Jo-Rumi 15:29 - MUMA MALER 2015

²⁹ Ang’eyo ni ka abiro iru to anabi gi gueth mogundho mar Kristo.

Motingʼo Loko Manyien

²⁹ Angʼeyo ni ka abiro iru to anabi katingʼo gweth mogundho mar Kristo.

Jo-Rumi 15:29 ပူးပေါင်းရင်းမြစ်များ

Zaburi 16:11

Inyisa yo matera e ngima. Kama intie ema ilo maduong’ yudoree, kendo e lweti ma korachwich ema gik mamiyo chuny mor nitie mosiko.

Ezekiel 34:26

“Anaguedhgi kendo anawe gidag e alwora mar goda maler, kakelonigi koth e kinde mowinjore.

Tich Joote 19:21

Kane gigo osetimore kamano, Paulo noneno ni mondo owuoth e piny Makedonia gi piny Akaya kolando Injili, bang’e ochwe nyaka Jerusalem. Nowacho niya, “Ka asedhi kuno, to onego adhi Rumi bende.”

Jo-Rumi 15:23

To koro asetieko tija kuondegi, kendo kaka asegombo biro iru kuom higni mang’eny,

Jo-Rumi 15:32

Kamano ka Nyasaye oyie to anabi iru gi mor, kendo ayue kodu.

2 Jo-Korintho 1:15

Ne an gi geno ahinya kuom wachno, omiyo ne achano mokwongo mondo abi iru, uyud gueth diriyo,

Jo-Efeso 1:3

Wagouru erokamano ni Nyasaye ma wuon Ruodhwa Yesu Kristo, nimar oseguedhowa, wan ma wan kuom Kristo, komiyowa mich duto mag Roho moa e polo.

Jo-Efeso 3:19

Adier, akwayo mondo ung’e herane modhiero rieko duto ng’eyo, mondo Nyasaye opong’ chunyu chuth gi gik moko duto momiyo ubedo kaka en.

Jo-Efeso 3:8

An e ng’ama tinie ahinya moloyo jo-Nyasaye duto, to Nyasaye notimona ng’wono, momiya tich mar lando ni joma ok jo-Yahudi Wach Maber mar mwandu mogundho mar Kristo.

Jo-Efeso 4:13

nyaka chop wan duto wabed e achiel ma wayudo nikech wayie kuom Wuod Nyasaye, kendo wang’eye. Eka wanabed joma otegno chutho, kendo wanachop e rang’iny mogik mar Kristo.