Jo-Rumi 15:5 - MUMA MALER 2015

⁵ To Nyasaye ma wuon kinda gi hoch mondo omi ubed gi winjruok achiel kaka Yesu Kristo dwaro,

Motingʼo Loko Manyien

⁵ Mad Nyasaye mamiyo ji kinda kendo ma jiwo ji, omi ubed gi chuny achiel e kindu uwegi, kendo kuluwo Kristo Yesu,

Jo-Rumi 15:5 ပူးပေါင်းရင်းမြစ်များ

2 Weche mag Ndalo 30:12

To piny Juda ema ne Nyasaye otiyoe gi teko, momiyogi chuny achiel mar winjo wachne kaka ruoth gi jodonge nochikogi.

Zaburi 86:5

A Ruoth Nyasaye, iber kendo ing’wono ni ji, bende inyiso herani mogundho ni ji duto maywakni.

Wuok 34:6

Nokadho e nyim Musa, kowacho gi dwol maduong’ niya, “An JEHOVA. An Ruoth Nyasaye, an Nyasaye ma jang’wono kendo makecho ji. Iya ok wang’ piyo, kendo anyiso hera mosiko kod adiera.

Jeremia 32:39

Abiro miyogi chuny achiel gi yo achiel mondo giluora nyaka chieng’, eka gidhi nyime maber kod nyikwagi bende.

Ezekiel 11:19

Anagol kuomgi chuny matek ka lwanda ma gin-go, mi amigi chuny manyien mar luora. Adier, anamigi chuny malong’o.

Tich Joote 4:32

Joma oyie duto ne nigi paro achiel kod chuny achiel. Onge ng’ato kuomgi mane nyalo wacho ni gima en-go en mare owuon, to ne giriwo gik moko duto mane gin-go kaachiel.

Jo-Rumi 12:16

Beduru joma winjore, kendo kik ubed joma sungore, to beduru e achiel gi ji duto. Kik ukawru ni uriek.

Jo-Rumi 15:13

Nyasaye ma wuon geno opong’u gi mor duto kod kue nikech uyie kuome, mondo geno maru omedre mogundho kuom teko mar Roho Maler.

Jo-Rumi 15:3

Nyaka watim kamano nikech Kristo bende ne ok otimo mana gima en owuon ema ohero, to en mana kaka Muma wacho niya, “Ayany mane ji yanyigo ema koro iyanyago.”

1 Jo-Korintho 1:10

Owetena, asayou e nying Ruodhwa Yesu Kristo ni beduru gi winjruok uduto kuom gima uwacho, mondo kik ubed gi pogruok e kindu, to uriwru chutho kuom paro achiel kod dwaro achiel.

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.

2 Jo-Korintho 7:6

To Nyasaye majiwo joma okuyo, nojiwowa kuom biro mar Tito.

Jo-Efeso 5:2

Beduru gi hera, mana kaka Kristo noherowa, mi ochiwonwa ngimane obedo misango madum tik mamit ni Nyasaye.

Jo-Filipi 1:27

To koro nyaka une ni ngimau mapile obedo mowinjore gi Wach Maber mar Kristo. Kata ka abiro nenou, kata ka ok abiro, to adwaro winjo ni uchung’ motegno gi chuny achiel, mondo uked ni adiera mar Wach Maber.

Jo-Filipi 2:2

to kara beduru gi paro achiel, gi chuny achiel mondo umi chunya opong’ gi mor.

Jo-Filipi 3:16

To wadhiuru nyime mana kwaluwo chike ma waseluwo nyaka sani.

Jo-Filipi 4:2

Akwayo Yuodia gi Suntuke mondo jowinjre kuom Ruoth.

1 Petro 3:20

Mago e chuny mag joma nodagi winjo wach Nyasaye, kane pod Nyasaye rito mos e kinde mane Nowa hondhoe yie. Yieno noreso ji manok (ma kwangi oromo aboro) e pi.

1 Petro 3:8

Mogik to uduto nyaka ubed gi chuny achiel, kendo gi paro achiel. Herreuru kaka owete, bende beduru mamuol kendo mang’won.

2 Petro 3:15

Parieuru kaka Ruodhwa hore mos, komiyou thuolo mondo uyud warruok. Mano e gima owadwa Paulo mwahero nondikonu gi rieko mane Nyasaye omiye.

2 Petro 3:9

To kik upar ni Ruoth odeko kuom timo gima osesingore ni obiro timo kaka jomoko paro. Ooyo, ohorenu mos kapod orito, nikech ok odwar ni mondo ng’ato olal, to odwaro ni mondo ji duto olokre owe richogi.