Jo-Rumi 16:18 - MUMA MALER 2015

¹⁸ nikech ok gin jotich Ruodhwa Yesu Kristo, to gitiyo mana ni gombogi giwegi. Giwuondo joma kia gi weche mamit kendo malombo ji.

Motingʼo Loko Manyien

¹⁸ Nimar joma kamago ok ti ne Kristo Ruodhwa, to gitiyo mana ne igi giwegi. Giwuoyo gi weche mayom ka giolo ji mondo giwuond chunje joma pachgi thany thany.

Jo-Rumi 16:18 ပူးပေါင်းရင်းမြစ်များ

2 Samuel 15:6

Notimo kamano ni jo-Israel duto mane biro ni mondo ruoth Daudi ong’adnigi bura. Mano e kaka Absalom noywayo chuny jo-Israel.

2 Weche mag Ndalo 18:5

Omiyo ruodh jo-Israel nochoko jonabi mia ang’wen mopenjogi niya, “Wadhi waked gi jo-Ramoth-gilead, koso wawe?” Ne gidwoke niya, “Dhiyo nikech Nyasaye biro miyi dalano.”

Zaburi 119:130

Tiend wachni koel, to kelo ler, kendo omiyo weche donjo kata ni ng’ama riekone tin.

Zaburi 12:2

Ji duto riambo ni jowetegi, kendo ng’ato ka ng’ato wuondo wadgi gi weche manono.

Zaburi 19:7

Chik Nyasaye long’o kendo chiwo ngima manyien. Weche mag Nyasaye gin weche mogen. Gichiwo rieko ni joma ongego.

Ngeche 14:15

Ng’at ma riekone tin yie gimoro amora mowinjo. Ng’ama riek to ong’eyo pogo weche.

Ngeche 22:3

Ng’at man gi rieko neno chandruok kabiro, kendo tang’. Ng’at ma riekone tin to mwomore amwoma e chandruok, eka achien oywago ang’e.

Ngeche 8:5

Un joma pod yom, winjuru kaka onego udok motegno. Un joma ofuwo, winjuru kaka onego uyud rieko

Jeremia 23:17

Gisiko ka giwacho ni ji motamore winjo wachna niya, ‘Gik moko duto biro dhinu maber.’ Bende giwacho ni joma wigi tek ni masira ok nomakgi.

Ezekiel 13:16

Gin e joma ne owuondo jo-Jerusalem ni gik moko duto dhi maber, to kara gik moko ok dhi maber ngang’. An Ruoth Nyasaye ema awacho kamano.’ ”

Ezekiel 13:19

Useketho nyinga kuom joga mana ni mondo uyud cham moko sanja, kod makati matin. Unego joma ok owinjore negi. Mano e kaka uwuondo joga moyie gi wecheu mag miriambogo.

Daniel 11:34

To e kinde ma inegogieno giniyud kony matin, kata obedo ni ji mang’eny kuom joma odoknigi nobed gi paro maricho.

Mika 3:5

Ruoth Nyasaye wacho niya, “Jonabi wuondo joga ka nyiso joma miyogi gik moko ni gibiro yudo kue, to joma ok migi gimoro, to gibwogo ni gibiro kelonigi lweny.

Malaki 1:10

Ruoth Nyasaye Manyalo Gik Moko Duto owacho niya, “Da obedo maber ka ng’at achiel kuomu oloro dhorangeye mag laru mar Hekalu, mondo kik umok mach e kendona mar misango kayiem nono. Ok amor kodu, kendo ok nayie misengni muchiwona.

Mathayo 24:11

Bende jonabi mag miriambo nowuogi, mi nomi ji mang’eny lal.

Mathayo 24:24

nikech Mesia mag miriambo kod jonabi ma ok madier notuchi. Ginitim ranyisi madongo kod honni, mondo kanyalore to giwuondgo kata mana joma Nyasaye oyiero.

Mathayo 6:24

“Onge ng’ama nyalo tiyo ni ruodhi ariyo, nikech dosin gi moro, to ohero machielo, kata domi achiel luor, to ochayo machiel. Omiyo, ok unyal tiyo ni Nyasaye, mi kendo uchak uti ni mwandu.

Mathayo 7:15

“Beduru motang’ ni jonabi mag miriambo, mabiro iru korwakore gi lep rombe, to chutho gin mana ondiegi mangemo!

Johana 12:26

Ka ng’ato tiyona, to nyaka oluwa, kendo kama antie ema jatichna bende nobedie. Ka ng’ato tiyona, to Wuora nomiye duong’.

Jo-Rumi 14:18

Omiyo ng’at matiyo ni Kristo e yo ma kamano ema bedo malong’o ni Nyasaye, kendo ema ji bende oyiego.

Jo-Rumi 16:19

Ji duto osewinjo ni umako Wach Maber; mano emomiyo amor kodu. Adwaro ni mondo udok joma riek korka timo gima ber, to ubed joma ofuwo korka timo gima rach.

2 Jo-Korintho 11:3

To aluor ni kaka thuol nowuondo Hawa gi riekone parou bende kamoro inyalo wuondo mi uwe hero Kristo kende gi chunyu duto.

2 Jo-Korintho 2:17

Wan ok wachal gi ji mathoth makonyore gi Wach Nyasaye e yo ma ok kare, mondo oyudgo ohala. Ooyo, wan joma Nyasaye oseoro, omiyo wawuoyo e nyim Nyasaye gi adiera ka joma ni kuom Kristo.

2 Jo-Korintho 4:2

Wasekwedo timbe mag mudho kendo makuodo wich. Ok wawuoth gi miganga, bende ok wagaj Wach Nyasaye, to wawacho mana adiera e lela e nyim Nyasaye, kwanyiso wawegi ni wan kare, kendo wamiyo ji duto yie kodwa.

Jo-Galatia 1:10

Koso uparo ni mano nenore ka gima adwaro ni mondo abed malong’o e nyim dhano? Ooyo, adwaro bedo malong’o e nyim Nyasaye! Koso uparo ni adwaro mondo dhano ema obed mamor koda? To ka da bed ni pod atemo timo kamano, to da ok abedo jatich Kristo.

Jo-Filipi 2:21

nikech ji duto dwaro mana mekgi giwegi, to ok dew wach Yesu Kristo.

Jo-Filipi 3:19

To notiekgi e giko, nimar igi e nyisechegi, kendo gisungore mana ni gik makelonigi wichkuot, bende giparo mana weche mag pinyni.

Jo-Kolosai 2:4

Awachonu kamano mondo kik uwe ng’ato wuondu gi weche mamit maywayo ji.

Jo-Kolosai 3:24

kung’eyo ni Ruoth ema nomiu pok mosesingore ni joge, nimar Kristo e Ruoth mutiyone.

2 Jo-Thesalonika 2:10

kod wuond duto maricho miwuondogo joma olal. Jogo nolal kamano nikech gidagi hero adiera manyalo miyo gikwo.

1 Timotheo 6:5

kod dondruok maonge giko. Joma timo gik ma kamago gin joma parogi okethore, kendo ma adiera oselalnigi. Giparo ni lamo Nyasaye nyalo kelonigi ohala!

Jakobo 1:1

An Jakobo, misumba Nyasaye kod Ruoth Yesu Kristo, amoso jo-Nyasaye duto ma oseke e piny ngima.

2 Petro 2:3

Kuom gombo chamo gik malang’, jopuonj mag miriambo nokaw giu gi weche mag wuond. To jang’ad bura oseng’ado buchgi chon! Kum ema oritogi, kendo ng’ama biro tiekogi ok nindi!

Juda 1:1

An Juda, ma misumba Yesu Kristo, kendo ma owadgi Jakobo, ema andikonu baruani un joma Nyasaye ohero kendo ma oseluongo, kendo ma Yesu Kristo rito gi tekone.

Juda 1:12

Jogi gin mbelni e sewni mutimo mag hera, ka gichiemo kodu maonge wichkuot. Gin jokwath maparo mana gin giwegi kende! Gichalo rumbi ma yamo riembo to ok kel koth, kendo gichalo yiend olemo ma ok nyagi e ndalo oro, kendo mopudh gi tiendgi, mi otho chuth.

Juda 1:16

Jogi gin joma keko akeka, kendo ng’ur ang’ura. Giluwo mana gombo mag ringregi giwegi, bende gisungore marach, kendo giwuondo ji gi weche mamit mondo giyud gik ma gidwaro.

Fweny 1:1

Ma e fweny mane Nyasaye omiyo Yesu Kristo mondo onyisgo jotichne gik ma nyaka timre piyo. To Kristo nooro malaikane ir Johana jatichne mondo odhi onyise wach fwenyno,

1 Samuel 2:29

Ang’o momiyo koro uchayo misengni maga gi mich masechiko? Imiyo yawuoti duong’ moloyo an awuon, kiweyo gichamo lemo mabeyo mag mich ma joga Israel kelo, mi gidoko machwe.