Jo-Rumi 2:10 - MUMA MALER 2015

¹⁰ To ng’ato ka ng’ato matimo maber noyud duong’ gi pak kod kue. Jo-Yahudi ema nokwong yudogi, eka joma ok jo-Yahudi bende.

Motingʼo Loko Manyien

¹⁰ to ngʼato ka ngʼato matimo maber noyud duongʼ gi pak kod kwe, mokwongo ni jo-Yahudi, eka bangʼe ni joma ok jo-Yahudi bende;

Jo-Rumi 2:10 ပူးပေါင်းရင်းမြစ်များ

Ayub 22:21

Koro in Ayub, winjri gi Nyasaye, mondo iwe kwane ka jasigu.

Zaburi 15:2

Nyaka obed ng’ama oluoro Nyasaye e yore duto, kendo ma pile timo gik makare, bende ma wechene gin adier, kendo ma onge miganga.

Zaburi 29:11

Omiyo joge teko, kendo oguedhogi gi kue.

Zaburi 37:37

To koro, kinono ng’at maber kata ng’ama kare, to ibiro nwang’o ni ng’at man gi kue nigi nyikwaye.

Ngeche 11:18

Ohala ma jaricho yudo ok konye, to ng’at makare yudoo pok man gi ohala.

Ngeche 8:18

An e wuon mwandu kod duong’. Chutho, mwandu mogundho kod gueth ni e lweta.

Isaya 26:12

A Ruoth Nyasaye, inimiwa kue, nikech gik moko duto ma wasetimo, in ema itimonwa.

Isaya 32:17

mi kue nosik nyaka chieng’, kendo luoro ok nobedie.

Isaya 48:18

Dine bed ni uwinjo chikena, to hapu domol ka aora, kendo pok muyudo kuom timu makare dotiak ka pi nam.

Isaya 48:22

Ruoth Nyasaye owacho ni, “Joricho onge gi kue.”

Isaya 55:12

Adier, unuwuog Babulon gi mor kod kue, kendo kuonde mukadhoe, gode madongo gi matindo nogo mahu gi mor. Yien duto mae thim bende nopam lwetgi.

Isaya 57:19

An Ruoth Nyasaye awacho niya, “Kue mondo obedie ni joma ni mabor, kendo ni joma ni machiegni, nikech abiro changogi.

Jeremia 33:6

To kata kamano, abiro change, mi odok mangima. Bende abiro chango joma odakie mi amigi mor kod kue.

Kwan 6:26

Ruoth Nyasaye mondo orangu maber, kendo okelnu kue.’

Mathayo 10:13

Ka weg odno orwakou, to kue mugwedhogigo mondo osik kanyo. To ka ok girwakou to kue mondo oduognu.

Luka 1:79

mondo orieny kuom joma odak e mudho, kendo e tipo mar tho, kendo mondo otawa e yo mokue.”

Luka 12:37

Mano kaka jotich ma ruodhgi yudo ka neno, kendo oikore, gin johawi! Awachonu adier ni, ruodhgino nong’wan lepe, kendo nomi gibed piny e mesa, mi omigi chiemo.

Luka 19:42

kowacho niya, “Yaye, mad ne bed ni ing’eyo tinendeni gima dikelni kue! To kata kamano ogeng’ore ni wang’i.

Luka 22:14

Kane sa ochopo, Yesu nobet e mesa kod jootene.

Luka 9:48

Eka nowachonigi niya, “Ng’ama orwako nyathi ma kama e nyinga, to orwako mana an, kendo ng’ama orwaka, to orwako mana Jal mane oora, nimar ng’at matinie moloyo kuomu duto, e ng’at maduong’ie moloyo.”

Johana 12:26

Ka ng’ato tiyona, to nyaka oluwa, kendo kama antie ema jatichna bende nobedie. Ka ng’ato tiyona, to Wuora nomiye duong’.

Johana 14:27

Kue ema koro aweyonu. Adier, kue mara awuon ema amiyou. En kue ma pinyni ok nyal chiwo. Kik chunyu parre, kendo kik ubed maluor.

Johana 16:33

Asenyisou wechegi duto mondo kubedo kuoma, to uyud kue. Unune malit e piny, to beduru modhil, nimar an aseloyo piny!”

Tich Joote 10:35

Oyie gi ng’ato ang’ata moluore, kendo matimo gik makare, bed ni oa e oganda mane!

Jo-Rumi 14:17

nikech Loch Nyasaye ok en wach mar chiemo kata mar madho gimoro, to en mana wach tim makare gi kue kod mor ma Roho Maler kelo.

Jo-Rumi 15:13

Nyasaye ma wuon geno opong’u gi mor duto kod kue nikech uyie kuome, mondo geno maru omedre mogundho kuom teko mar Roho Maler.

Jo-Rumi 2:7

Joma osiko katimo maber, kendo dwaro pak gi duong’ moa kuom Nyasaye, kod ngima ma ok rum, nomi ngima ma nyaka chieng’.

Jo-Rumi 2:9

Masira kod chandruok noyud ng’ato ka ng’ato matimo richo. Jo-Yahudi ema nokwong yudo masichego, eka joma ok jo-Yahudi bende noyudgi.

Jo-Rumi 5:1

Kaka osemi wabet e winjruok gi Nyasaye nikech wayie, koro wan gi kue kod Nyasaye kuom Yesu Kristo Ruodhwa.

Jo-Rumi 8:6

to joma timo gik ma Roho dwaro, paro mana weche mag Roho, kendo mano kelo ngima kod kue.

Jo-Rumi 9:21

Donge jachuech nigi teko mar timo atima gima ohero gi lowo? Koso donge lowo achiel onyalo chueyogo agulni ariyo, ma achiel itiyogo tich mogen, to machielo itiyogo tich aticha?

Jo-Rumi 9:23

To bende notimo kamano mondo omigo ji ong’e duong’ne kaka lich. En duong’ ma omiyo joma otimonigi ng’wono, ma gin joma ne oseloso chon mondo oyud duong’ kamano.

Jo-Galatia 5:22

To gik ma Roho nyago gin: hera, mor, kue, horuok, ng’wono, ber, bedo jaadiera,

Jo-Galatia 5:6

nimar ka wan kuom Kristo Yesu, to bedo moter nyangu, kata bedo ma ok oter nyangu, ok kony gimoro, to gimoro achiel kende madwarore en mana yie matiyo kuom hera.

Jo-Filipi 4:7

Eka kue mar Nyasaye modhiero ji ng’eyo norit chunyu gi parou, kubedo kuom Kristo.

1 Timotheo 1:17

Opak Ruoth mochwere! En Ruoth ma ok tho, kendo ma ok ne. En e Nyasaye kende. Duong’ obedne ma nyaka chieng’. Amin.

Jo-Hibrania 2:7

Ne imiyo obedo matin moloyo malaika kuom kinde manok. Bang’e ne isidhone osimbo mar duong’ kod pak,

Jakobo 2:22

Donge inyalo neno ni yie mare gi timne notiyo kaachiel, omiyo yiene nodoko malong’o nikech gima ne otimo?.

Jakobo 3:13

Ka ng’ato kuomu paro ni oriek kata ong’eyo gimoro, to ber mondo timne makare kendo mamuol onyis ni en ng’ama riek adier.

1 Petro 1:7

Gik makamago timore mondo otemugo one ane ka un gi yie maradier. Kata mana dhahabu ma nyalo kethore bende itemo gi mach. Omiyo yie maru, ma nengone tek moloyo dhahabu, nyaka tem mondo ong’ego ka en yie maradier. Eka nuyud pak gi duong’ kod luor, chieng’ ma Yesu Kristo ofwenyore.

1 Petro 5:4

Eka ka jakwath maduong’ obiro, to unuyud osimbo mar duong’ ma ok kethre, manyiso ni uselocho.

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.