12 - MUMA MALER 2015

¹² Joma timo richo, to ok ong’eyo Chik Musa, nolal nono, kata obedo ni gikia Chik kamano. Joma timo richo, to ong’eyo Chik, nong’adnigi bura kaluwore gi Chik.

Motingʼo Loko Manyien

¹² Ji duto matimo richo, ka ok ongʼeyo chik nolal nono kata obedo ni gikia chik kamano, to ji duto matimo richo ka gin e bwo Chik nongʼadnigi bura gi Chikno.

Jo-Rumi 2:12 ပူးပေါင်းရင်းမြစ်များ

Mathayo 11:22

Awachonu ni, Chieng’ Bura to Nyasaye nokumu malit moloyo kaka nokum Turo gi Sidon.

Mathayo 11:24

Awacho ni, Chieng’ Bura to Nyasaye nokumi malit moloyo kaka nokum Sodom!”

Johana 19:11

To Yesu nodwoke niya, “Ok dibedo gi teko kuoma kata matin, ka da ok tekono obironi koa malo. Kuom mano, ng’at mane oketa e lueti nigi richo moloyo.”

Tich Joote 2:23

Nyasaye nong’eyo chon ni ibiro chiwo Yesu e luetu, kendo kane oseng’ado wach ni obiro timo kamano, un to ema numiyo joma ok jo-Yahudi ogure e msalaba, mi onege.

Jo-Rumi 1:32

Ging’eyo malong’o ni Chik Nyasaye wacho ni joma timo gik makamago owinjore gi tho, to kata kamano pod gisiko gitimogi atima, to bende gipako joma timo gik ma kamago.

Jo-Rumi 4:15

Chik kelo mirimb Nyasaye, to kama chik ongee, ketho chik bende ongee.

Jo-Rumi 8:3

Gima Chik Musa ne ok nyal timo nikech nyawo mar dhano e gima Nyasaye notimo kane ooro Wuode e kido mar ringruok machal mana gi ringrewa matimo richo, mondo obed misango magolo richo. Kamano, kane en e ringruokno, nomiyo bura oloyo richo,

1 Jo-Korintho 9:21

Kamano bende ka an e kind joma ok jo-Yahudi, to atimora ka ng’ama ok ja-Yahudi ma Chik jo-Yahudi ok omako, mondo alok joma ok jo-Yahudi. To mano ok onyiso ni ok arito chik Nyasaye, nikech chutho an e bwo chik Kristo.

Jo-Galatia 3:10

To jogo moyiengore kuom rito Chik kaka gima miyo gibedo e winjruok gi Nyasaye nie bwo kuong’, nikech Muma wacho niya, “Okuong’ ng’ato ang’ata ma ok osiko omako weche duto mondiki e kitap Chik!”

Jo-Galatia 3:22

To Muma osewacho ni piny duto nie bwo loch mar richo, mondo singruok motenore kuom yie kuom Kristo omi mana joma oyie.

Rapar mar Chik 27:26

“ ‘Okuong’ ng’at ma ok orito kata ma ok ochopo weche duto mag chikni. Bang kuong’ ka kuong’ to ji duto nyaka duok ni, ‘Obed kamano.’

Jakobo 2:10

Kata ka ng’ato omako Chike duto, to oketho achiel kende, to bura oloye kuom chikego duto,